ദുബൈ എക്​സ്​പോയിലേക്ക്​ ലയണൽ മെസ്സിയുടെ കിക്കോഫ്​

ദുബൈ: എക്​സ്​പോ 2020യുടെ മൂന്ന്​ മാസത്തെ കൗണ്ട്​ ഡൗണിന്​ അർജൻറീനൻ താരം ലയണൽ മെസ്സിയുടെ കിക്കോഫ്​.എക്​സ്​പോ സൈറ്റിലെ അൽ വാസൽ പ്രാസയിലേക്കായിരുന്നു മെസ്സിയുടെ പ്രതീകാത്​മക കിക്കോഫ്​. ഇടംകാലിൽ കുരുത്ത മെസ്സിയുടെ ഷോട്ട്​ അൽവാസൽ പ്ലാസയുടെ ഉള്ളിലേക്ക്​ പറന്നിറങ്ങുന്ന രീതിയിൽ ചിത്രീകരിച്ച വിഡിയോ ദുബൈ മീഡിയ ഒാഫിസാണ്​ ട്വീറ്റ്​ ചെയ്​തത്​.

ലോകത്തിലെ ഏറ്റവും വലിയ 360 ഡിഗ്രി പ്രൊജക്​ഷൻ താഴികക്കുടമാണ്​​ അൽ വാസൽ. എക്​സ്​പോ 2020യുടെ ഇൻറർനാഷനൽ​ അംബാസഡറായ​ മെസ്സി നിലവിൽ ബ്രസീലിൽ നടക്കുന്ന കോപ്പ അമേരിക്കയിൽ കളിക്കുകയാണ്​. 2019 മേയ്​ മുതൽ മെസ്സി എക്​സ്​പോ കാമ്പയി​െൻറ ഭാഗമാണ്​. കഴിഞ്ഞ വർഷം എക്​സ്​പോ സൈറ്റ്​ സന്ദർശിച്ചിരുന്നു.

ഒക്​ടോബർ ഒന്നു മുതൽ 2022 മാർച്ച്​ 31വരെയാണ്​ എക്​സ്​പോ 2020. കഴിഞ്ഞ ദിവസം എക്​സ​്​പോയിലേക്കുള്ള ടിക്കറ്റ്​ നിരക്ക്​ പ്രഖ്യാപിച്ചിരുന്നു. ഒരാൾക്ക്​ 95 ദിർഹമാണ്​ ടിക്കറ്റ്​ നിരക്ക്​, ആറു​ മാസത്തേക്ക്​ 495 ദിർഹം.