കേ​ര​ള​ക്ക​ര​ക്ക് അ​ഭി​മാ​ന​മാ​യി കേ​ര​ള റൈ​ഡേ​ഴ്​​സ്

ദു​ബൈ: എ​മി​റേ​റ്റി​ൽ എ​വി​ടെ​യൊ​ക്കെ റൈ​ഡു​ണ്ടോ അ​വി​ടെ​യെ​ല്ലാം സൈ​ക്കി​ളു​ക​ളു​മാ​യി ഇ​ര​ച്ചെ​ത്തു​ന്ന യു.​എ.​ഇ​യി​ലെ കേ​ര​ള റൈ​ഡേ​ഴ്​​സ് ടീം ​ദു​ബൈ റൈ​ഡി​ലും ആ​ദ്യ​വ​സാ​നം നി​റ​ഞ്ഞു​നി​ന്നു. യു.​എ.​ഇ​യി​ലെ സൈ​ക്കി​ൾ റൈ​ഡ​ർ​മാ​ർ​ക്കി​ട​യി​ലെ മ​ല​യാ​ളി​ക്കൂ​ട്ടാ​യ്മ​യാ​യ കേ​ര​ള റൈ​ഡേ​ഴ്​​സ് ടീ​മി​ലെ അം​ഗ​ങ്ങ​ൾ ഒ​ന്ന​ട​ങ്ക​മെ​ത്തി​യാ​ണ് ദു​ബൈ ന​ഗ​രം തീ​ർ​ത്ത ച​രി​ത്ര​ത്തി​ലേ​ക്ക് സൈ​ക്കി​ൾ ച​വി​ട്ടി​ക്ക​യ​റി​യ​ത്. സൈ​ക്കി​ൾ റൈ​ഡ​ർ​മാ​രു​ടെ 'പെ​രു​ന്നാ​ൾ ദി​ന'​മാ​യി വി​ശേ​ഷി​ക്ക​പ്പെ​ട്ട ഇൗ ​റൈ​ഡി​ൽ അ​തീ​വ ആ​ഹ്ലാ​ദ​ത്തോ​ടെ പ​ങ്കാ​ളി​ക​ളാ​യ​ത് മ​ല​യാ​ളി പ്ര​വാ​സി സ​മൂ​ഹ​ത്തി​നും അ​ഭി​മാ​ന​ത്തി​നു​ള്ള വ​ക​യാ​യി. ദു​ബൈ കി​രീ​ടാ​വ​കാ​ശി ശൈ​ഖ് ഹം​ദാ​ൻ ബി​ൻ റാ​ശി​ദ് ആ​ൽ മ​ക്തൂം ന​ൽ​കി​യ സ​മ്മാ​ന​മാ​ണ് ശൈ​ഖ് സാ​യി​ദ് റോ​ഡി​ലൂ​ടെ​യു​ള്ള സൈ​ക്ലി​ങ് -മൂ​ന്നു വ​ർ​ഷ​മാ​യി തു​ട​രു​ന്ന ദു​ബൈ ഫി​റ്റ്ന​സ് ച​ല​ഞ്ചി​ൽ ആ​ദ്യ​വ​സാ​നം ആ​വേ​ശ​ത്തോ​ടെ പ​ങ്കെ​ടു​ക്കു​ന്ന ക്ല​ബ് അം​ഗ​ങ്ങ​ൾ ഒ​രേ സ്വ​ര​ത്തി​ൽ പ​റ​ഞ്ഞു.

