ഇൻകാസ് ഫുജൈറ യാത്രയയപ്പ്
text_fieldsശ്രീകുമാറിന് ഇൻകാസ് ഫുജൈറ സംസ്ഥാന കമ്മിറ്റി നൽകിയ യാത്രയയപ്പ്
ഫുജൈറ: ഒരേ കമ്പനിയിൽ 35 വർഷത്തോളം സിവിൽ സൂപ്പർവൈസറായി ജോലി ചെയ്ത ശേഷം വിരമിച്ച് നാട്ടിലേക്ക് മടങ്ങുന്ന തിരുവനന്തപുരം സ്വദേശിയും ഇൻകാസ് ഫുജൈറ തിരുവനന്തപുരം ജില്ല പ്രസിഡന്റുമായ ശ്രീകുമാറിന് ഇൻകാസ് ഫുജൈറ സംസ്ഥാന കമ്മിറ്റി യാത്രയയപ്പ് നൽകി.
ശിഷ്ടജീവിതവും പൊതുജന സേവനത്തിനായി വിനിയോഗിക്കുമെന്ന് അദ്ദേഹം പറഞ്ഞു. ഇൻകാസ് പ്രസിഡന്റ് ജോജു മാത്യു അധ്യക്ഷത വഹിച്ചു. കേന്ദ്രകമ്മിറ്റി ജനറൽ സെക്രട്ടറി കെ.സി. അബൂബക്കർ ഉദ്ഘാടനം ചെയ്തു. കോവിഡ് കാലത്തും ഫുജൈറ കൽബ പ്രളയ സമയത്തും ഇൻകാസ് പ്രവർത്തകർ നടത്തിയ നിസ്വാർഥമായ ജീവകാരുണ്യ സേവന പ്രവർത്തനങ്ങൾ പ്രശംസനീയവും മാതൃകാപരവുമായിരുന്നെന്ന് അദ്ദേഹം പറഞ്ഞു.
ഗ്ലോബൽ കമ്മിറ്റിയംഗം ഡോ. ഷാജി കാസ്മി, പി.സി. ഹംസ, നാസർ പാണ്ടിക്കാട്, ലസ്റ്റിൻ, ജിതേഷ്, ജി. പ്രകാശ്, ബിജോയ് ഇഞ്ചിപ്പറമ്പൻ, അനന്തൻ പിള്ള, നാസർ പാണ്ടിക്കാട് തുടങ്ങിയവർ സംസാരിച്ചു. ചടങ്ങിൽ ഇൻകാസ് ഫുജൈറയുടെ ഉപഹാരം സമ്മാനിച്ചു.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.