പ്ര​തീ​ക്ഷ​യോ​ടെ കേ​ര​ളം

അ​ബൂ​ദ​ബി: ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ് യാ​ന്‍ യു.​എ.​ഇ​യു​ടെ ഭ​ര​ണാ​ധി​കാ​രി​യാ​യി തെ​ര​ഞ്ഞെ​ടു​ക്ക​പ്പെ​ട്ട​തോ​ടെ കേ​ര​ള​ത്തി​ന്‍റെ പ്ര​തീ​ക്ഷ​യും വാ​നോ​ളം ഉ​യ​രു​ക​യാ​ണ്. പ​തി​റ്റാ​ണ്ടു​ക​ളാ​യി കേ​ര​ള​വും യു.​എ.​ഇ​യും ത​മ്മി​ലു​ള്ള ഊ​ഷ്മ​ള​ബ​ന്ധം ഇ​തി​നോ​ട​കം ത​ന്നെ വി​വി​ധ സം​രം​ഭ​ങ്ങ​ളു​ടെ തു​ട​ക്ക​ത്തി​നും സ​ഹ​ക​ര​ണ​ത്തി​നു​മു​ള്ള വാ​തി​ലു​ക​ളാ​ണ് തു​റ​ന്നി​ട്ടു​ള്ള​ത്. കേ​ര​ള​ത്തോ​ട് പ്ര​ത്യേ​കം താ​ല്‍പ​ര്യ​മു​ള്ള ശൈ​ഖ് മു​ഹ​മ്മ​ദി​ന്‍റെ സ്ഥാ​നാ​രോ​ഹ​ണം കൂ​ടു​ത​ല്‍ ഗു​ണ​ക​ര​മാ​വു​മെ​ന്നാ​ണ് വി​ല​യി​രു​ത്ത​ല്‍. ഇ​തി​ല്‍ പ്ര​ധാ​ന​പ്പെ​ട്ടതായിരു​ന്നു കേ​ര​ള​വും യു.​എ.​ഇ​യും ത​മ്മി​ല്‍ വി​നോ​ദ​സ​ഞ്ചാ​ര മേ​ഖ​ല​യി​ലെ നി​ക്ഷേ​പം അ​ട​ക്ക​മു​ള്ള സ​ഹ​ക​ര​ണ​ത്തി​നു​ള്ള ധാ​ര​ണ. ഇ​തു​സം​ബ​ന്ധി​ച്ച ക​രാ​റി​ല്‍ വൈ​കാ​തെ ഒ​പ്പു​വെ​ക്കാ​ന്‍ സം​സ്ഥാ​ന ടൂ​റി​സം മ​ന്ത്രി മു​ഹ​മ്മ​ദ് റി​യാ​സും അ​ബൂ​ദ​ബി ടൂ​റി​സം സാം​സ്‌​കാ​രി​ക വ​കു​പ്പ് ചെ​യ​ര്‍മാ​ന്‍ ഖ​ലീ​ഫ അ​ല്‍ മു​ബാ​റ​ക്കും ന​ട​ത്തി​യ ച​ര്‍ച്ച​യി​ല്‍ തീ​രു​മാ​ന​മാ​യി​രു​ന്നു.

ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ് യാ​ന്‍ ചെ​യ​ര്‍മാ​നാ​യ 16 ല​ക്ഷം കോ​ടി രൂ​പ നി​ക്ഷേ​പ നി​ധി​യു​ള്ള മു​ബാ​ദ​ല കേ​ര​ള​വു​മാ​യി സ​ഹ​ക​രി​ക്കാ​ന്‍ നി​ക്ഷേ​പം ഇ​റ​ക്കാ​നും യോ​ജി​ച്ച മേ​ഖ​ല​ക​ള്‍ ക​ണ്ടെ​ത്താ​ന്‍ ഇ​ട​പെ​ടു​മെ​ന്നും നേ​ര​ത്തേ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ അ​റി​യി​ച്ചി​രു​ന്നു. ശൈ​ഖ് മു​ഹ​മ്മ​ദി​ന്‍റെ സ്ഥാ​നാ​രോ​ഹ​ണം കേ​ര​ള​ത്തി​ന് പ്ര​തീ​ക്ഷ ന​ല്‍കു​ന്ന​തും ഇ​തി​നാ​ലാ​ണ്. പെ​ട്രോ കെ​മി​ക്ക​ല്‍ സ​മു​ച്ച​യം, ഡി​ഫ​ന്‍സ് പാ​ര്‍ക്ക്, ലൈ​ഫ് സ​യ​ന്‍സ് പാ​ര്‍ക്ക്, ഭ​ക്ഷ്യ സം​സ്‌​ക​ര​ണ കേ​ന്ദ്രം, വ്യോ​മ​യാ​ന വ്യ​വ​സാ​യം, കൃ​ഷി തു​ട​ങ്ങി നി​ര​വ​ധി മേ​ഖ​ല​ക​ളി​ല്‍ നി​ക്ഷേ​പം ന​ട​ത്താ​നാ​ണ് മു​ബാ​ദ​ല താ​ല്‍പ​ര്യം പ്ര​ക​ടി​പ്പി​ച്ച​ത്.

അ​തേ​സ​മ​യം, യു.​എ.​ഇ​യും ഇ​ന്ത്യ​യും ത​മ്മി​ലു​ള്ള വാ​ണി​ജ്യ സ​ഹ​ക​ര​ണം കൂ​ടു​ത​ല്‍ ശ​ക്തി​പ്പെ​ടു​ന്ന​തും കേ​ര​ള​ത്തി​നും മ​ല​യാ​ളി​ക​ള്‍ക്കും എ​പ്പോ​ഴും നേ​ട്ട​ങ്ങ​ളാ​ണ് സ​മ്മാ​നി​ക്കു​ന്ന​ത്. കോ​വി​ഡ് വെ​ല്ലു​വി​ളി​ക​ളെ അ​തി​ജീ​വി​ച്ച യു.​എ.​ഇ വാ​ണി​ജ്യ വ്യ​വ​സാ​യ മേ​ഖ​ല​ക​ളി​ല്‍ നൂ​ത​ന​ പ​ദ്ധ​തി​ക​ള്‍ ആ​വി​ഷ്‌​ക​രി​ച്ചു ന​ട​പ്പാ​ക്കി​വ​രു​ക​യാ​ണ്. നൂ​റു ശ​ത​മാ​നം ഉ​ട​മ​സ്ഥാ​വ​കാ​ശം ന​ല്‍കു​ന്ന നി​യ​മം, ചെ​ക്ക് ക്രി​മി​ന​ല്‍ കു​റ്റ​മ​ല്ലാ​താ​ക്കി​യ ഭേ​ദ​ഗ​തി, ദീ​ര്‍ഘ​കാ​ല വി​സ തു​ട​ങ്ങി​യ​വ മ​ല​യാ​ളി​ക​ള്‍ അ​ട​ക്ക​മു​ള്ള ല​ക്ഷ​ക്ക​ണ​ക്കി​ന് പ്ര​വാ​സി​ക​ള്‍ക്കാ​ണ് ഗു​ണ​ക​ര​മാ​യി​ട്ടു​ള്ള​ത്. ഇ​ന്ത്യ​ന്‍ പ്ര​വാ​സി​ക​ളെ സം​ബ​ന്ധി​ച്ചി​ട​ത്തോ​ളം യു.​എ.​ഇ ര​ണ്ടാം വീ​ടാ​ണ്. മ​ല​യാ​ളി​ക​ള്‍ക്ക് പ്ര​ത്യേ​കി​ച്ചും. അ​തു​കൊ​ണ്ടു​ത​ന്നെ കേ​ര​ള​ത്തോ​ട് അ​നു​ഭാ​വ പൂ​ര്‍വ​മാ​യ നി​ല​പാ​ട് എ​ക്കാ​ല​വും സ്വീ​ക​രി​ച്ചു​വ​രു​ന്ന ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ് യാ​ന്‍റെ രാ​ജ്യാ​ധ്യ​ക്ഷ പ​ദ​വി ഏ​റെ പ്ര​തീ​ക്ഷ​യാ​ണ് ന​ല്‍കു​ന്ന​ത്.