വാ​ഹ​ന​ങ്ങ​ളു​ടെ ക​ട​ലി​ര​മ്പം നി​റ​യു​ന്ന ശൈ​ഖ് സാ​യി​ദ് റോ​ഡ് ആ​ദ്യ​മാ​യി സൈ​ക്കി​ൾ റൈ​ഡ​ർ​മാ​ർ​ക്കാ​യി തു​റ​ന്നു​ന​ൽ​കി​യ അ​വ​സ​രം പ്ര​യോ​ജ​ന​പ്പെ​ടു​ത്താ​ൻ ആ​ഴ്ച​ക​ൾ നീ​ണ്ട ത​യാ​റെ​ടു​പ്പു​ക​ൾ ന​ട​ത്തി​യാ​ണ് കേ​ര​ള റൈ​ഡേ​ഴ്​​സ് ടീം ​ദു​ബൈ റൈ​ഡി​നെ​ത്തി​യ​ത്. 18 വ​യ​സ്സു​കാ​ര​ൻ ഉ​മ​റു​ൽ ഫാ​റൂ​ഖ് മു​ത​ൽ ഏറ്റവും പ്രായംകൂടിയ റൈഡർ 65കാരനായ അ​ബ്​​ദു​ൽ ജലാൽ വ​രെ ക്ല​ബി​ലെ എ​ല്ലാ അം​ഗ​ങ്ങ​ളും റൈ​ഡ് ന​യി​ച്ച ദു​ബൈ കി​രീ​ടാ​വ​കാ​ശി ശൈ​ഖ് ഹം​ദാ​ന് പി​ന്നി​ൽ അ​ണി​നി​ര​ന്ന് 14 കി​ലോ​മീ​റ്റ​ർ സൈ​ക്കി​ൾ ച​വി​ട്ടി. എ​മി​റേ​റ്റി​ലെ എ​ല്ലാ റൈ​ഡു​ക​ളി​ലും സ​ജീ​വ​മാ​യി പ​ങ്കെ​ടു​ക്കാ​റു​ള്ള റൈ​ഡേ​ഴ്​​സ് ടീം ​ഏ​റ്റ​വും ഒ​ടു​വി​ലാ​യി അ​ബൂ​ദ​ബി​യി​ൽ ന​ട​ന്ന സൈ​ക്കി​ൾ റൈ​ഡി​ലും മി​ക​ച്ച പ​ങ്കാ​ളി​ത്ത​മാ​ണ് ഉ​റ​പ്പാ​ക്കി​യ​ത്. യു.​എ.​ഇ​യി​ലെ ഏ​റ്റ​വും ശ്ര​മ​ക​ര​മാ​യ സൈ​ക്ലി​ങ് ച​ല​ഞ്ചാ​യ കോ​സ്​​റ്റ്​ ടു ​കോ​സ്​​റ്റ്​ റൈ​ഡി​ൽ 215 കി​ലോ​മീ​റ്റ​ർ സൈ​ക്കി​ൾ ച​വി​ട്ടി ക്ല​ബി​ലെ സ​ജി​ൻ, നൗ​ഫ​ൽ, അ​സ്ഫ​ർ, അ​ൻ​വ​ർ ആ​ദം, അലക്സ് ജോസഫ് എ​ന്നി​വ​ർ വി​ജ​യ​ക​ര​മാ​യി പൂ​ർ​ത്തീ​ക​രി​ച്ച​താ​ണ് മ​റ്റൊ​രു നേ​ട്ടം. മാ​ര​ത്ത​ൺ മ​ത്സ​ര​ങ്ങ​ളി​ലും സ്വി​മ്മി​ങ്​ ഇ​വ​ൻ​റു​ക​ളി​ലും അ​യ​ൺ മാ​ൻ മ​ത്സ​ര​ങ്ങ​ളി​ലും സ​ജീ​വ​മാ​ണ് ക്ല​ബ്​.

ക​ഴി​ഞ്ഞ ത​വ​ണ​ത്തെ ദു​ബൈ ഫി​റ്റ്ന​സ് ച​ല​ഞ്ച്​ '30 ദി​വ​സം 30 മി​നി​റ്റ്​ വ്യാ​യാ​മം'​നി​ര​വ​ധി പേ​രാ​ണ് വി​ജ​യ​ക​ര​മാ​യി പൂ​ർ​ത്തീ​ക​രി​ച്ച​ത്. ക​ഴി​ഞ്ഞ വ​ർ​ഷം മി​ക​ച്ച പ്ര​ക​ട​നം പു​റ​ത്തെ​ടു​ത്ത ക്ല​ബി​ലെ മോ​ഹ​ൻ​ദാ​സ് ഇ​ക്കു​റി​യും ഫി​റ്റ്ന​സ് ച​ല​ഞ്ചി‍െൻറ പാ​ത​യി​ൽ ത​ന്നെ​യാ​ണ്.

ഒ​പ്പം 100 ഡെ​യ്സ് ഫി​റ്റ്ന​സ് ച​ല​ഞ്ചി​ൽ ന​വ​നീ​ത്, മു​ർ​ഷി​ദ്, അ​ബ്​​ദു​ല്ല എ​ന്നി​വ​ർ സ​ജീ​വ​മാ​യി പ​ങ്കെ​ടു​ത്തു​കൊ​ണ്ടി​രി​ക്കു​ക​യാ​ണ്. സ്പോ​ർ​ട്​​സി​നൊ​പ്പം സാ​മൂ​ഹി​ക സേ​വ​ന മേ​ഖ​ല​യി​ലും ഇ​ട​പെ​ടു​ന്ന റൈ​ഡേ​ഴ്​​സ്, ക​ഴി​ഞ്ഞ ആ​ഴ്ച ദു​ബൈ ഹെ​ൽ​ത്ത് അ​തോ​റി​റ്റി​യു​മാ​യി സ​ഹ​ക​രി​ച്ച് ര​ക്ത​ദാ​ന ക്യാ​മ്പും സം​ഘ​ടി​പ്പി​ച്ചി​രു​ന്നു.