കെ.എം.സി.സി രക്തദാന ക്യാമ്പ് സംഘടിപ്പിച്ചു

അബൂദബി: കാസർകോട്​ മണ്ഡലം കെ.എം.സി.സി ബ്ലഡ് ബാങ്കുമായി സഹകരിച്ച്​ നാലാമത് രക്തദാന ക്യാമ്പ് അബൂദബി മദീനത്ത് സായിദിയിൽ സംഘടിപ്പിച്ചു.ഷാഫി നാട്ടക്കൽ നേതൃത്വം നൽകി. മണ്ഡലം ആക്ടിങ് പ്രസിഡൻറ്​ അബ്​ദുല്ല പൈക്ക അധ്യക്ഷത വഹിച്ചു.

കെ.എം.സി.സി കാസർകോട്​ ജില്ല പ്രസിഡൻറ്​ അബ്​ദുറഹ്‌മാൻ പൊവ്വൽ ഉദ്​ഘാടനം ചെയ്തു. അബൂദബി സംസ്ഥാന കെ.എം.സി.സി ട്രഷറർ പി.കെ. അഹ്‌മദ്‌ ബല്ലാ കടപ്പുറം, ജില്ല ജനറൽ സെക്രട്ടറി ഹനീഫ് പടിഞ്ഞാർമൂല, അബൂദബി ഇന്ത്യൻ ഇസ്‌ലാമിക് സെൻറർ സ്പോർട്സ് സെക്രട്ടറി മുജീബ് മൊഗ്രാൽ, സുലൈമാൻ കാനക്കോട്, അനീസ് മാങ്ങാട്​, സുബൈർ കാഞ്ഞങ്ങാട്, സെഡ് എ മൊഗ്രാൽ, അബ്​ദുറഹിമാൻ കമ്പള ബായാർ, നാസർ കോളിയടുക്കം, ശരീഫ് ഉറുമി, സമീർ തായലങ്ങാടി, ഇല്യാസ് ബല്ലാ കടപ്പുറം, ഹബീബ് തളങ്കര, ജലീൽ മാന്യ, ലത്തീഫ് കുദിങ്കില, ബഷീർ ബെളിഞ്ചം, മുഷ്താഖ് പാദാർ, അഡ്വ.മുഹമ്മദ് അലി, ഫാറൂഖ് ബീജന്തടുക്ക, അസീസ് ആലംകോൾ, ആസിഫ് അറന്തോട് എന്നിവർ സംബന്ധിച്ചു. മണ്ഡലം ജനറൽ സെക്രട്ടറി അഷ്‌റഫ് ബദിയടുക്ക സ്വാഗതവും ബദറുദ്ദീൻ നന്ദിയും പറഞ്ഞു.