കണ്ണപുരം മഹൽ നിവാസികളുടെ സംഗമം സംഘടിപ്പിച്ചു

അബൂദബി: കണ്ണൂർ ജില്ലയിലെ കണ്ണപുരം മഹൽ നിവാസികളുടെ സംഗമം ‘പെരുമ 2017' സംഘടിപ്പിച്ചു. 
അബൂദബി മുറൂർ സഫ്രാൻ പാർക്കിൽ മഹ്‌റൂഫ് ദാരിമിയുടെ പ്രാർഥനയോടെ തുടക്കം കുറിച്ച കുടുംബ സംഗമത്തിൽ യു.എ.ഇയിലെ വിവിധ എമിറേറ്റുകളിൽ നിന്നുള്ള സ്ത്രീകളും കുട്ടികളും അടക്കം നിരവധി മഹല്ല് നിവാസികൾ സംബന്ധിച്ചു. 
മെഡിക്കൽ ക്യാമ്പ്, വിജ്ഞാന മത്സരങ്ങൾ എന്നിവ സംഘടിപ്പിച്ചു.  ചെയർമാൻ സുബൈർ മൊയ്തീൻ, പി.കെ. മുഹമ്മദ് അമീൻ, പി.കെ.പി. അബൂബക്കർ ഹാജി, മഹ്‌റൂഫ് ദാരിമി, പി.കെ. അഷ്‌റഫ്, കെ.പി. ശരീഫ്,തുടങ്ങിയവർ നേതൃത്വം നൽകി.