കേരള സോഷ്യൽ സെന്റർ പ്രവർത്തനോദ്ഘാടനം
text_fieldsകേരള സോഷ്യൽ സെന്ററിന്റെ 2023-24 വർഷത്തെ പ്രവർത്തനോദ്ഘാടനം ജോൺ ബ്രിട്ടാസ്
എം.പി നിർവഹിക്കുന്നു
അബൂദബി: കേരള സോഷ്യൽ സെന്ററിന്റെ 2023-24 വർഷത്തെ പ്രവർത്തനോദ്ഘാടനം മുതിർന്ന മാധ്യമ പ്രവർത്തകനും രാജ്യസഭാ അംഗവുമായ ജോൺ ബ്രിട്ടാസ് എം.പി നിർവഹിച്ചു. സെന്റർ സെക്രട്ടറി സത്യൻ സ്വാഗതം പറഞ്ഞ യോഗത്തിൽ പ്രസിഡന്റ് ബീരാൻകുട്ടി അധ്യക്ഷത വഹിച്ചു.
എഴുത്തുകാരി ദീപ നിശാന്ത്, ലോകകേരളസഭ അംഗവും കേരള പ്രവാസി സംഘം പ്രസിഡന്റുമായ ഗഫൂർ ലില്ലിസ്, ഇന്ത്യൻ എംബസി ഫസ്റ്റ് സെക്രട്ടറി പ്രേംചന്ദ് എന്നിവർ സംസാരിച്ചു. വിവിധ സാംസ്കാരിക സംഘടന പ്രതിനിധികളും വ്യവസായരംഗത്തെ പ്രമുഖരും സന്നിഹിതരായിരുന്നു.
സെന്റർ കലാകാരന്മാരും ബാലവേദി, വനിതകമ്മിറ്റി തുടങ്ങിയവർ ചിട്ടപ്പെടുത്തിയ കലാപരിപാടികളും ഉദ്ഘാടനസമ്മേളനത്തെ മികവുറ്റത്താക്കി. സെന്റർ ജോ. സെക്രട്ടറി ശ്രീകാന്ത് നന്ദി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.