മനസ്സിന്റെ കണ്ണിൽ മലർ വിടർത്തുമീണങ്ങൾ

മ​ന​സ്സി​നെ ഏ​റെ നൊ​മ്പ​ര​പ്പെ​ടു​ത്തി​യ വാ​ർ​ത്ത​യാ​യി​രു​ന്നു കെ.​ജെ. ജോ​യ് എ​ന്ന അ​നു​ഗൃ​ഹീ​ത സം​ഗീ​ത സം​വി​ധാ​യ​ക​ന്റെ വി​യോ​ഗം. പ്ര​തി​ഭാ​ശാ​ലി​യാ​യ ആ ​സം​ഗീ​ത​ജ്ഞ​നെ​ക്കു​റി​ച്ച് ഓ​ർ​ക്കു​മ്പോ​ഴൊ​ക്കെ അ​റി​യാ​തെ മൂ​ളി​പ്പോ​കു​ന്ന ഗാ​ന​മാ​ണ് ‘ച​ന്ദ​ന​ച്ചോ​ല’​യി​ലെ, പി. ​സു​ശീ​ല ആ​ല​പി​ച്ച

‘ബി​ന്ദൂ നീ​യാ​ന​ന്ദ​ബി​ന്ദു​വോ

എ​ന്നാ​ത്മാ​വി​ൽ വി​രി​യും വ​ർ​ണ പു​ഷ്പ​മോ

ആ​തി​രാ​ക്കു​ളി​രൊ​ളി തെ​ന്ന​ലോ...’

(ര​ച​ന: ഡോ. ​ബാ​ല​കൃ​ഷ്ണ​ൻ)

1975ൽ ​ഏ​റ്റ​വും ജ​ന​പ്രീ​തി നേ​ടി​യ ഗാ​ന​മാ​യി​രു​ന്നു അ​ത്. ഡോ. ​ബാ​ല​കൃ​ഷ്ണ​ൻ നി​ർ​മി​ച്ച ‘ച​ന്ദ​ന​ച്ചോ​ല’ അ​ദ്ദേ​ഹ​ത്തി​ന്റെ ത​ന്നെ ‘ലേ​ഡീ​സ് ഹോ​സ്റ്റ​ൽ’, ‘കോ​ളേ​ജ് ഗേ​ൾ’ എ​ന്നീ ചി​ത്ര​ങ്ങ​ളെ​പ്പോ​ലെ ബോ​ക്സ് ഓ​ഫി​സ് ഹി​റ്റാ​യി​ല്ലെ​ങ്കി​ലും ഗാ​ന​ങ്ങ​ളെ​ല്ലാം സൂ​പ്പ​ർ​ഹി​റ്റു​ക​ളാ​യി​രു​ന്നു. അ​ക്കാ​ല​ത്ത് റേ​ഡി​യോ​യി​ൽ ച​ല​ച്ചി​ത്ര​ഗാ​ന പ​രി​പാ​ടി​ക്കാ​യി കാ​ത്തി​രു​ന്ന​ത് ‘ച​ന്ദ​ന​ച്ചോ​ല’​യി​ലെ ഗാ​ന​ങ്ങ​ൾ കേ​ൾ​ക്കാ​നാ​യി​രു​ന്നു. ‘ബി​ന്ദൂ നീ​യാ​ന​ന്ദ ബി​ന്ദു​വോ...’ അ​ല്ലെ​ങ്കി​ൽ ‘മ​ണി​യാ​ൻ ചെ​ട്ടി​ക്ക് മ​ണി​മി​ട്ടാ​യി...’ എ​ന്ന ഹാ​സ്യ​ഗാ​ന​മോ ഏ​താ​ണ്ടു​റ​പ്പ്.

‘മു​ഖ​ശ്രീ കു​ങ്കു​മം ചാ​ർ​ത്തു​മു​ഷ​സ്സേ

മൂ​ന്നാ​റി​ലു​ദി​ക്കു​മു​ഷ​സ്സേ’ (ര​ച​ന: വ​യ​ലാ​ർ), ‘ഹൃ​ദ​യം മ​റ​ന്നൂ നാ​ണ​യ​ത്തു​ട്ടി​ന്റെ കി​ലു​കി​ലാ ശ​ബ്ദ​ത്തി​ൽ...’ (ര​ച​ന: മൂ​പ്പ​ത്ത് രാ​മ​ച​ന്ദ്ര​ൻ) എ​ന്നീ ഗാ​ന​ങ്ങ​ളും സം​ഗീ​ത​പ്രേ​മി​ക​ൾ ഏ​റ്റെ​ടു​ത്തു.

