സ്വ​ദേ​ശി​വ​ത്​​ക​ര​ണം; ലു​ലു ഗ്രൂ​പ്പി​ന് നാ​ഫി​സ് പു​ര​സ്കാ​രം

അ​ബൂ​ദ​ബി: സ്വ​കാ​ര്യ സ്ഥാ​പ​ന​ങ്ങ​ളി​ൽ സ്വ​ദേ​ശി​വ​ത്​​ക​ര​ണം ന​ട​ത്തു​ന്ന സ്ഥാ​പ​ന​ങ്ങ​ൾ​ക്ക് മാ​ന​വ വി​ഭ​വ​ശേ​ഷി മ​ന്ത്രാ​ല​യ​ത്തി​ന്‍റെ ആ​ദ​രം. അ​ബൂ​ദ​ബി പ്ര​സി​ഡ​ൻ​ഷ്യ​ൽ പാ​ല​സി​ൽ ന​ട​ന്ന ച​ട​ങ്ങി​ലാ​ണ് പു​ര​സ്കാ​ര​ങ്ങ​ൾ വി​ത​ര​ണം ചെ​യ്ത​ത്. ഇ​ത്ത​രം സ്ഥാ​പ​ന​ങ്ങ​ൾ​ക്ക് ന​ൽ​കു​ന്ന പു​ര​സ്കാ​ര​മാ​യ നാ​ഫി​സ് അ​വാ​ർ​ഡ് ലു​ലു ഗ്രൂ​പ് ഉ​ൾ​പ്പെ​ടെ 21 സ്ഥാ​പ​ന​ങ്ങ​ൾ​ക്കാ​ണ് ല​ഭി​ച്ച​ത്. ലു​ലു ഗ്രൂ​പ്പി​നു​വേ​ണ്ടി ചെ​യ​ർ​മാ​ൻ എം.​എ. യൂ​സു​ഫ​ലി പു​ര​സ്കാ​രം ഏ​റ്റു​വാ​ങ്ങി.

യു.​എ.​ഇ. പ്ര​സി​ഡ​ന്‍റ്​ ശൈ​ഖ് മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ്യാ​ൻ, യു.​എ.​ഇ. വൈ​സ് പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂം, യു.​എ.​ഇ ഉ​പ​പ്ര​ധാ​ന​മ​ന്ത്രി​യും പ്ര​സി​ഡ​ൻ​ഷ്യ​ൽ​കാ​ര്യ മ​ന്ത്രി​യു​മാ​യ ശൈ​ഖ് മ​ൻ​സൂ​ർ ബി​ൻ സാ​യി​ദ് ആ​ൽ ന​ഹ്യാ​ൻ, ദു​ബൈ ഉ​പ​ഭ​ര​ണാ​ധി​കാ​രി ശൈ​ഖ് മ​ക്തൂം ബി​ൻ മു​ഹ​മ്മ​ദ് ആ​ൽ മ​ക്തൂം, യു.​എ.​ഇ വി​ദേ​ശ​കാ​ര്യ മ​ന്ത്രി ശൈ​ഖ് അ​ബ്ദു​ല്ല ബി​ൻ സാ​യി​ദ് ആ​ൽ ന​ഹ്യാ​ൻ, മാ​ന​വ​വി​ഭ​ശേ​ഷി സ്വ​ദേ​ശി​വ​ത്​​ക​ര​ണ മ​ന്ത്രി അ​ബ്ദു​റ​ഹ്മാ​ൻ അ​ൽ അ​വാ​ർ തു​ട​ങ്ങി​യ​വ​ർ പ​​ങ്കെ​ടു​ത്തു.