ലി​വ ഈ​ത്ത​പ്പ​ഴ ഫെ​സ്റ്റി​വ​ലി​ലേ​ക്ക്​​ സ​ന്ദ​ർ​ശ​ക​രു​ടെ ഒ​ഴു​ക്ക്​

അ​ബൂ​ദ​ബി: അ​ല്‍ദ​ഫ്​​റ മേ​ഖ​ല​യി​ല്‍ ബു​ധ​നാ​ഴ്ച ആ​രം​ഭി​ച്ച പ​ത്തൊ​മ്പ​താ​മ​ത് ലി​വ ഈ​ത്ത​പ്പ​ഴ ഫെ​സ്റ്റി​വ​ലി​ല്‍ ഇ​തു​വ​രെ​യെ​ത്തി​യ​ത് 34,000 സ​ന്ദ​ര്‍ശ​ക​ര്‍. അ​ബൂ​ദ​ബി ക​ള്‍ച്ച​റ​ല്‍ പ്രോ​ഗ്രാം​സ് ആ​ന്‍ഡ് ഹെ​റി​റ്റേ​ജ് ഫെ​സ്റ്റി​വ​ല്‍സ് ക​മ്മി​റ്റി​യും അ​ബൂ​ദ​ബി ഹെ​റി​റ്റേ​ജ് ക്ല​ബും ചേ​ര്‍ന്ന് സം​ഘ​ടി​പ്പി​ക്കു​ന്ന മേ​ള ജൂ​ലൈ 30നാ​ണ് സ​മാ​പി​ക്കു​ക. ഉ​ൽ​പാ​ദ​ക​രെ​യും വ്യാ​പാ​രി​ക​ളെ​യും നി​ക്ഷേ​പ​ക​രെ​യും ത​മ്മി​ല്‍ ബ​ന്ധി​പ്പി​ക്കു​ന്ന​ത് ല​ക്ഷ്യ​മി​ടു​ന്ന മേ​ള​യി​ല്‍ 293 പ്ര​ധാ​ന മ​ത്സ​ര​ങ്ങ​ളും സം​ഘ​ടി​പ്പി​ക്കു​ന്നു​ണ്ട്. മൊ​ത്തം 83 ല​ക്ഷം ദി​ര്‍ഹ​മി​ന്റെ കാ​ഷ് പ്രൈ​സും മ​ത്സ​ര​ങ്ങ​ളി​ലെ വി​ജ​യി​ക​ള്‍ക്കാ​യി കൈ​മാ​റും.

രാ​ജ്യ​ത്തി​ന്റെ സാം​സ്‌​കാ​രി​ക, പൈ​തൃ​ക, സാ​മ്പ​ത്തി​ക ജീ​വി​ത​ത്തി​ല്‍ ഈ​ത്ത​പ്പ​ഴം ഏ​തൊ​ക്കെ നി​ല​യി​ല്‍ സ്വാ​ധീ​നം ചെ​ലു​ത്തു​ന്നു​വെ​ന്ന​ത് ഉ​യ​ര്‍ത്തി​ക്കാ​ട്ടു​ന്ന​താ​ണ് മേ​ള. മേ​ഖ​ല​യി​ലേ​ക്ക് വി​നോ​ദ​സ​ഞ്ചാ​രി​ക​ളെ ആ​ക​ര്‍ഷി​ക്കു​ന്ന അ​ബൂ​ദ​ബി​യി​ലെ സു​പ്ര​ധാ​ന പൈ​തൃ​ക പ​രി​പാ​ടി​ക​ളി​ലൊ​ന്നു കൂ​ടി​യാ​ണ് ഈ​ത്ത​പ്പ​ഴ മേ​ള​യെ​ന്ന​തും പ്ര​ത്യേ​ക​ത​യാ​ണ്. യു.​എ.​ഇ​യു​ടെ പൈ​തൃ​കം തൊ​ട്ട​റി​യു​ന്ന​തി​നാ​യി ഒ​ട്ടേ​റെ പ​വി​ലി​യ​നു​ക​ള്‍ മേ​ള​യി​ല്‍ ഒ​രു​ക്കി​യി​ട്ടു​ണ്ട്. വീ​ടു​ക​ളി​ല്‍ നി​ര്‍മി​ക്കു​ന്ന​തും ദേ​ശീ​യ സ്ഥാ​പ​ന​ങ്ങ​ള്‍ ത​യാ​റാ​ക്കു​ന്ന ഉ​ൽ​പ​ന്ന​ങ്ങ​ളും വി​ല്‍ക്കു​ന്ന​തി​ന് 156 ക​ട​ക​ളും ഇ​വി​ടെ സ​ജ്ജ​മാ​ക്കി​യി​ട്ടു​ണ്ട്. സ​ന്ദ​ര്‍ശ​ക​ര്‍ക്കാ​യി ഭ​ക്ഷ​ണ​ശാ​ല​ക​ളും ഇ​വി​ടെ​യു​ണ്ട്.