ദീപാവലി ആഘോഷിച്ച്​ ഇന്ത്യൻ സമൂഹം

ദുബൈ: സുരക്ഷിത അകലം പാലിച്ച്​ മനസ്സുകൾ ചേർത്തുവെച്ച്​ ഇന്ത്യൻ സമൂഹം ദീപാവലി ആഘോഷിച്ചു.പതിവ്​ കൂട്ടംചേരലുകൾ ഒഴിവാക്കിയെങ്കിലും യു.എ.ഇയിലെ അനുവദനീയമായ വിനോദ സഞ്ചാര കേന്ദ്രങ്ങളിലും വീടുകളിലും ആഘോഷം പൊടിപൊടിച്ചു. പൂത്തിരി കത്തിച്ചും മധുരം വിതരണം ചെയ്​തും സഹോദര്യവും ​സ്​നേഹവും പങ്കിട്ടു. രണ്ടുദിസം മുമ്പുതന്നെ ദീപാലംകൃതമായിരുന്നു വീടുകൾ.

വിവിധ വിനോദ സഞ്ചാര കേന്ദ്രങ്ങളിലെ വർണവിസ്​മയം കാണാൻ നൂറുകണക്കിന്​ ഇന്ത്യക്കാർ എത്തി.ദുബൈ ഇന്ത്യൻ കോൺസുലേറ്റിലും യു.എ.ഇ ഇന്ത്യൻ എംബസിയിലും ആഘോഷം സംഘടിപ്പിച്ചു. വിവിധ സ്​കൂളുകളും സംഘടനകളും അസോസിയേഷൻ കൂട്ടായ്​മകളും ഓൺലൈൻ വഴി ആഘോഷം നടത്തി. ശിശുദിനവും ദീപാവലിയും ഒരുമിച്ചുവന്നതിനാൽ രണ്ട്​ ആഘോഷങ്ങളും ചേർത്തായിരുന്നു പരിപാടികൾ.

പാം ജുമൈറയിലെ ഫൗണ്ടെയ്​ൻ ദീപാവലിയോടനുബന്ധിച്ച്​ പ്രത്യേക ജലധാര സംഘടിപ്പിച്ചു. ഇതുകാണാൻ നൂറുകണക്കിനാളുകൾ എത്തി.ദുബൈ ഡിസൈൻറ ഡിസ്​ട്രിക്​റ്റ്​, ​ഫെസ്​റ്റിവൽ സിറ്റിമാൾ, വാട്ടർഫ്രണ്ട്​ മാർക്കറ്റ്​, ​േഗ്ലാബൽ വില്ലേജിലെ ഇന്ത്യൻ പവലിയൻ എന്നിവിടങ്ങളിലും ആഘോഷം അരങ്ങ്​ തകർത്തു. അൽ സീഫിൽ 21 വരെ ദീപങ്ങളുടെ ഉത്സവം നടക്കുന്നുണ്ട്​.അബൂദബിയിലെ പുതിയ ക്ഷേത്രത്തി​െൻറ നേതൃത്വത്തിൽ ഓൺലൈൻ ആഘോഷവും നടക്കും.