ലുലു ഗ്രൂപ്പ്​ സായിദ് വര്‍ഷാചരണ പരിപാടികള്‍ തുടങ്ങി

അൽ​െഎൻ: ലുലു ഗ്രൂപ്പി​​​െൻറ സായിദ് വര്‍ഷാചരണ പരിപാടികള്‍ക്ക് അൽ​െഎനിൽ തുടക്കമായി. യു.എ.ഇ രാഷ്​ട്രപിതാന്​ ശൈഖ്​ സായിദിനോടുള്ള ആദരസൂചകമായി ‘ഐ ആം ഫോര്‍ സായിദ്’ എന്ന സന്ദേശമുയർത്തിയാണ്​ പരിപാടികൾ സംഘടിപ്പിക്കുന്നത്. ശൈഖ് സായിദി​​​െൻറ ജന്മനാട് എന്ന നിലക്കാണ്സായിദ് വര്‍ഷാചരണ പരിപാടികള്‍ക്ക് അല്‍ഐനില്‍ തുടക്കമിട്ടത്. കുവൈത്താത്തിലെ ലുലു ഹൈപ്പര്‍മാര്‍ക്കറ്റില്‍ നടന്ന പരിപാടിക്ക് ലുലു ഗ്രൂപ്പ് എക്സിക്യൂട്ടീവ് ഡയറക്ടര്‍ എം.എ. അഷ്റഫലി നേതൃത്വം നല്‍കി. യു.എ.ഇയുടെ തനത് കലാരൂപങ്ങള്‍ അണിനിരത്തിയായിരുന്നു ചടങ്ങ്. എമിറേറ്റ്സ് സൊസൈറ്റി ഫോര്‍ പാരൻറ്​സ്​ കെയര്‍ ആന്‍ഡ് കെയര്‍ ചെയര്‍മാന്‍ ശൈഖ് സായിദ് ബിന്‍ തഹ്​നൂൻ ആൽ നഹ്‍യാന്‍ ഉദ്ഘാടനം ചെയ്തു. ഫെഡറല്‍ നാഷനല്‍ കൗണ്‍സില്‍ അംഗം ശൈഖ് സാലിം ബിന്‍ റാക്കദ് ആല്‍ അമീരി, അബൂദബി ചേംബര്‍ ഒാഫ് കോമേഴ്സ് അംഗം ഡോ. അഹമ്മദ് സുദൈന്‍ എന്നിവര്‍ പങ്കെടുത്തു.