യു.എ.ഇയിലെ ഇന്ത്യൻ വ്യവസായികൾ ദാവോസിൽ; പുതിയ പ്രഖ്യാപനങ്ങൾ

ദാ​വോ​സ്​: യു.​എ.​ഇ കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്ന ഇ​ന്ത്യ​ൻ വ്യ​വ​സാ​യി​ക​ൾ ദാ​വോ​സി​ൽ ന​ട​ക്കു​ന്ന ലോ​ക സാ​മ്പ​ത്തി​ക ഫോ​റ​ത്തി​ൽ. വി​വി​ധ രാ​ജ്യ​ങ്ങ​ളി​ലെ ഭ​ര​ണാ​ധി​കാ​രി​ക​ളും ഇ​ന്ത്യ​യി​ലെ മു​ഖ്യ​മ​ന്ത്രി​മാ​രു​മെ​ല്ലാം സം​ബ​ന്ധി​ക്കു​ന്ന ​ഫോ​റ​ത്തി​ൽ വി​വി​ധ പ്ര​ഖ്യാ​പ​ന​ങ്ങ​ളും ന​ട​ന്നു. ലു​ലു ഗ്രൂ​പ്​ ചെ​യ​ർ​മാ​ൻ എം.​എ. യൂ​സു​ഫ​ലി, ലു​ലു ഫി​നാ​ൻ​ഷ്യ​ൽ ഹോ​ൾ​ഡി​ങ്​​സ്​ മാ​നേ​ജി​ങ്​ ഡ​യ​റ​ക്ട​ർ അ​ദീ​ബ്​ അ​ഹ്​​മ​ദ്, വി.​പി.​എ​സ് ഹെ​ൽ​ത്ത്കെ​യ​ർ ചെ​യ​ർ​മാ​ൻ ഡോ. ​ഷം​ഷീ​ർ വ​യ​ലി​ൽ തു​ട​ങ്ങി​യ​വ​ർ പ​​ങ്കെ​ടു​ക്കു​ന്നു​ണ്ട്.

ക​ർ​ണാ​ട​ക മു​ഖ്യ​മ​ന്ത്രി ബ​സ​വ​രാ​ജ ബൊ​മ്മെ​യു​മാ​യി എം.​എ. യൂ​സു​ഫ​ലി കൂ​ടി​ക്കാ​ഴ്ച ന​ട​ത്തി. ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ ലു​ലു ഗ്രൂ​പ് കൂ​ടു​ത​ൽ നി​ക്ഷേ​പം ന​ട​ത്തു​മെ​ന്ന്​ യൂ​സു​ഫ​ലി പ​റ​ഞ്ഞു. ക​ർ​ണാ​ട​ക, തെ​ല​ങ്കാ​ന, ആ​ന്ധ്ര എ​ന്നി​വി​ട​ങ്ങ​ളി​ലെ ഭ​ക്ഷ്യ സം​സ്ക​ര​ണ ഷോ​പ്പി​ങ്​ മാ​ൾ, ഹൈ​പ്പ​ർ മാ​ർ​ക്ക​റ്റ് തു​ട​ങ്ങി​യ മേ​ഖ​ല​ക​ളി​ൽ മു​ത​ൽ മു​ട​ക്കാ​നാ​ണ് ഗ്രൂ​പ് വി​ഭാ​വ​നം ചെ​യ്യു​ന്ന​ത്. ദാ​വോ​സി​ലെ ലോ​ക സാ​മ്പ​ത്തി​ക ഫോ​റ​ത്തി​ൽ ഇ​തു സം​ബ​ന്ധി​ച്ച ധാ​ര​ണ പ​ത്ര​ങ്ങ​ളി​ൽ ലു​ലു ഗ്രൂ​പ്പും സം​സ്ഥാ​ന​ങ്ങ​ളും ഒ​പ്പു​വെ​ച്ചു. ക​ർ​ണാ​ട​ക​യി​ലെ ട​യ​ർ 2 ന​ഗ​ര​ങ്ങ​ളി​ൽ ഹൈ​പ്പ​ർ മാ​ർ​ക്ക​റ്റു​ക​ൾ, ഭ​ക്ഷ്യ സം​സ്ക​ര​ണ കേ​ന്ദ്രം എ​ന്നി​വ തു​ട​ങ്ങു​ന്ന​തി​ന്​ 2,000 കോ​ടി രൂ​പ നി​ക്ഷേ​പി​ക്കും. ലു​ലു ഗ്രൂ​പ് ന​ട​ത്തു​ന്ന നി​ക്ഷേ​പ​ത്തി​ലൂ​ടെ ക​ർ​ണാ​ട​ക​യി​ൽ​നേ​രി​ട്ടും അ​ല്ലാ​തെ​യും പ​തി​നാ​യി​ര​ത്തി​ല​ധി​കം തൊ​ഴി​ൽ അ​വ​സ​ര​ങ്ങ​ൾ സൃ​ഷ്ടി​ക്കു​മെ​ന്ന് ക​ർ​ണാ​ട​ക മു​ഖ്യ​മ​ന്ത്രി ട്വീ​റ്റ്​ ചെ​യ്തു. മു​ഖ്യ​മ​ന്ത്രി ബൊ​മ്മെ, വ്യ​വ​സാ​യ വ​കു​പ്പ് മ​ന്ത്രി മു​രു​കേ​ഷ് നി​രാ​നി, എം.​എ. യൂ​സ​ഫ​ലി എ​ന്നി​വ​രു​ടെ സാ​ന്നി​ധ്യ​ത്തി​ൽ ലു​ലു ഗ്രൂ​പ് ഇ​ന്ത്യ ഡ​യ​റ​ക്ട​ർ ആ​ന​ന്ദ് റാം, ​ക​ർ​ണാ​ട​ക വ്യ​വ​സാ​യ വ​കു​പ്പ് അ​ഡീ​ഷ​ന​ൽ ചീ​ഫ് സെ​ക്ര​ട്ട​റി ഇ.​വി. ര​മ​ണ എ​ന്നി​വ​ർ ധാ​ര​ണ പ​ത്ര​ത്തി​ൽ ഒ​പ്പു​വെ​ച്ചു.