‘മ​ണി​യാ​ൻ ചെ​ട്ടി​ക്ക് മ​ണി​മി​ട്ടാ​യി

മ​ധു​ര​ക്കു​ട്ടി​ക്ക് പ​ഞ്ചാ​ര​മു​ട്ടാ​യി

ഈ ​ആ​രോ​ഗ്യ​സ്വാ​മി​ക്ക് എ​ന്തു മി​ഠാ​യി

ഈ ​ആ​രോ​ഗ്യ സ്വാ​മി​യ്ക്ക് ഡ​ബ്ബ​റു മി​ട്ടാ​യി...’

പു​തു​മ​യു​ള്ള ഹാ​സ്യ​ഗാ​ന ശൈ​ലി​യി​ലു​ള്ള ഈ ​ഗാ​നം സൂ​പ്പ​ർ​ഹി​റ്റാ​യ​തു​കൊ​ണ്ട്

‘പ​രി​പ്പു വ​ടാ പ​ക്കു​വ​ടാ

കൊ​ക്കു​വ​ട പ​പ്പ​ട​വ​ട

ന​മ്മു​ടെ വാ​യി​ല് ച​ട​പ​ട​പ​ട’ (1977, ചി​ത്രം: ‘സ്നേ​ഹ​യ​മു​ന’, ര​ച​ന: യൂ​സ​ഫ​ലി കേ​ച്ചേ​രി) എ​ന്ന ഗാ​ന​മൊ​രു​ക്കാ​നും അ​വ​സ​രം കി​ട്ടി. ര​ണ്ട് ഗാ​ന​ങ്ങ​ളി​ലും യേ​ശു​ദാ​സി​നോ​ടൊ​പ്പം പാ​ടാ​ൻ ന​ട​ൻ പ​ട്ടം സ​ദ​നു​മു​ണ്ടാ​യി​രു​ന്നു.

അ​തു​വ​രെ കേ​ട്ടി​രു​ന്ന ഗാ​ന​ങ്ങ​ളി​ൽ​നി​ന്ന് തീ​ർ​ത്തും വ്യ​ത്യ​സ്ത​മാ​യ ശൈ​ലി ഈ​ണ​ത്തി​ലും ഓ​ർ​ക്ക​സ്ട്രേ​ഷ​നി​ലും കെ.​ജെ. ജോ​യി​യു​ടെ ഗാ​ന​ങ്ങ​ളി​ലു​ണ്ടാ​യി. അ​താ​ണ് സം​ഗീ​ത ആ​സ്വാ​ദ​ക​രെ ആ​ക​ർ​ഷി​ച്ച​ത്.

കെ.​ജെ. ജോ​യ് ആ​ദ്യ​മാ​യി ഈ​ണ​മൊ​രു​ക്കി​യ​ത് 1975ൽ ​പു​റ​ത്തി​റ​ങ്ങി​യ ‘ലൗ ​ലെ​റ്റ​ർ’ എ​ന്ന സി​നി​മ​ക്കാ​യാ​യി​രു​ന്നു. ഡോ. ​ബാ​ല​കൃ​ഷ്ണ​ൻ​ത​ന്നെ​യാ​യി​രു​ന്നു നി​ർ​മാ​താ​വ്.

