മ​ഴ പെ​യ്​​തൊ​ഴി​ഞ്ഞു; കെ​ടു​തി​യി​ല്ല

ദു​ബൈ: കാ​ലാ​വ​സ്ഥ കേ​ന്ദ്ര​ത്തി​ന്‍റെ പ്ര​വ​ച​നം ശ​രി​വെ​ച്ച്​ ബു​ധ​നാ​ഴ്ച രാ​ത്രി​യും വ്യാ​ഴാ​ഴ്ച പ​ക​ലു​മാ​യി രാ​ജ്യ​ത്താ​ക​മാ​നം മ​ഴ. കാ​റ്റി​ന്​ പി​ന്നാ​ലെ​യെ​ത്തി​യ മ​ഴ​യി​ൽ വ​ലി​യ നാ​ശ​ന​ഷ്ട​ങ്ങ​ളും അ​പ​ക​ട​ങ്ങ​ളും ഒ​രി​ട​ത്തും റി​പ്പോ​ർ​ട്ട്​ ചെ​യ്യ​പ്പെ​ട്ടി​ട്ടി​ല്ല. അ​തി​ജാ​ഗ്ര​ത​യോ​ടെ അ​ധി​കൃ​ത​രും മു​ന്ന​റി​യി​പ്പു​ക​ൾ അ​നു​സ​രി​ച്ച്​ ജ​ന​ങ്ങ​ളും പ്ര​വ​ർ​ത്തി​ച്ച​തോ​ടെ മ​ഴ ദു​രി​തം വി​ത​ക്കാ​തെ പെ​യ്​​തൊ​ഴി​ഞ്ഞു.

എ​ന്നാ​ൽ, വ്യാ​ഴാ​ഴ്​​ച രാ​വി​ലെ അ​നു​ഭ​വ​പ്പെ​ട്ട ശ​ക്ത​മാ​യ കാ​റ്റും മ​ഴ​യും ദു​ബൈ​യി​ൽ ചി​ല വി​മാ​ന സ​ർ​വി​സു​ക​ളെ ബാ​ധി​ച്ചു. 13 വി​മാ​ന​ങ്ങ​ൾ റ​ദ്ദാ​ക്കി​യ​താ​യും ചി​ല​ത്​ വ​ഴി​തി​രി​ച്ചു​വി​ട്ട​താ​യും അ​ധി​കൃ​ത​ർ വെ​ളി​പ്പെ​ടു​ത്തി. അ​ഞ്ച്​ വി​മാ​ന​ങ്ങ​ളാ​ണ്​ വ​ഴി​തി​രി​ച്ചു​വി​ട്ട​ത്. രാത്രിയോടെ വിമാനത്താവളം പൂർവസ്ഥിതിയിലായതായി അധികൃതർ അറിയിച്ചു. റോ​ഡ്​ ഗ​താ​ഗ​തം ത​ട​സ്സ​പ്പെ​ടാ​നു​ള്ള സാ​ധ്യ​ത പ​രി​ഗ​ണി​ച്ച്​ യാ​ത്ര​ക്കാ​ർ വി​മാ​ന​ത്താ​വ​ള​ത്തി​ലേ​ക്ക്​ നേ​ര​ത്തെ പു​റ​പ്പെ​ട​ണ​മെ​ന്ന്​ നി​ർ​ദേ​ശി​ച്ചി​രു​ന്നു.

