വിമാനയാത്ര വിലക്ക് പിന്‍വലിക്കല്‍; പ്രതീക്ഷയോടെ പ്രവാസികള്‍

അ​ബൂ​ദ​ബി: ഇ​ന്ത്യ രാ​ജ്യാ​ന്ത​ര വി​മാ​ന യാ​ത്ര​വി​ല​ക്ക് ഈ ​മാ​സം 27 മു​ത​ല്‍ പി​ന്‍വ​ലി​ക്കു​ന്ന​തോ​ടെ നി​ര​വ​ധി പ്ര​തി​സ​ന്ധി​ക​ള്‍ പ​രി​ഹ​രി​ക്ക​പ്പെ​ടു​മെ​ന്ന പ്ര​തീ​ക്ഷ​യി​ൽ പ്ര​വാ​സി​ക​ൾ. യു.​എ.​ഇ​യി​ലേ​ക്ക്​ എ​യ​ര്‍ ഇ​ന്ത്യ, എ​യ​ര്‍ ഇ​ന്ത്യ എ​ക്‌​സ്പ്ര​സ് വി​മാ​ന സ​ര്‍വി​സു​ക​ൾ സാ​ധാ​ര​ണ​നി​ല​യി​ലാ​വു​ന്ന​തോ​ടെ യാ​ത്ര നി​ര​ക്കു​ക​ളി​ല്‍ കു​റ​വു​ണ്ടാ​മെ​ന്നാ​ണ് പ്ര​ധാ​ന​മാ​യും പ്ര​തീ​ക്ഷി​ക്കു​ന്ന​ത്. അ​ബൂ​ദ​ബി​യി​ൽ​നി​ന്ന് എ​യ​ര്‍ ഇ​ന്ത്യ എ​ക്‌​സ്പ്ര​സ് ക​ണ്ണൂ​രി​ലേ​ക്ക് ഉ​ച്ച​ക്ക് ഒ​ന്നി​നും തി​രു​വ​ന​ന്ത​പു​ര​ത്തേ​ക്ക് രാ​ത്രി 9.10നും ​കൊ​ച്ചി​യി​ലേ​ക്ക് രാ​ത്രി 10നും ​കോ​ഴി​ക്കോ​ട്ടേ​ക്ക് അ​ര്‍ധ​രാ​ത്രി 12.20നു​മാ​യി​രി​ക്കും 27 മു​ത​ല്‍ പു​റ​പ്പെ​ടു​ക. ട്രി​ച്ചി​ക്ക് ഉ​ച്ച​ക്ക് 2.30നും ​മം​ഗ​ളൂ​രു​വി​ലേ​ക്ക് രാ​ത്രി 11.45നു​മാ​യി​രി​ക്കും സ​ര്‍വി​സ്.

അ​ബൂ​ദ​ബി​യി​ല്‍നി​ന്ന് എ​യ​ര്‍ ഇ​ന്ത്യ മും​ബൈ​യി​ലേ​ക്കും സ​ര്‍വി​സ് പു​ന​രാ​രം​ഭി​ക്കു​ന്നു​ണ്ട്. കോ​വി​ഡ് മൂ​ലം നി​ര്‍ത്തി​​വെ​ച്ച സ​ര്‍വി​സു​ക​ളി​ല്‍ ഭൂ​രി​ഭാ​ഗ​വും പു​ന​രാ​രം​ഭി​ക്കു​മെ​ന്നാ​ണ് അ​ധി​കൃ​ത​ര്‍ വ്യ​ക്ത​മാ​ക്കി​യി​രി​ക്കു​ന്ന​ത്. കോ​വി​ഡി​ന് മു​മ്പു​ണ്ടാ​യി​രു​ന്ന സ​മ​യ​ത്തു​ത​ന്നെ​യാ​യി​രി​ക്കും വി​മാ​ന​ങ്ങ​ള്‍ സ​ര്‍വി​സ് ന​ട​ത്തു​ക. അ​ല്‍ഐ​നി​ല്‍നി​ന്ന് കോ​ഴി​ക്കോ​ട്ടേ​ക്ക് എ​യ​ര്‍ ഇ​ന്ത്യ എ​ക്‌​സ്പ്ര​സ് ആ​ഴ്ച​യി​ല്‍ ര​ണ്ടു ദി​വ​സം സ​ര്‍വി​സ് ന​ട​ത്തും.

നി​ല​വി​ല്‍ വ്യാ​ഴാ​ഴ്ച മാ​ത്ര​മാ​യി​രു​ന്നു. ഞാ​യ​ര്‍, വ്യാ​ഴം ദി​വ​സ​ങ്ങ​ളി​ല്‍ ഉ​ച്ച​ക്ക് 2.20ന് ​സ​ര്‍വി​സു​ണ്ടാ​കും. ദു​ബൈ​യി​ല്‍നി​ന്ന് എ​യ​ര്‍ ഇ​ന്ത്യ കൊ​ച്ചി, കോ​ഴി​ക്കോ​ട്, ചെ​ന്നൈ, ഡ​ല്‍ഹി, മും​ബൈ, ഹൈ​ദ​രാ​ബാ​ദ് എ​ന്നീ സെ​ക്ട​റു​ക​ളി​ലേ​ക്ക് ദി​നേ​ന സ​ര്‍വി​സു​ണ്ടാ​വും. ഇ​ന്ദോ​റി​ലേ​ക്ക് ശ​നി​യാ​ഴ്ച​യും ഗോ​വ വ​ഴി ബം​ഗ​ളൂ​രു​വി​ലേ​ക്ക് ചൊ​വ്വ, വ്യാ​ഴം, ശ​നി, ഞാ​യ​ര്‍ ദി​വ​സ​ങ്ങ​ളി​ലും സ​ര്‍വി​സു​ണ്ടാ​കും. കൊ​ച്ചി, ഡ​ല്‍ഹി, മും​ബൈ സെ​ക്ട​റു​ക​ളി​ലേ​ക്ക് ഡ്രീം​ലൈ​ന​ര്‍ വി​മാ​ന​മാ​യി​രി​ക്കും സ​ര്‍വി​സ് ന​ട​ത്തു​ക. ഷാ​ര്‍ജ​യി​ല്‍നി​ന്ന് കോ​ഴി​ക്കോ​ട്ടേ​ക്കു​ള്ള എ​യ​ര്‍ ഇ​ന്ത്യ വി​മാ​നം 28 മു​ത​ല്‍ പു​ന​രാ​രം​ഭി​ക്കും.