ഇ​ന്ത്യ-​യു.​എ.​ഇ ബ​ന്ധ​ത്തി​ന് ക​രു​ത്തു​പ​ക​രു​ന്ന​ത് ജ​ന​ങ്ങ​ള്‍ -മ​ന്ത്രി റീം ​അ​ല്‍ ഹാ​ഷിമി

അ​ബൂ​ദ​ബി: ഇ​ന്ത്യ​യി​ലെ​യും യു.​എ.​ഇ​യി​ലെ​യും ജ​ന​ങ്ങ​ളാ​ണ് ഇ​രു​രാ​ജ്യ​ങ്ങ​ളു​ടെ​യും ബ​ന്ധ​ത്തി​ന് ക​രു​ത്തു​പ​ക​രു​ന്ന​തെ​ന്ന് യു.​എ.​ഇ അ​ന്താ​രാ​ഷ്ട്ര സ​ഹ​ക​ര​ണ സ​ഹ മ​ന്ത്രി റീം ​അ​ല്‍ ഹാ​ഷി​​മി വ്യ​ക്ത​മാ​ക്കി. സെ​പ ക​രാ​ര്‍ വ​ഴി ഇ​രു​രാ​ഷ്ട്ര​ങ്ങ​ളും ത​മ്മി​ലെ ബ​ന്ധം പു​തി​യ ത​ല​ങ്ങ​ളി​ലെ​ത്തി​യെ​ന്നും അ​വ​ര്‍ കൂ​ട്ടി​ച്ചേ​ര്‍ത്തു. അ​ബൂ​ദ​ബി​യി​ൽ ന​ട​ക്കു​ന്ന ച​തു​ര്‍ദി​ന ഇ​ന്ത്യാ ഗ്ലോ​ബ​ല്‍ ഫോ​റ​ത്തി​ല്‍ സം​സാ​രി​ക്കു​ക​യാ​യി​രു​ന്നു അ​വ​ർ.

യു.​എ.​ഇ-​ഇ​ന്ത്യ ബ​ന്ധ​ത്തി​ന്‍റെ പ്ര​ത്യേ​ക​ത ചൂ​ണ്ടി​ക്കാ​ട്ടാ​ന്‍ ബു​ദ്ധി​മു​ട്ടാ​ണ്. നൂ​റ്റാ​ണ്ടു​ക​ളാ​യി പ​ല​വി​ധ​ത്തി​ല്‍ ആ ​ബ​ന്ധം തു​ട​ര്‍ന്നു​പോ​രു​ക​യാ​ണ്. ജ​ന​ങ്ങ​ള്‍ ത​മ്മി​ലു​ള്ള സു​സ്ഥി​ര​ബ​ന്ധ​മാ​ണ് ഇ​തി​ല്‍ പ്ര​ധാ​ന​കാ​ര​ണം. ഈ ​ബ​ന്ധം തു​ട​ര്‍ന്നു​പോ​വു​മെ​ന്ന് ത​നി​ക്ക് വി​ശ്വാ​സ​മു​ണ്ട്. സെ​പ ക​രാ​ർ ഒ​പ്പു​വെ​ച്ച് എ​ട്ടോ ഒ​മ്പ​തോ മാ​സം കൊ​ണ്ട് ഉ​ഭ​യ​ക​ക്ഷി വ്യാ​പാ​രം 30 ശ​ത​മാ​നം വ​ര്‍ധി​ച്ചു. ഇ​തു​വ​രെ​യും സ​ഹ​ക​ര​ണ​മി​ല്ലാ​തി​രു​ന്ന മേ​ഖ​ല​ക​ളി​ല്‍കൂ​ടി സ​ഹ​ക​രി​ക്കാ​ന്‍ ക​രാ​ര്‍ സ​ഹാ​യി​ച്ച​താ​യും അ​വ​ര്‍ പ​റ​ഞ്ഞു.

​യു.എൻ രക്ഷാസമിതിയിൽ യു.​എ.​ഇ സാം​സ്‌​കാ​രി​ക, യു​വ​ജ​ന മ​ന്ത്രി നൂ​റ അ​ല്‍ കാ​ബി​യും ഇ​ന്ത്യ​ന്‍ വി​ദേ​ശ​കാ​ര്യ​മ​ന്ത്രി എ​സ്. ജ​യ്ശ​ങ്ക​റും കൂ​ടി​ക്കാ​ഴ്ച ന​ട​ത്തി. യു.​എ​ന്‍ സു​ര​ക്ഷ കൗ​ണ്‍സി​ലി​ല്‍ വി​ജ​യ​ക​ര​മാ​യ എ​ട്ടു ടേം ​പൂ​ര്‍ത്തി​യാ​ക്കി​യ ഇ​ന്ത്യ​യെ നൂ​റ അ​ല്‍ കാ​ബി അ​ഭി​ന​ന്ദി​ച്ചു. കൗ​ണ്‍സി​ലി​ല്‍ ഇ​ന്ത്യ​യു​ടെ ശ​ബ്ദം അ​നി​വാ​ര്യ​മാ​ണെ​ന്നു​പ​റ​ഞ്ഞ മ​ന്ത്രി ന​വീ​ക​രി​ച്ച സു​ര​ക്ഷ കൗ​ണ്‍സി​ലി​ലെ ഇ​ന്ത്യ​യു​ടെ സ്ഥി​രാം​ഗ​ത്വ​ത്തി​ന് യു.​എ.​ഇ​യു​ടെ പി​ന്തു​ണ ആ​വ​ര്‍ത്തി​ക്കു​ന്നു​വെ​ന്നും കൂ​ട്ടി​ച്ചേ​ര്‍ത്തു.