സ്വദേശിവത്കരണം; സ്കൂളുകളിൽ ഇമാറാത്തി ജീവനക്കാർ വർധിച്ചു

ദു​ബൈ: 50 ജീ​വ​ന​ക്കാ​രി​ൽ കൂ​ടു​ത​ലു​ള്ള സ്ഥാ​പ​ന​ങ്ങ​ൾ ര​ണ്ടു ശ​ത​മാ​നം സ്വ​ദേ​ശി ജീ​വ​ന​ക്കാ​രെ നി​യ​മി​ക്ക​​ണ​മെ​ന്ന നി​യ​മം പ്രാ​ബ​ല്യ​ത്തി​ൽ​വ​ന്ന​തോ​ടെ സ്കൂ​ളു​ക​ളി​ൽ ഇ​മാ​റാ​ത്തി​ക​ൾ​ക്ക്​ കൂ​ടു​ത​ൽ അ​വ​സ​രം ല​ഭി​ച്ചു​തു​ട​ങ്ങി. ദു​ബൈ, അ​ബൂ​ദ​ബി, ഷാ​ർ​ജ തു​ട​ങ്ങി യു.​എ.​ഇ​യി​ലെ മു​ഴു​വ​ൻ എ​മി​റേ​റ്റു​ക​ളി​ലെ​യും ഇ​ന്ത്യ​ൻ സ്കൂ​ളു​ക​ളി​ല​ട​ക്കം അ​ധ്യാ​പ​ക​രാ​യും മ​റ്റും ഇ​മാ​റാ​ത്തി ജീ​വ​ന​ക്കാ​രു​​ടെ എ​ണ്ണം വ​ർ​ധി​ച്ചു. എ​ന്നാ​ൽ, ചി​ല സ്വ​കാ​ര്യ സ്കൂ​ളു​ക​ൾ​ക്ക്​ ഉ​ദ്യോ​ഗാ​ർ​ഥി​ക​ളെ ല​ഭി​ക്കാ​ൻ പ്ര​യാ​സം നേ​രി​ടു​ന്നു​​മു​ണ്ട്. മി​ക്ക ഉ​ദ്യോ​ഗാ​ർ​ഥി​ക​ളും സ​ർ​ക്കാ​ർ നി​യ​ന്ത്ര​ണ​ത്തി​ലെ സ്കൂ​ളു​ക​ളി​ൽ പ്ര​വ​ർ​ത്തി​ക്കാ​ൻ താ​ൽ​പ​ര്യ​പ്പെ​ടു​ന്ന​തി​നാ​ലാ​ണ്​ ഈ ​സാ​ഹ​ച​ര്യം രൂ​പ​പ്പെ​ടു​ന്ന​ത്.

ദു​ബൈ​യി​ലെ ഇ​ന്ത്യ​ൻ അ​ക്കാ​ദ​മി​യി​ൽ ര​ണ്ട്​ ഇ​മാ​റാ​ത്തി​ക​ളെ​യാ​ണ്​ നി​യ​മി​ച്ചി​രി​ക്കു​ന്ന​ത്. നേ​ര​ത്തേ ഇ​വി​ടെ സ്വ​ദേ​ശി​ക​ളാ​യ ജീ​വ​ന​ക്കാ​ർ ഉ​ണ്ടാ​യി​രു​ന്നി​ല്ല. അ​റ​ബി ഭാ​ഷ പ​ഠി​പ്പി​ക്കു​ന്ന​തി​ന്​ ഇ​മാ​റാ​ത്തി അ​ധ്യാ​പ​ക​രെ സ്കൂ​ൾ നേ​ര​ത്തേ അ​ന്വേ​ഷി​ച്ചെ​ങ്കി​ലും ക​ണ്ടെ​ത്താ​ൻ ക​ഴി​ഞ്ഞി​രു​ന്നി​ല്ല. അ​ബൂ​ദ​ബി​യി​ലെ ഇ​ന്‍റ​ർ​നാ​ഷ​ന​ൽ ഇ​ന്ത്യ​ൻ സ്കൂ​ളും ര​ണ്ട്​ ഇ​മാ​റാ​ത്തി​ക​ളെ​യാ​ണ്​ നി​യ​മി​ച്ച​ത്. മി​ക്ക സ്കൂ​ളു​ക​ളി​ലും അ​ഡ്​​മി​നി​സ്​​ട്രേ​റ്റി​വ്​ പൊ​സി​ഷ​നു​ക​ളി​ലാ​ണ്​ ഇ​മാ​റാ​ത്തി​ക​ളെ നി​യ​മി​ക്കു​ന്ന​ത്. അ​ധ്യാ​പ​ക ത​സ്തി​ക​ക​ളി​ലേ​ക്ക്​ ഉ​ദ്യോ​ഗാ​ർ​ഥി​ക​ളു​ടെ എ​ണ്ണം കു​റ​വാ​യ​താ​ണി​തി​ന്​ കാ​ര​ണം.