‘ദുഃ​ഖി​ത​രേ ക​ണ്ണീ​ർ ഒ​ഴു​ക്കു​വോ​രെ’ (ര​ച​ന സ​ത്യ​ൻ അ​ന്തി​ക്കാ​ട്, പാ​ടി​യ​ത് സീ​റോ ബാ​ബു​വും സം​ഘ​വും), ‘കാ​മു​കി​മാ​രെ ക​ന്യ​ക​മാ​രെ’, (ര​ച​ന ഭ​ര​ണി​ക്കാ​വ് ശി​വ​കു​മാ​ർ, പാ​ടി​യ​ത് ​െക.​ജെ. യേ​ശു​ദാ​സ്), ‘മ​ധു​രം തി​രു​മ​ധു​രം’ (ര​ച​ന ഭ​ര​ണി​ക്കാ​വ് ശി​വ​കു​മാ​ർ, പാ​ടി​യ​വ​ർ യേ​ശു​ദാ​സ്, ബി. ​വ​സ​ന്ത), ‘ക​ണ്ടൂ മാ​മാ കേ​ട്ടൂ മാ​മി...’ (പാ​ടി​യ​വ​ർ അ​മ്പി​ളി, ബി. ​വ​സ​ന്ത, പ​ട്ടം സ​ദ​ൻ), ‘സ്വ​ർ​ണ​മാ​ല​ക​ൾ വി​ണ്ണി​ൽ വി​ത​റും’ (അ​മ്പി​ളി) എ​ന്നീ ഗാ​ന​ങ്ങ​ളി​ൽ ‘കാ​മു​കി​മാ​രെ’, ‘മ​ധു​രം തി​രു​മ​ധു​രം’ എ​ന്നീ ഗാ​ന​ങ്ങ​ൾ ഏ​റെ ആ​സ്വാ​ദ്യ​ക​ര​മാ​യി. ഈ ​ഗാ​ന​ങ്ങ​ളു​ടെ സ്വീ​കാ​ര്യ​ത​യാ​യി​രു​ന്നു ‘ച​ന്ദ​ന​ച്ചോ​ല’​യി​ലേ​ക്ക് കെ.​ജെ. ജോ​യി​യെ എ​ത്തി​ച്ച​ത്. തു​ട​ർ​ന്ന​ങ്ങോ​ട്ട് മ​ല​യാ​ള സി​നി​മാ​ഗാ​ന​രം​ഗ​ത്ത് ത​ന്റേ​താ​യ സ്ഥാ​നം ഉ​റ​പ്പി​ക്കു​ക​യാ​യി​രു​ന്നു ജോ​യ്.

‘സ്നേ​ഹ​യ​മു​ന’​യി​ൽ ജോ​യ് സം​ഗീ​തം പ​ക​ർ​ന്ന ‘നീ​ല യ​മു​നേ സ്നേ​ഹ യ​മു​നേ’ എ​ന്നു​തു​ട​ങ്ങു​ന്ന ഒ​റ്റ ഗാ​ന​മാ​ണ് കെ.​സി. വ​ർ​ഗീ​സ് (കു​ന്നം​കു​ളം) എ​ന്ന ഗാ​യ​ക​നെ പ്ര​ശ​സ്ത​നാ​ക്കി​യ​ത്. ഇ​തു​പോ​ലെ, ഗാ​ന​മേ​ള​ക​ളി​ൽ തി​ള​ങ്ങി​നി​ന്ന ഇ​ട​വ ബ​ഷീ​റി​നെ ‘ആ​ഴി​ത്തി​ര​മാ​ല​ക​ൾ അ​ഴ​കി​ന്റെ മാ​ല​ക​ൾ’ (ചി​ത്രം: ‘മു​ക്കു​വ​നെ സ്നേ​ഹി​ച്ച ഭൂ​തം’) എ​ന്ന ഹി​റ്റ് ഗാ​ന​ത്തി​ലൂ​ടെ സി​നി​മ​യി​ലേ​ക്ക് കൊ​ണ്ടു​വ​ന്ന​തും ജോ​യി​യാ​ണ്.

മ​ല​യാ​ള​ത്തി​ലെ മി​ക​ച്ച താ​രാ​ട്ട് പാ​ട്ടു​ക​ളി​ലൊ​ന്നാ​ണ് 1977ൽ ​പു​റ​ത്തി​റ​ങ്ങി​യ ‘ആ​രാ​ധ​ന’ എ​ന്ന സി​നി​മ​യി​ലെ യേ​ശു​ദാ​സും ജാ​ന​കി​യും ചേ​ർ​ന്ന് ആ​ല​പി​ച്ച,

‘ആ​രാ​രോ ആ​രീ​രാ​രോ

അ​ച്ച​ന്റെ മോ​ളാ​രാ​രോ

അ​മ്മ​യ്ക്കു നീ ​തേ​ന​ല്ലേ

ആ​യി​ര​വ​ല്ലി​പ്പൂ​വ​ല്ലേ?’

