ലുലുവിന്​ ദുബൈ സർവിസ് എക്സലൻസ് അവാർഡ്

ദുബൈ: മുൻനിര റീട്ടെയിലറായ ലുലു ഹൈപർ മാർക്കറ്റിന്​ ഈ വർഷത്തെ ദുബൈ സർവിസ് എക്സലൻസ് അവാർഡ്. ദുബൈ സാമ്പത്തികകാര്യ വകുപ്പാണ്​ 2021ലെ അവാർഡ് ജേതാക്കളെ പ്രഖ്യാപിച്ചത്.

ഹൈപർ മാർക്കറ്റ് മേഖലയിൽ എക്സലൻസ് അവാർഡ് നേടുന്ന ആദ്യ ഹൈപർ മാർക്കറ്റാണ് ലുലു. ദുബൈ മാൾ, റാക്ക്​ ബാങ്ക്, അറേബിയൻ ഓട്ടോ മൊബൈൽസ് എന്നിവരാണ് വിവിധ വിഭാഗങ്ങളിൽ ബഹുമതി കരസ്ഥമാക്കിയ മറ്റു സ്ഥാപനങ്ങൾ. ഒരു വർഷം നീളുന്ന കർശന നിരീക്ഷണത്തിലൂടെയാണ് അവാർഡ് ജേതാക്കളെ കണ്ടെത്തുന്നത്. ഉപഭോക്തൃ സേവനങ്ങൾ, സ്ഥാപനങ്ങളിലെ സൂക്ഷ്മ പരിശോധന, മിസ്​റ്ററി ഷോപ്പിങ്​, ശുചിത്വം, സുരക്ഷ എന്നിങ്ങനെ വിവിധ ഘട്ടങ്ങൾ പിന്നിട്ടാണ് ജേതാക്കളെ വിലയിരുത്തുന്നത്.

ദുബൈ സർക്കാറി​െൻറ ബഹുമതി ലുലുവി​െൻറ മികച്ച സേവനങ്ങളുടെ അംഗീകാരവും ഉപഭോക്താക്കളോടും സമൂഹത്തോടുമുള്ള പ്രതിബദ്ധതയുമാണ് സൂചിപ്പിക്കുന്നതെന്ന് ലുലു ഗ്രൂപ് ഡയറക്ടർ എം.എ. സലീം പറഞ്ഞു. ഉപഭോക്താക്കൾക്ക് ലോകോത്തര ഷോപ്പിങ്​ അനുഭവം നൽകാൻ ഈ അംഗീകാരം കൂടുതൽ പ്രോത്സാഹനമാകുമെന്നും അദ്ദേഹം പറഞ്ഞു. മുൻവർഷങ്ങളിൽ ദുബൈ ഇക്കോണമിയുടെ ക്വാളിറ്റി അവാർഡ്, ഹ്യൂമൻ ഡെവലപ്​മെൻറ്‌ അവാർഡ് തുടങ്ങിയ ബഹുമതികളും ലുലു നേടിയിട്ടുണ്ട്.