ലുലു ഹൈപർമാർക്കറ്റ് അജ്​മാനിൽ തുറന്നു

അജ്​മാൻ: ലുലു ഗ്രൂപ്പി​െൻറ 212ാമത് ഔട്ട്​ലെറ്റ്​ അജ്​മാനിൽ ചെയർമാൻ എം.എ യൂസുഫലിയുടെ സാന്നിധ്യത്തിൽ അജ്​മാൻ പോർട്​സ്​ ആൻഡ്​ കസ്​റ്റംസ്​ ചെയർമാൻ ശൈഖ്​ മുഹമ്മദ് ബിൻ അബ്​ദുല്ല അൽ നുഐമി ഉദ്​ഘാടനം ചെയ്​തു.

രണ്ടു നിലകളിലായി 70,000 സ്‌ക്വയർ ഫീറ്റിൽ വ്യാപിച്ചുകിടക്കുന്ന ഈ പുതിയ ഹൈപർമാർക്കറ്റ് തിരക്കേറിയ നുഐമിയ ഭാഗത്താണ്. അജ്​മാനിലെ മൂന്നാമത്തെ ലുലു ഹൈപർമാർക്കറ്റാണിത്. ഗ്രോസറി, ഫ്രഷ് ഐറ്റംസ്, ഹോട്ട് ഫുഡ്, ഫാഷൻ, ലൈഫ് സ്​​െറ്റെൽ ഉൽപന്നങ്ങൾ തുടങ്ങിയവ ഇവിടെ ഒരുക്കിയിട്ടുണ്ട്.അരനൂറ്റാണ്ടി​െൻറ പുരോഗതിയുമായി മുന്നോട്ടു കുതിക്കുന്ന യു.എ.ഇയിലെ ജനതക്ക്​ ലുലു ഗ്രൂപ് നൽകുന്ന പ്രതിജ്ഞാബദ്ധതയുള്ള അവസരമാണ് ഈ ഹൈപർ മാർക്കറ്റെന്ന് എം.എ യൂസുഫലി പറഞ്ഞു.

മഹാമാരിയുടെ ഘട്ടത്തിലും ജനങ്ങളുടെ ആവശ്യം അറിഞ്ഞ്​ തദ്ദേശവാസികൾക്ക് ഷോപ്പിങ്ങി​െൻറ പുതിയ മികച്ച സൗകര്യം ഒരുക്കുകയാണ് ഈ നിക്ഷേപത്തിലൂടെ ലുലു ഗ്രൂപ് ചെയ്യുന്നതെന്ന് എം.എ. യൂസുഫലി പറഞ്ഞു. കൂടുതൽ ഔട്ട്​​ലെറ്റുകളുമായി ലുലു ഗ്രൂപ്പ് മുന്നോട്ടു പോകുമെന്നും വിവിധ സ്ഥലങ്ങളിൽ നിക്ഷേപങ്ങൾ തുടരുമെന്നും യൂസുഫലി അറിയിച്ചു.

ഉദ്​ഘാടന ചടങ്ങിനു ശേഷം ഔട്ട്​​ലെറ്റ്​ പൊതുജനങ്ങൾക്കായി തുറന്നു. ഇവിടെ വിപുലമായ കാർ പാർക്കിങ്​ സൗകര്യം ഒരുക്കിയിട്ടുണ്ട്. ഹെലികോപ്ടർ അപകടശേഷം ആദ്യമായി എം.എ. യൂസുഫലി നേരിട്ട് പങ്കെടുത്ത ചടങ്ങ് എന്ന രീതിയിൽ ഇതു പ്രത്യേക ശ്രദ്ധപിടിച്ചുപറ്റി. ഡിലോയിറ്റി​െൻറ 2021 റിപ്പോർട്ടിൽ ലോകാടിസ്ഥാനത്തിൽ പശ്ചിമേഷ്യയിൽനിന്ന് ഇടംപിടിച്ച ഏക റീടെയിൽ നെറ്റ്‌വർക്കാണ് ലുലു. കഴിഞ്ഞ ദിവസം ദുബൈയിൽ റീടെയിൽ മി അവാർഡിൽ റീടെയിൽ ഐക്കൺ ലെജൻഡ് ആയി എം.എ യൂസുഫലിയും റീടെയിൽ ഐക്കൺ ആയി ലുലു എക്​സിക്യൂട്ടിവ് ഡയറക്​ടർ എം.എ. അഷ്‌റഫ് അലിയും പുരസ്‌കാരം നേടിയിരുന്നു.