(ഗാ​ന​ര​ച​ന: ബി​ച്ചു തി​രു​മ​ല)

ഈ ​ചി​ത്ര​ത്തി​ലെ ‘താ​ളം താ​ള​ത്തി​ൽ താ​ള​മി​ടും താ​രം താ​രി​ന്റെ തേ​ൻ നു​ക​രും.’ (യേ​ശു​ദാ​സ്, ജാ​ന​കി) മ​ല​യാ​ളി​ക​ളു​ടെ മ​നം​ക​വ​ർ​ന്നു. തു​ട​ർ​ന്ന് കെ.​ജെ. ജോ​യ് സം​ഗീ​തം ന​ൽ​കി​യ ‘ഇ​വ​നെ​ന്റെ പ്രി​യ​പു​ത്ര​ൻ’ എ​ന്ന സി​നി​മ​യി​ലെ എ​ല്ലാ ഗാ​ന​ങ്ങ​ളും ഹി​റ്റു ചാ​ർ​ട്ടി​ൽ ഇ​ടം​പി​ടി​ച്ചു.

‘ഭൂ​മി​യി​ൽ സ്വ​ർ​ഗം പ​ണി​തു​യ​ർ​ത്തീ​ടും

പൂ​ർ​ണി​മ​യ​ല്ലോ സ്നേ​ഹം’

(യേ​ശു​ദാ​സ്, പി. ​സു​ശീ​ല)

‘ദേ​വാ​മൃ​ത ഗം​ഗ​യു​ണ​ർ​ത്തും

രോ​മാ​ഞ്ചം പു​ല്‍കി വി​ട​ര്‍ത്തും’

(യേ​ശു​ദാ​സ്),

‘രാ​ജ​മ​ല്ലി പൂ​വി​രി​ക്കും...’ (പി. ​സു​ശീ​ല),

‘ഈ ​ജീ​വി​ത​മൊ​രു പാ​രാ​വാ​രം

എ​ന്തെ​ന്ത​പാ​രം...’ (യേ​ശു​ദാ​സ്)

‘ഈ ​ജീ​വി​ത​മൊ​രു പാ​രാ​വാ​ര’​ത്തി​ൽ കെ.​ജെ. ജോ​യ് ന​ൽ​കി​യി​രി​ക്കു​ന്ന സം​ഗീ​ത​ത്തി​ന്റെ ച​ടു​ല​ത ആ​രെ​യും ആ​ക​ർ​ഷി​ക്കും. ‘പ​ട്ടാ​ളം ജാ​ന​കി’​യി​ലെ ‘മേ​ലെ വാ​ന​ത്തി​ലെ...’ (പാ​ടി​യ​ത് എ​സ് പി. ​ബാ​ല​സു​ബ്ര​ഹ്മ​ണ്യം) എ​ന്ന ഗാ​ന​ത്തി​ലും ഇ​തു തെ​ളി​ഞ്ഞു​കാ​ണാം.

ജ​യ​ന്റെ ഓ​ർ​മ​ക​ളു​ണ​ർ​ത്തു​ന്ന ‘ക​സ്തൂ​രി​മാ​ൻ​മി​ഴി മ​ല​ർ​ശ​ര​മെ​യ്തു’ (പാ​പ്പ​നം​കോ​ട് ല​ക്ഷ്മ​ണ​ൻ) എ​ന്ന ‘മ​നു​ഷ്യ​മൃ​ഗ’​ത്തി​ലെ ഗാ​നം ഇ​പ്പോ​ഴും ഗാ​ന​മേ​ള​ക്കാ​രു​ടെ പ്രി​യ​ഗാ​ന​ങ്ങ​ളി​ലൊ​ന്നാ​ണ്. പി. ​ഭാ​സ്ക​ര​ൻ ര​ചി​ച്ച ‘നി​ല​മേ​ഘ​മാ​ല​ക​ൾ നീ​ര​ദ മു​ല്ല​മാ​ല​ക​ൾ’ (‘അ​ര​ഞ്ഞാ​ണം’) അ​പൂ​ർ​വ സൗ​ന്ദ​ര്യ​മു​ള്ള പ്ര​ണ​യ​ഗാ​ന​മാ​ണ്. ‘സ്വ​ർ​ണ​മീ​നി​ന്റെ ചേ​ലൊ​ത്ത ക​ണ്ണാ​ളെ’ (‘സ​ർ​പ്പം’) യേ​ശു​ദാ​സും എ​സ്.​പി. ബാ​ല​സു​ബ്ര​ഹ്മ​ണ്യ​വും മ​ത്സ​രി​ച്ച് പാ​ടി​ത്ത​ക​ർ​ത്ത ഖ​വ്വാ​ലി​യാ​ണ്. ‘അ​ജ​ന്താ ശി​ൽ​പ​ങ്ങ​ളി​ൽ സു​ര​ഭീ പു​ഷ്പ​ങ്ങ​ളി​ൽ’ (‘മ​നു​ഷ്യ​മൃ​ഗം’), ‘താ​ഴം​പൂ​വി​ന്റെ താ​ലി​കെ​ട്ട്’ (പ​ട്ടാ​ളം ജാ​ന​കി-​യേ​ശു​ദാ​സ്, എ​സ്.​പി. ബാ​ല​സു​ബ്ര​ഹ്മ​ണ്യം) എ​ന്നീ ഗാ​ന​ങ്ങ​ളും ഇ​തു​പോ​ലെ കേ​ൾ​ക്കാ​ൻ സു​ഖം പ​ക​രു​ന്ന​താ​ണ്.

