സ്വാതന്ത്ര്യദിനാഘോഷം: മറീനയിൽ യാനങ്ങളുടെ പരേഡ്

ദു​ബൈ: ഇ​ന്ത്യ​യു​ടെ 75ാം സ്വാ​ത​ന്ത്ര്യ ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി ദു​ബൈ മ​റീ​ന​യി​ൽ 50 ​യാ​ന​ങ്ങ​ൾ അ​ണി​നി​ര​ക്കു​ന്ന പ​രേ​ഡ്​ ന​ട​ക്കും. ത​മി​ഴ്​​നാ​ട്ടി​ലെ പ്ര​വാ​സി വ​നി​ത​ക​ളു​ടെ സം​ഘ​ട​ന​യാ​യ വെ​യ​ർ ഇ​ൻ ത​മി​ഴ്​​നാ​ടി​ന്‍റെ (ഡ​ബ്ല്യു.​ഐ.​ടി) നേ​തൃ​ത്വ​ത്തി​ൽ ആ​ഗ​സ്റ്റ്​ 14ന്​ ​രാ​വി​ലെ ഏ​ഴി​നാ​ണ്​ പ​രേ​ഡ്​ ന​ട​ക്കു​ക.

ഇ​തി​നു​ പു​റ​മെ വ​നി​ത​ക​ൾ ചേ​ർ​ന്ന്​ ഇ​ന്ത്യ​യു​ടെ ഭൂ​പ​ട​ത്തി​ന്‍റെ മാ​തൃ​ക തീ​ർ​ക്കും. ലിം​ക ബു​ക്ക്​ ഓ​ഫ്​ റെ​ക്കോ​ഡ്​ ല​ക്ഷ്യ​മി​ട്ട്​ 70ഓ​ളം വ​നി​ത​ക​ൾ അ​ണി​നി​ര​ക്കു​മെ​ന്നും സം​ഘാ​ട​ക​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

ദു​ബൈ ഇ​ന്ത്യ​ൻ കോ​ൺ​സു​ലേ​റ്റി​ന്‍റെ പ്ര​തി​നി​ധി​ക​ൾ പ​​ങ്കെ​ടു​ക്കും. പൊ​തു​ജ​ന​ങ്ങ​ൾ​ക്കും പ​രേ​ഡി​ന്‍റെ ഭാ​ഗ​മാ​കാം. ദു​ബൈ മ​റീ​ന ചു​റ്റി രാ​വി​ലെ പ​ത്തോ​ടെ പ​രേ​ഡ്​ സ​മാ​പി​ക്കും.

ആ​യി​ര​ത്തോ​ളം പേ​ർ എ​ത്തു​മെ​ന്ന്​ പ്ര​തീ​ക്ഷി​ക്കു​ന്നു. റോ​യ​ൽ സ്റ്റാ​ർ യോ​ട്ട് ക​മ്പ​നീ​സി​ന്‍റെ പി​ന്തു​ണ​യോ​ടെ​യാ​ണ്​ പ​രേ​ഡ്.

ത്രി​വ​ർ​ണ പ​താ​ക​ക​ളാ​ൽ അ​ല​ങ്ക​രി​ച്ചാ​യി​രി​ക്കും യാ​ന​ങ്ങ​ൾ പ​രേ​ഡി​ന്‍റെ ഭാ​ഗ​മാ​കു​കയെന്ന് സംഘാടകർ പറഞ്ഞു. ഡ​ബ്ല്യു.​ഐ.​ടി സ്ഥാ​പ​ക പ്ര​സി​ഡ​ന്‍റ്​ മെ​ർ​ലി​ൻ ഗോ​പി, വൈ​സ് പ്ര​സി​ഡ​ന്‍റ്​ അ​ഭി​ന​യ ബാ​ബു, റോ​യ​ൽ സ്റ്റാ​ർ യോ​ട്ട്സ് ചെ​യ​ർ​മാ​ൻ അ​ൻ​സാ​രി, ഡ​യ​റ​ക്ട​ർ മൊ​യ്‌​നു​ദ്ദീ​ൻ ദു​രൈ, ഈ​വ​ണ്ട​യ്ഡ്‌​സ് എം.​ഡി യാ​സി​ർ ഹ​മീ​ദ് തു​ട​ങ്ങി​യ​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.