കെ-റെയിൽ കേരളത്തിന്റെ ഗതാഗത പ്രശ്നത്തിന് പരിഹാരമാകില്ല -റസാഖ് പാലേരി
text_fieldsപ്രവാസി ഇന്ത്യ സംഘടിപ്പിച്ച കെ-റെയിൽ ചർച്ച സംഗമത്തിൽ വെൽഫെയർ പാർട്ടി സംസ്ഥാന വൈസ് പ്രസിഡന്റ് റസാഖ് പാലേരി സംസാരിക്കുന്നു
ദുബൈ: കേരളത്തിലെ സാധാരണ ജനങ്ങൾ അനുഭവിക്കുന്ന ഗതാഗത പ്രശ്നങ്ങൾക്ക് കെ-റെയിൽ പരിഹാരമാകില്ലെന്നും എല്ലാ വിഭാഗം ജനങ്ങൾക്കും സിൽവർ ലൈൻ പ്രയോജനപ്പെടില്ലെന്നും വെൽഫെയർ പാർട്ടി സംസ്ഥാന വൈസ് പ്രസിഡന്റ് റസാഖ് പാലേരി. ദുബൈയിൽ പ്രവാസി ഇന്ത്യ സംഘടിപ്പിച്ച കെ-റെയിൽ ചർച്ച സംഗമത്തിൽ സംസാരിക്കുകയായിരുന്നു അദ്ദേഹം. പാരിസ്ഥിതികാഘാത പഠനം നടത്താത്ത ഈ പദ്ധതി കേരളത്തിന്റെ പ്രകൃതിയുടെ നിലനിൽപിന് വലിയ അപകടമുണ്ടാക്കും.
കേരളത്തിലുണ്ടായ രണ്ടു പ്രളയങ്ങൾ കൊണ്ട് സർക്കാർ ഒന്നും പഠിച്ചിട്ടില്ല. എന്നാൽ, ജനങ്ങൾക്ക് ആശങ്കയുണ്ട്. സാമ്പത്തികമായി ഭീമമായ നഷ്ടമുണ്ടാകും എന്നാണ് പഠനങ്ങൾ വ്യക്തമാക്കുന്നത്. വേണ്ടത്ര യാത്രക്കാരെ ലഭിക്കാതെ ഇതൊരു സുസ്ഥിര പദ്ധതിയാകില്ല.
എന്തുതന്നെ വന്നാലും പദ്ധതിയുമായി മുന്നോട്ടുപോകുമെന്ന ധാർഷ്ട്യം കേരളം സമ്മതിക്കില്ല. കർഷകർക്ക് മുന്നിൽ നരേന്ദ്ര മോദി മുട്ടു മടക്കിയതുപോലെ പിണറായി വിജയനും കേരളത്തിലെ ജനങ്ങൾക്കുമുന്നിൽ വഴങ്ങേണ്ടിവരുമെന്നും റസാഖ് പാലേരി പറഞ്ഞു.ലൈസ് എടപ്പാൾ അധ്യക്ഷത വഹിച്ചു. അരുൺ സുന്ദർ രാജ് സ്വാഗതവും ഷഫീഖ് നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.