ബു​ധ​നാ​ഴ്ച ത​ന്നെ പ​ല ഭാ​ഗ​ങ്ങ​ളി​ലും മ​ഴ തു​ട​ങ്ങി​യെ​ങ്കി​ലും വ്യാ​ഴാ​ഴ്ച പു​ല​ർ​ച്ചെ​യാ​ണ് രാ​ജ്യം മു​ഴു​വ​ൻ ശ​ക്ത​മാ​യ കാ​റ്റും മ​ഴ​യും ആ​രം​ഭി​ച്ച​ത്. അ​ബൂ​ദ​ബി, ദു​ബൈ, ഷാ​ർ​ജ, അ​ജ്മാ​ൻ, ഉ​മ്മു​ൽ​ഖു​വൈ​ൻ, റാ​സ​ൽ​ഖൈ​മ എ​മി​റേ​റ്റു​ക​ളി​ലെ തീ​ര​പ്ര​ദേ​ശ​ങ്ങ​ളി​ലും ഫു​ജൈ​റ, ഖോ​ർ​ഫു​ക്കാ​ൻ, ക​ൽ​ബ തു​ട​ങ്ങി​യ കി​ഴ​ക്ക​ൻ മേ​ഖ​ല​ക​ളി​ലും സാ​മാ​ന്യം ഭേ​ദ​പ്പെ​ട്ട മ​ഴ ല​ഭി​ച്ചു. ചി​ല​യി​ട​ങ്ങ​ളി​ൽ ശ​ക്ത​മാ​യ മ​ഴ ത​ന്നെ ല​ഭി​ച്ചു. പ​ല​യി​ട​ങ്ങ​ളി​ലും റോ​ഡി​ൽ വെ​ള്ള​ക്കെ​ട്ടു​ക​ൾ രൂ​പ​പ്പെ​ട്ടി​ട്ടു​ണ്ട്. വി​വി​ധ മു​നി​സി​പ്പാ​ലി​റ്റി അ​ധി​കൃ​ത​രു​ടെ​യും മ​റ്റും നേ​തൃ​ത്വ​ത്തി​ൽ അ​തി​വേ​ഗം വെ​ള്ള​ക്കെ​ട്ടു​ക​ൾ നീ​ക്കാ​നു​ള്ള ശ്ര​മം ന​ട​ന്നു​വ​രു​ക​യാ​ണ്. അ​ബൂ​ദ​ബി, ദു​ബൈ, ഷാ​ർ​ജ തു​ട​ങ്ങി മി​ക്ക ന​ഗ​ര​ങ്ങ​ളി​ലും റോ​ഡി​ൽ വെ​ള്ള​ക്കെ​ട്ട് രൂ​പ​പ്പെ​ട്ടെ​ങ്കി​ലും അ​തി​വേ​ഗ ന​ട​പ​ടി​ക​ളി​ലൂ​ടെ പ​ല​യി​ട​ങ്ങ​ളി​ലും ഗ​താ​ഗ​തം പു​നഃ​സ്ഥാ​പി​ച്ചു. റാ​സ​ൽ​ഖൈ​മ​യി​ൽ അ​ൽ ശു​ഹ​ദ ഭാ​ഗ​ത്തേ​ക്കു​ള്ള എ​മി​റേ​റ്റ്​​സ്​ റോ​ഡി​ന്‍റെ ഭാ​ഗ​ത്ത്​ കു​ഴി രൂ​പ​പ്പെ​ട്ടു. ഈ ​ഭാ​ഗ​ത്ത്​ ഡ്രൈ​വ​ർ​മാ​ർ ജാ​ഗ്ര​ത പാ​ലി​ക്ക​ണ​മെ​ന്ന്​ പൊ​ലീ​സ്​ ആ​വ​ശ്യ​പ്പെ​ട്ടി​ട്ടു​ണ്ട്.

ദുബൈയിൽ പാർക്കുകളും ബീച്ചുകളും ബുധനാഴ്ച മുതൽ അടച്ചിരുന്നെങ്കിലുംമാനം തെളിഞ്ഞതോടെ വ്യാഴാഴ്ച വൈകുന്നേരം തുറന്നു. ഇ​ന്റ​ർ​സി​റ്റി ബ​സു​ക​ളും റ​ദ്ദാ​ക്കി​യി​ട്ടു​ണ്ട്. സ​ർ​ക്കാ​ർ ജീ​വ​ന​ക്കാ​ർ​ക്ക് വ്യാ​ഴം, വെ​ള്ളി ദി​വ​സ​ങ്ങ​ളി​ൽ വീ​ട്ടി​ലി​രു​ന്ന് ജോ​ലി ചെ​യ്യാ​ൻ അ​നു​മ​തി ന​ൽ​കി​യി​ട്ടു​ണ്ട്. കാ​ലാ​വ​സ്ഥ മു​ന്ന​റി​യി​പ്പി​നെ തു​ട​ർ​ന്ന് യു.​എ.​ഇ​യി​ലെ ഒ​ട്ടു​മി​ക്ക സ്ഥ​ല​ങ്ങ​ളി​ലും വി​ദ്യാ​ല​യ​ങ്ങ​ൾ പ​ഠ​നം ഓ​ൺ​ലൈ​ൻ വ​ഴി​യാ​ക്കി​യി​ട്ടു​ണ്ട്.