തെ​ല​ങ്കാ​ന​യി​ൽ അ​ത്യാ​ധു​നി​ക ഭ​ക്ഷ്യ സം​സ്ക​ര​ണ കേ​ന്ദ്രം ആ​രം​ഭി​ക്കു​ന്ന​തി​ന്​ 500 കോ​ടി നി​ക്ഷേ​പി​ക്കാ​നു​ള്ള ധാ​ര​ണ പ​ത്ര​ത്തി​ൽ ലു​ലു ഗ്രൂ​പ് തെ​ല​ങ്കാ​ന സ​ർ​ക്കാ​റും ത​മ്മി​ൽ ഒ​പ്പു​വെ​ച്ചു. തെ​ല​ങ്കാ​ന വ്യ​വ​സാ​യ മ​ന്ത്രി കെ.​ടി. രാ​മ റാ​വു യൂ​സു​ഫ​ലി​യു​മാ​യി ന​ട​ത്തി​യ ച​ർ​ച്ച​യി​ലാ​ണ് തീ​രു​മാ​ന​മാ​യ​ത്. മ​ഹാ​രാ​ഷ്ട്ര ടൂ​റി​സം മ​ന്ത്രി ആ​ദി​ത്യ താ​ക്ക​റെ​യു​മാ​യും യൂ​സു​ഫ​ലി കൂ​ടി​ക്കാ​ഴ്ച ന​ട​ത്തി. മ​ഹാ​രാ​ഷ്ട​യി​ൽ മു​ത​ൽ​മു​ട​ക്കു​വാ​ൻ മ​ഹാ​രാ​ഷ്ട്ര മ​ന്ത്രി​ത​ല സം​ഘം യൂ​സു​ഫ​ലി​യോ​ട് അ​ഭ്യ​ർ​ഥി​ച്ചു.

യു​ക്രെ​യ്ൻ അ​ഭ​യാ​ർ​ഥി​ക​ളാ​യ​ 50 കു​ട്ടി​ക​ളു​ടെ മൂ​ല​കോ​ശ മാ​റ്റി​വെ​ക്ക​ലി​ന്​ സ​ഹാ​യം ന​ൽ​കു​മെ​ന്ന്​ ദാ​വോ​സി​ൽ വി.​പി.​എ​സ്​ ചെ​യ​ർ​മാ​ൻ ഡോ. ​ഷം​ഷീ​ർ വ​യ​ലി​ൽ പ്ര​ഖ്യാ​പി​ച്ചു. യു​ദ്ധ​മേ​ഖ​ല​യി​ലെ അ​ർ​ബു​ദ രോ​ഗ​ബാ​ധി​ത​രാ​യ കു​ട്ടി​ക​ൾ​ക്ക് ചി​കി​ത്സ ല​ഭ്യ​മാ​ക്കാ​ൻ ല​ക്ഷ്യ​മി​ട്ടാ​ണ്​ പ്ര​ഖ്യാ​പ​നം. ഒ​രു മൂ​ല​കോ​ശം മാ​റ്റി​വെ​ക്ക​ൽ ചി​കി​ത്സ​ക്ക്​ യു.​എ.​ഇ​യി​ൽ 2.20 ല​ക്ഷം ദി​ർ​ഹ​മാ​ണ് (46 ല​ക്ഷം രൂ​പ) ചെ​ല​വ്.