1979ൽ ​പു​റ​ത്തി​റ​ങ്ങി​യ ‘ലി​സ’ എ​ന്ന സി​നി​മ​യി​ലെ എ​ല്ലാ​ഗാ​ന​ങ്ങ​ളും ഹി​റ്റാ​ക്കി കെ.​ജെ. ജോ​യ്. ‘ഇ​ണ​ക്ക​മോ പി​ണ​ക്ക​മോ’ (യേ​ശു​ദാ​സ്) ‘നീ​ർ​മി​ഴി​ത്തു​മ്പി​ൽ ക​ണ്ണീ​രാ​ണോ’ (ജ​യ​ച​ന്ദ്ര​ൻ), ‘പാ​ടും രാ​ഗ​ത്തി​ൽ’ (ജ​യ​ച​ന്ദ്ര​ൻ), ‘പ്ര​ഭാ​ത​മേ പ്ര​ഭാ​ത​മേ’ (യേ​ശു​ദാ​സ്), ‘രാ​ധ ഗീ​ത ഗോ​വി​ന്ദ’ (പി. ​സു​ശീ​ല). ‘സാ​യൂ​ജ്യം’ (1979) എ​ന്ന ചി​ത്ര​ത്തി​ലെ ‘മ​റ​ഞ്ഞി​രു​ന്നാ​ലും മ​ന​സ്സി​ന്റെ ക​ണ്ണി​ൽ’ എ​ക്കാ​ല​ത്തെ​യും ഹി​റ്റ് ഗാ​ന​മാ​ണ്. ‘കാ​ലി​ത്തൊ​ഴു​ത്തി​ൽ പി​റ​ന്ന​വ​നേ...’ മി​ക​ച്ച ക്രി​സ്തീ​യ ഗാ​ന​വു​മാ​യി.

1980ൽ ​നി​ര​വ​ധി ഹി​റ്റ് ഗാ​ന​ങ്ങ​ൾ കെ.​ജെ. ജോ​യി​യു​ടെ സം​ഗീ​ത​ത്തി​ൽ പു​റ​ത്തു​വ​ന്നു.

‘ക​സ്തൂ​രി​മാ​ൻ മി​ഴി മ​ല​ർ​ശ​ര​മെ​യ്തു’ (‘മ​നു​ഷ്യ​മൃ​ഗം’), ‘മ​ഴ​മു​കി​ൽ മ​യ​ങ്ങി’ (ത​രം​ഗം), ‘ര​തീ ര​ജ​നീ ഗ​ന്ധി’ (‘ച​ന്ദ്ര​ഹാ​സം’) ‘ഹൃ​ദ​യം പാ​ടു​ന്നു’, ‘തെ​ച്ചി​പ്പൂ​വേ മി​ഴി​തു​റ​ക്കൂ...’ (‘ഹൃ​ദ​യം പാ​ടു​ന്നു’), ‘വ​സ​ന്ത​ത്തി​ൻ വി​രി​മാ​റി​ൽ’ (‘മ​ക​ര​വി​ള​ക്ക്’), ‘കു​റു​മൊ​ഴി കൂ​ന്ത​ലി​ൽ വി​ട​രു​മോ’, ‘മ​ധു​മ​ല​ർ താ​ല​മേ​ന്തും’, ‘ത​ത്ത​മ്മ​പ്പെ​ണ്ണേ ത​ഞ്ച​ത്തി​ൽ വാ’ (‘​പ​പ്പു’) ‘ച​ന്ദ​ന​ശി​ല​ക​ളി​ൽ’, ‘എ​വി​ടെ​യോ ക​ള​ഞ്ഞു​പോ​യ കൗ​മാ​രം’, ‘മി​ഴി​യി​ലെ​ങ്ങും തേ​നൂ​റും’ (‘ശ​ക്തി’) ഇ​വ​യി​ൽ ചി​ല​തു​മാ​ത്രം.

