മെ​ട്രോ, ട്രാം ​ഡി​പ്പോ​ക​ളി​ൽ സോ​ളാ​ർ പാ​ന​ൽ സ്ഥാ​പി​ക്കു​ന്നു

ദു​ബൈ: പ​രി​സ്ഥി​തി​സൗ​ഹൃ​ദ ഊ​ർ​ജ ഉ​ൽ​പാ​ദ​നം വ​ർ​ധി​പ്പി​ച്ച്​​ കാ​ർ​ബ​ൺ പു​റ​ന്ത​ള്ളു​ന്ന​ത്​ കു​റ​ക്കു​ക​യെ​ന്ന ല​ക്ഷ്യ​ത്തോ​ടെ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) പു​തി​യ പ​ദ്ധ​തി​ക​ൾ ന​ട​പ്പാ​ക്കു​ന്ന​തി​ന്​ തു​ട​ക്ക​മാ​യി. ഇ​തി​ന്‍റെ ഭാ​ഗ​മാ​യി സൗ​രോ​ർ​ജ ഉ​ൽ​പാ​ദ​നം ല​ക്ഷ്യ​മി​ട്ട്​ ദു​ബൈ മെ​ട്രോ​യു​ടെ ജ​ബ​ൽ അ​ലി, അ​ൽ ഖി​സൈ​സ്​ ഡി​പ്പോ​ക​ളി​ലും ദു​ബൈ ട്രാ​മി​ന്‍റെ അ​ൽ സ​ഫൂ​ഹ്​ ഡി​പ്പോ​യി​ലും സോ​ളാ​ർ പാ​ന​ലു​ക​ൾ സ്ഥാ​പി​ക്കാ​ൻ ആ​രം​ഭി​ച്ചു. അ​ടു​ത്ത വ​ർ​ഷം ആ​ദ്യ​പാ​ദ​ത്തി​ൽ പൂ​ർ​ത്തി​യാ​കു​മെ​ന്ന്​ പ്ര​തീ​ക്ഷി​ക്കു​ന്ന പ​ദ്ധ​തി വ​ഴി, 9.959 മെ​ഗാ വാ​ട്ട്​ സോ​ളാ​ർ വൈ​ദ്യു​തി ഉ​ൽ​പാ​ദി​പ്പി​ക്കാ​ൻ സാ​ധി​ക്കു​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

ദു​ബൈ സ​ർ​ക്കാ​റി​ന്‍റെ ‘ശം​സ്​ ദു​ബൈ’ പ​ദ്ധ​തി​യു​ടെ​യും ദു​ബൈ ശു​ദ്ധോ​ർ​ജ പ​ദ്ധ​തി​യു​ടെ​യും ഭാ​ഗ​മാ​യാ​ണി​ത്​ ന​ട​പ്പാ​ക്കു​ന്ന​ത്. 2050ഓ​ടെ കാ​ർ​ബ​ൺ പു​റ​ന്ത​ള്ള​ൽ പൂ​ർ​ണ​മാ​യും ഇ​ല്ലാ​താ​ക്കാ​നു​ള​ള ആ​ർ.​ടി.​എ​യു​ടെ ല​ക്ഷ്യം കൈ​വ​രി​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗം​കൂ​ടി​യാ​ണി​ത്. പൊ​തു ഗ​താ​ഗ​തം, കെ​ട്ടി​ട​ങ്ങ​ളും മ​റ്റു സൗ​ക​ര്യ​ങ്ങ​ളും, മാ​ലി​ന്യ നി​ർ​മാ​ർ​ജ​നം എ​ന്നീ മേ​ഖ​ല​ക​ളി​ലാ​ണ്​ പ്ര​ധാ​ന​മാ​യും പ​രി​സ്ഥി​തി​സൗ​ഹൃ​ദ സ​മീ​പ​നം ന​ട​പ്പാ​ക്കു​ന്ന​ത്. സു​സ്ഥി​ര പു​ന​രു​പ​യോ​ഗ ഊ​ർ​ജ​സ്രോ​ത​സ്സെ​ന്ന നി​ല​യി​ൽ സോ​ളാ​ർ ഊ​ർ​ജോ​ൽ​പാ​ദ​നം ആ​ർ.​ടി.​എ​യു​ടെ അ​ടി​സ്ഥാ​ന സൗ​ക​ര്യ​ങ്ങ​ളു​ടെ കാ​ര്യ​ക്ഷ​മ​ത​യും വ​ർ​ധി​പ്പി​ക്കു​ന്ന​താ​ണ്.

