ഷാ​ർ​ജ​യി​ൽ ഭ​ക്ഷ്യോ​ൽ​പ​ന്ന സ്ഥാ​പ​ന​ങ്ങ​ളി​ൽ പ​രി​ശോ​ധ​ന

ഷാ​ർ​ജ: എ​മി​റേ​റ്റി​ൽ ഭ​ക്ഷ്യോ​ൽ​പ​ന്ന സ്ഥാ​പ​ന​ങ്ങ​ളി​ൽ പ​രി​ശോ​ധ​ന ശ​ക്​​ത​മാ​ക്കു​മെ​ന്ന്​ വ്യ​ക്​​ത​മാ​ക്കി ഷാ​ർ​ജ മു​നി​സി​പ്പാ​ലി​റ്റി. റ​മ​ദാ​ൻ മാ​സ​ത്തി​ൽ ഭ​ക്ഷ്യ​സു​ര​ക്ഷ ഉ​റ​പ്പാ​ക്കാ​ൻ ല​ക്ഷ്യ​മി​ട്ടാ​ണ്​ ന​ട​പ​ടി സ്വീ​ക​രി​ച്ചി​രി​ക്കു​ന്ന​ത്. എ​മി​റേ​റ്റി​ലെ മ​റ്റു മു​നി​സി​പ്പാ​ലി​റ്റി​ക​ളി​ലും പ​രി​ശോ​ധ​ന​ക​ൾ സ​ജീ​വ​മാ​ക്കി​യി​ട്ടു​ണ്ട്. റ​മ​ദാ​നി​ൽ പ​ക​ൽ സ​മ​യ​ങ്ങ​ളി​ൽ എ​മി​റേ​റ്റി​ൽ ഭ​ക്ഷ​ണം ത​യാ​റാ​ക്കാ​നും പ്ര​ദ​ർ​ശി​പ്പി​ക്കാ​നും വി​ൽ​ക്കാ​നും പ്ര​ത്യേ​കം അ​നു​മ​തി വാ​ങ്ങ​ണ​മെ​ന്ന്​ നേ​ര​ത്തെ അ​ധി​കൃ​ത​ർ നി​ർ​ദേ​ശി​ച്ചി​രു​ന്നു.

അ​നു​മ​തി ല​ഭി​ക്കു​ന്ന​വ​ർ​ക്ക്​ മാ​ത്ര​മാ​ണ് ഇ​ഫ്താ​റി​ന്​ മു​മ്പ്​ ഭ​ക്ഷ​ണം പ്ര​ദ​ർ​ശി​പ്പി​ച്ച്​ വി​ൽ​പ​ന ന​ട​ത്താ​ൻ അ​നു​വാ​ദ​മു​ള്ള​ത്. ഷോ​പ്പി​ങ്​ മാ​ളു​ക​ളി​ലേ​ത് ഉ​ൾ​പ്പെ​ടെ ഭ​ക്ഷ്യ​വ​സ്തു​ക്ക​ൾ ത​യാ​റാ​ക്കു​ന്ന​തി​നും വി​ൽ​ക്കു​ന്ന​തി​നു​മു​ള്ള സ്ഥ​ല​ങ്ങ​ൾ​ക്ക്​ പ്ര​ത്യേ​ക പെ​ർ​മി​റ്റ്​ വാ​ങ്ങ​ണം.

എ​ന്നാ​ൽ, ഈ ​പെ​ർ​മി​റ്റി​ൽ ഭ​ക്ഷ​ണം ഡൈ​നി​ങ്​ ഏ​രി​യ​യി​ൽ വി​ള​മ്പു​ന്ന​തി​ന്​ അ​നു​വാ​ദ​മു​ണ്ടാ​കി​ല്ല. അ​ടു​ക്ക​ള​ക​ൾ​ക്കു​ള്ളി​ൽ മാ​ത്ര​മേ ഭ​ക്ഷ​ണം ത​യാ​റാ​ക്കാ​നും പാ​ച​കം ചെ​യ്യാ​നും അ​നു​വാ​ദ​മു​ണ്ടാ​കൂ. അ​തേ​സ​മ​യം ഇ​ഫ്താ​റി​ന് മു​മ്പ് ക​ട​ക​ൾ​ക്ക് പു​റ​ത്ത് ഭ​ക്ഷ​ണ പ്ര​ദ​ർ​ശ​ന അ​നു​മ​തി ല​ഭി​ക്കു​ന്ന​ത്​ റ​സ്റ്റാ​റ​ന്റു​ക​ൾ, ക​ഫ്​​റ്റീ​രി​യ​ക​ൾ, മ​ധു​ര​പ​ല​ഹാ​ര ക​ട​ക​ൾ, ബേ​ക്ക​റി​ക​ൾ എ​ന്നി​വ​ക്ക്​ പ്ര​ത്യേ​ക പെ​ർ​മി​റ്റ്​ എ​ടു​ത്തി​രി​ക്ക​ണം. ഇ​ത​ട​ക്ക​മു​ള്ള നി​യ​മ​ങ്ങ​ൾ പാ​ലി​ക്കു​ന്നു​ണ്ടോ​യെ​ന്ന്​ പ​രി​ശോ​ധ​ന​ക​ളി​ൽ വി​ല​യി​രു​ത്തും. ഭ​ക്ഷ്യ​സു​ര​ക്ഷ ന​ട​പ​ടി​ക​ൾ നി​രീ​ക്ഷി​ക്കു​ന്ന​തി​നും ലം​ഘ​ന​ങ്ങ​ൾ ക​ണ്ടെ​ത്തു​ന്ന​തി​നു​മാ​യി ഷാ​ർ​ജ 380 ഇ​ൻ​സ്പെ​ക്ട​ർ​മാ​രെ നി​യ​മി​ച്ചി​ട്ടു​ണ്ട്.

പു​ണ്യ​മാ​സ​ത്തി​ൽ താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും ഏ​റ്റ​വും സു​ര​ക്ഷി​ത​വും ആ​രോ​ഗ്യ​ക​ര​വു​മാ​യ അ​ന്ത​രീ​ക്ഷം ഒ​രു​ക്കു​ക​യാ​ണ് ല​ക്ഷ്യ​മെ​ന്ന്​ ഷാ​ർ​ജ സി​റ്റി മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ ഉ​ബൈ​ദ് സ​ഈ​ദ് അ​ൽ തു​നൈ​ജി പ​റ​ഞ്ഞു. നി​യ​മ​ലം​ഘ​ന​ങ്ങ​ളോ മ​റ്റോ ശ്ര​ദ്ധ​യി​ൽ​പെ​ട്ടാ​ൽ 993 എ​ന്ന ന​മ്പ​റി​ൽ അ​റി​യി​ക്ക​ണ​മെ​ന്ന് ഷാ​ർ​ജ മു​നി​സി​പ്പാ​ലി​റ്റി പൊ​തു​ജ​ന​ങ്ങ​ളോ​ട് അ​ഭ്യ​ർ​ഥി​ച്ചു. അ​ജ്മാ​ൻ എ​മി​​റേ​റ്റി​ലെ മു​നി​സി​പ്പ​ൽ അ​റ​വു​ശാ​ല​ക​ളു​ടെ പ​രി​ശോ​ധ​ന​ക​ൾ പൂ​ർ​ത്തി​യാ​ക്കി​യി​ട്ടു​ണ്ട്.