‘കു​ങ്കു​മ സ​ന്ധ്യ​ക​ളോ’, ‘വാ​ട​ക​വീ​ടൊ​ഴി​ഞ്ഞു’ (‘സ​ർ​പ്പം’) ‘മ​ണി​ദീ​പ​നാ​ളം തെ​ളി​യും’, ‘മേ​ലെ നീ​ലാ​കാ​ശം’ (‘ഇ​താ​ണെ​െ​ന്റ വ​ഴി’), ‘അ​മൃ​തൊ​ഴു​കും ഗാ​നം’, ‘നീ​യെ​ന്റെ ജീ​വ​നി​ൽ’ (‘മ​ദാ​ല​സ’), ‘ആ​ഴി​ത്തി​ര​മാ​ല​ക​ൾ’, ‘മു​ല്ല​പ്പൂ​മ​ണ​മോ’ (‘മു​ക്കു​വ​നെ സ്നേ​ഹി​ച്ച ഭൂ​തം’), ‘ആ​യി​രം മാ​ത​ള​പ്പൂ​ക്ക​ൾ’, ‘എ​ൻ​സ്വ​രം പൂ​വി​ടും’, ‘ഒ​രേ രാ​ഗ പ​ല്ല​വി ന​മ്മ​ൾ’ (‘അ​നു​പ​ല്ല​വി’), ‘അ​ക്ക​രെ ഇ​ക്ക​രെ നി​ന്നാ​ല്‍ എ​ങ്ങ​നെ ആ​ശ തീ​രും’ (‘ഇ​താ ഒ​രു തീ​രം’), ‘മ​ഴ​പെ​യ്തു പെ​യ്തു മ​ണ്ണു​കു​ളി​ര്‍ത്തു, മ​ല്ലീ​ശ​ര​നെ​യ്തെ​യ്തെ​ന്‍ മ​നം​കു​ളി​ര്‍ത്തു’ (‘ല​ജ്ജാ​വ​തി’) ‘‘ലാ​വ​ണ്യ​ദേ​വ​ത​യ​ല്ലേ...’, ‘നീ​യെ​ൻ ജീ​വ​നി​ൽ ഒ​രു​രോ​മാ​ഞ്ച​മാ​യ്’, ‘താ​ള​ങ്ങ​ളി​ല്‍ നീ ​രാ​ഗ​ങ്ങ​ളി​ല്‍ നീ’ (‘​ക​രി​മ്പൂ​ച്ച’) , ‘ശീ​ത​ള ശ​ര​ത്കാ​ല സ​ന്ധ്യ​യി​ൽ’ (‘കോ​മ​രം’), ‘ദീ​പ​പ്ര​ദ​ക്ഷി​ണം ക​ഴി​ഞ്ഞോ സ​ഖീ’ (‘തേ​ടി​യ വ​ള്ളി കാ​ലി​ൽ ചു​റ്റി’), ‘ധ​നു​മാ​സ കു​ളി​ര​ല’, ‘തു​മ്പീ മ​ഞ്ച​ലേ​റി വാ..’ (‘​മ​ഴ​പെ​യ്യു​ന്നു മ​ദ്ദ​ളം​കൊ​ട്ടു​ന്നു’) എ​ന്നി​ങ്ങ​നെ ഓ​ർ​മ​യി​ൽ ത​ങ്ങി​നി​ൽ​ക്കു​ന്ന നി​ര​വ​ധി ഗാ​ന​ങ്ങ​ൾ സ​മ്മാ​നി​ക്കാ​ൻ കെ.​ജെ. ജോ​യി​ക്ക് സാ​ധി​ച്ചു.