സോ​ളാ​ർ പാ​ന​ലു​ക​ൾ സ്ഥാ​പി​ക്കു​ന്ന​ത് ര​ണ്ടു ഘ​ട്ട​ങ്ങ​ളി​ലാ​യാ​ണ്. പ്രാ​രം​ഭ​ഘ​ട്ട​ത്തി​ൽ മെ​ക്കാ​നി​ക്ക​ൽ സ​ജ്ജീ​ക​ര​ണം പൂ​ർ​ത്തി​യാ​ക്കും. ഈ ​സ​മ​യ​ത്ത്​ ആ​വ​ശ്യ​മാ​യ സ​ജ്ജീ​ക​ര​ണ​ങ്ങ​ളും പി.​വി പാ​ന​ലു​ക​ളും സ്ഥാ​പി​ക്കും. ര​ണ്ടാം ഘ​ട്ട​ത്തി​ൽ ഇ​ല​ക്ട്രി​ക്ക​ൽ സ​ജ്ജീ​ക​ര​ണ​മാ​ണ്​ പ്ര​ധാ​ന​മാ​യും ഉ​ൾ​പ്പെ​ടു​ന്ന​ത്. വ​യ​റി​ങ്​ ഇ​ടു​ന്ന​തും സൗ​രോ​ർ​ജ സം​വി​ധാ​ന​ത്തി​നു​ള്ള ക​ണ​ക്ഷ​നു​ക​ൾ സ്ഥാ​പി​ക്കു​ന്ന​തും ഈ ​ഘ​ട്ട​ത്തി​ലാ​ണ്. പ്ര​തി​വ​ർ​ഷം 3.962 ട​ൺ കാ​ർ​ബ​ൺ ഡൈ ​ഓ​ക്‌​സൈ​ഡ് പു​റ​ന്ത​ള്ളു​ന്ന​ത്​ കു​റ​ക്കാ​ൻ ആ​ർ.​ടി.​എ​ക്ക്​ പ​ദ്ധ​തി വ​ഴി ക​ഴി​യു​മെ​ന്നാ​ണ്​ ക​ണ​ക്കാ​ക്ക​പ്പെ​ടു​ന്ന​ത്.

ജ​ബ​ൽ അ​ലി മെ​ട്രോ ഡി​പ്പോ​യി​ൽ 3.165 മെ​ഗാ​വാ​ട്ടും അ​ൽ ഖി​സൈ​സ് മെ​ട്രോ ഡി​പ്പോ​യി​ൽ​നി​ന്ന്​ 3.804 മെ​ഗാ​വാ​ട്ടും അ​ൽ സ​ഫൂ​ഹ് ട്രാം ​ഡി​പ്പോ​യി​ൽ 2.990 മെ​ഗാ​വാ​ട്ടു​മാ​ണ് സൗ​രോ​ർ​ജം ഉ​ൽ​പാ​ദി​പ്പി​ക്കു​ക.

സോ​ളാ​ർ പാ​ന​ലു​ക​ൾ​ക്ക്​ 25 മു​ത​ൽ 30 വ​ർ​ഷം വ​രെ ആ​യു​സ്സാ​ണ്​ ക​ണ​ക്കാ​ക്കു​ന്ന​ത്. പ​ദ്ധ​തി​യു​ടെ കാ​ര്യ​ക്ഷ​മ​ത​യും ഊ​ർ​ജോ​ൽ​പാ​ദ​ന​വും നി​രീ​ക്ഷി​ക്കാ​നും അ​റ്റ​കു​റ്റ​പ്പ​ണി​ക​ൾ തു​ട​ർ​ച്ച​യാ​യി ന​ട​ത്താ​നും സം​വി​ധാ​ന​മു​ണ്ടാ​കും. ആ​ർ.​ടി.​എ കെ​ട്ടി​ട​ങ്ങ​ളി​ൽ സോ​ളാ​ർ പാ​ന​ൽ സ്ഥാ​പി​ച്ച പ​ദ്ധ​തി നേ​ര​ത്തേ അ​വാ​ർ​ഡു​ക​ൾ നേ​ടി​യി​രു​ന്നു.