നി​ശ്ചി​ത സ​മ​യ​ത്ത്​ ഇ​മാ​റാ​ത്തി ജീ​വ​ന​ക്കാ​രെ നി​യ​മി​ക്കാ​ത്ത സ്ഥാ​പ​ന​ങ്ങ​ൾ ഈ​വ​ർ​ഷം അ​വ​സാ​നം ഒ​രു ജീ​വ​ന​ക്കാ​ര​ന്​ 84,000 ദി​ർ​ഹം എ​ന്ന നി​ല​യി​ൽ പി​ഴ അ​ട​ക്കേ​ണ്ടി​വ​രു​മെ​ന്ന്​ യു.​എ.​ഇ മാ​ന​വ വി​ഭ​വ​ശേ​ഷി, എ​മി​റേ​റ്റൈ​സേ​ഷ​ൻ മ​ന്ത്രി ഡോ. ​അ​ബ്​​ദു​ൽ റ​ഹ്​​മാ​ൻ അ​ൽ അ​വാ​ർ ക​ഴി​ഞ്ഞ​ദി​വ​സം മു​ന്ന​റി​യി​പ്പ്​ ന​ൽ​കി​യി​രു​ന്നു. 50 വി​ദ​ഗ്​​ധ ജീ​വ​ന​ക്കാ​രി​ൽ കൂ​ടു​ത​ലു​ള്ള സ്ഥാ​പ​ന​ങ്ങ​ൾ ര​ണ്ട്​ ശ​ത​മാ​നം ഇ​മാ​റാ​ത്തി ജീ​വ​ന​ക്കാ​രെ നി​യ​മി​ക്ക​​ണ​മെ​ന്നാ​ണ്​ നി​യ​മം. ഈ ​വ​ർ​ഷം അ​വ​സാ​ന​ത്തോ​ടെ ഇ​ത്​ നാ​ലു​ ശ​ത​മാ​ന​മാ​യി ഉ​യ​ർ​ത്തും. ഇ​തു​വ​രെ 28,700 ഇ​മാ​റാ​ത്തി​ക​ളെ സ്വ​കാ​ര്യ​മേ​ഖ​ല​യി​ൽ നി​യ​മി​ച്ചി​ട്ടു​ണ്ട്. ക​ഴി​ഞ്ഞ​വ​ർ​ഷം അ​വ​സാ​ന​ത്തോ​ടെ 9000 സ്ഥാ​പ​ന​ങ്ങ​ൾ നി​ബ​ന്ധ​ന പാ​ലി​ച്ചു. 7000ത്തോ​ളം സ്ഥാ​പ​ന​ങ്ങ​ൾ ആ​ദ്യ​മാ​യാ​ണ്​ ഇ​മാ​റാ​ത്തി​ക​ളെ നി​യ​മി​ച്ച​ത്. 1000 സ്ഥാ​പ​ന​ങ്ങ​ൾ ഭാ​ഗി​ക​മാ​യി നി​യ​മം പാ​ലി​ച്ചു. എ​ന്നാ​ൽ, 2900 സ്ഥാ​പ​ന​ങ്ങ​ൾ ഇ​മാ​റാ​ത്തി​ക​ളെ നി​യ​മി​ക്കു​ന്ന​തി​ൽ വീ​ഴ്ച​വ​രു​ത്തി​യി​ട്ടു​ണ്ട്. ഇ​വ​ർ​ക്കാ​ണ്​ പി​ഴ ചു​മ​ത്തി​യ​ത്.