ജോ​ൺ​സ​ൻ, ര​വീ​ന്ദ്ര​ൻ എ​ന്നി​വ​രു​ടെ വ​ര​വോ​ടെ ച​ല​ച്ചി​ത്ര ഗാ​ന​ങ്ങ​ളു​ടെ രൂ​പ​ഭാ​വ​ങ്ങ​ൾ മാ​റി. കെ.​ജെ. ജോ​യി​ക്ക് അ​വ​സ​ര​ങ്ങ​ൾ കു​റ​ഞ്ഞു​തു​ട​ങ്ങി. 1994ൽ ​പു​റ​ത്തി​റ​ങ്ങി​യ ‘ദാ​ദ’ എ​ന്ന സി​നി​മ​ക്കു​വേ​ണ്ടി ‘അ​ഷ്ട​ല​ക്ഷ്മി കോ​വി​ലി​ലെ’ (യേ​ശു​ദാ​സ്, ചി​ത്ര) ‘മു​ഗ്ധ​ഹാ​സം മു​ഖ​ഭാ​വം’ (യേ​ശു​ദാ​സ്) എ​ന്നീ ഗാ​ന​ങ്ങ​ൾ​ക്കാ​ണ് അ​വ​സാ​ന​മാ​യി അ​ദ്ദേ​ഹം ഈ​ണം ന​ൽ​കി​യ​ത്. മൊ​ത്തം 65 ച​ല​ച്ചി​ത്ര​ങ്ങ​ൾ​ക്കാ​യി ഇ​രു​ന്നൂ​റ്റ​മ്പ​തോ​ളം ഗാ​ന​ങ്ങ​ൾ. 35 മ​ല​യാ​ള സി​നി​മ​ക​ൾ​ക്ക് പ​ശ്ചാ​ത്ത​ല സം​ഗീ​ത​വു​മൊ​രു​ക്കി.

എ​ക്കോ​ഡി​യ​ൻ എ​ന്ന സം​ഗീ​ത ഉ​പ​ക​ര​ണം ഏ​റ്റ​വും വി​ദ​ഗ്ധ​മാ​യി കൈ​കാ​ര്യം ചെ​യ്യാ​ന​റി​യു​ന്ന സം​ഗീ​ത​ജ്ഞ​നാ​യി​രു​ന്നു കെ.​ജെ. ജോ​യ്. പ്ര​ശ​സ്ത സം​ഗീ​ത​ജ്ഞ​നാ​യ എം.​എ​സ്. വി​ശ്വ​നാ​ഥ​ന്റെ ഓ​ർ​ക്ക​സ്ട്ര​യി​ൽ ചേ​രു​മ്പോ​ൾ ജോ​യി​ക്ക് വ​യ​സ്സ് 18 മാ​ത്ര​മാ​യി​രു​ന്നു. പ​ക്ഷാ​ഘാ​ത​ത്തെ തു​ട​ർ​ന്ന് വ​ർ​ഷ​ങ്ങ​ളോ​ളം കി​ട​പ്പി​ലാ​യ​േ​പ്പാ​ഴും സം​ഗീ​ത​വും ഈ​ണ​ങ്ങ​ളു​മാ​യി​രു​ന്നു മ​ന​സ്സി​ൽ. ഇ​നി​യും സം​ഗീ​ത​മൊ​രു​ക്കാ​ൻ അ​വ​സ​രം കി​ട്ടു​മെ​ന്ന പ്ര​തീ​ക്ഷ​യി​ൽ​ത​ന്നെ​യാ​യി​രു​ന്നു കെ.​ജെ. ജോ​യ്. ഈ ​കു​റി​പ്പ് എ​ഴു​തി പൂ​ർ​ത്തി​യാ​ക്കു​മ്പോ​ൾ റേ​ഡി​യോ​യി​ൽ​നി​ന്ന് ആ ​ഗാ​നം കേ​ൾ​ക്കു​ന്നു​ണ്ട്.

‘മ​റ​ഞ്ഞി​രു​ന്നാ​ലും മ​ന​സ്സി​ന്റെ ക​ണ്ണി​ൽ

മ​ല​രാ​യ് വി​ട​രും നീ...’ ​അ​തെ, ഗാ​നാ​സ്വ​ദ​ക​രു​ടെ മ​ന​സ്സി​ൽ മ​ല​രാ​യി വി​ട​രു​ക ത​ന്നെ ചെ​യ്യും കെ.​ജെ. ജോ​യി​യും അ​ദ്ദേ​ഹം ഈ​ണം പ​ക​ർ​ന്ന ഗാ​ന​ങ്ങ​ളും.