സ്വാ​ത​ന്ത്ര്യ​ദി​നം ആഘോഷിച്ച് യു.എ.ഇയിലെ മലയാളികൾ

ഷാ​ർ​ജ: ഇ​ന്ത്യ​ൻ അ​സോ​സി​യേ​ഷ​ൻ ഷാ​ർ​ജ (ഐ.​എ.​എ​സ്) 77ാമ​ത്​ സ്വാ​ത​ന്ത്ര്യ​ദി​നം ആ​ഘോ​ഷി​ച്ചു. ചൊ​വ്വാ​ഴ്ച രാ​വി​ലെ എ​ട്ടു​മ​ണി​ക്ക്​ ഐ.​എ.​എ​സ് പ​രി​സ​ര​ത്ത്​ ദു​ബൈ കോ​ൺ​സു​ലേ​റ്റ് ജ​ന​റ​ൽ ഓ​ഫ് ഇ​ന്ത്യ​യു​ടെ വി​സ-​ക​മ്യൂ​ണി​റ്റി അ​ഫ​യേ​ഴ്‌​സ് കോ​ൺ​സ​ൽ ഉ​ത്തം​ച​ന്ദ് ദേ​ശീ​യ പ​താ​ക ഉ​യ​ർ​ത്തി. തു​ട​ർ​ന്ന് രാ​ഷ്ട്ര​പ​തി​യു​ടെ സ്വാ​ത​ന്ത്ര്യ​ദി​ന സ​ന്ദേ​ശം വാ​യി​ച്ചു. ഐ.​എ.​എ​സ് ആ​ക്ടി​ങ്​ ജ​ന​റ​ൽ സെ​ക്ര​ട്ട​റി മ​നോ​ജ് ടി. ​വ​ർ​ഗീ​സ് സ്വാ​ഗ​ത​വും ട്ര​ഷ​റ​ർ ശ്രീ​നാ​ഥ് കാ​ട​ഞ്ചേ​രി ന​ന്ദി​യും രേ​ഖ​പ്പെ​ടു​ത്തി.

റാ​സ​ല്‍ഖൈ​മ: ഇ​ന്ത്യ​യു​ടെ 77ാമ​ത് സ്വാ​ത​ന്ത്ര്യ ദി​നം വ​ര്‍ണ​ശ​ബ​ള​മാ​യി ആ​ഘോ​ഷി​ച്ച് റാ​സ​ല്‍ഖൈ​മ ഇ​ന്ത്യ​ന്‍ അ​സോ​സി​യേ​ഷ​ന്‍. ഇ​ന്ത്യ​ന്‍ അ​സോ​സി​യേ​ഷ​ന്‍ പ്ര​സി​ഡ​ന്‍റ് എ​സ്.​എ. സ​ലീം ദേ​ശീ​യ പ​താ​ക ഉ​യ​ര്‍ത്തി. വൈ​സ് പ്ര​സി​ഡ​ന്‍റ് കെ. ​അ​സൈ​നാ​ര്‍, സെ​ക്ര​ട്ട​റി മ​ധു ബി. ​നാ​യ​ര്‍ തു​ട​ങ്ങി​യ​വ​ര്‍ നേ​തൃ​ത്വം ന​ല്‍കി. സ്കൂ​ള്‍ അ​ധ്യാ​പ​ക​രും വി​ദ്യാ​ര്‍ഥി​ക​ളും ര​ക്ഷി​താ​ക്ക​ളും വ്യ​ത്യ​സ്ത കൂ​ട്ടാ​യ്മ​ക​ളു​ടെ ഭാ​ര​വാ​ഹി​ക​ളും പ്ര​വ​ര്‍ത്ത​ക​രും സ്വാ​ത​ന്ത്ര്യ ദി​നാ​ഘോ​ഷ​ത്തി​ല്‍ പ​ങ്കാ​ളി​ക​ളാ​യി.

റാ​സ​ല്‍ഖൈ​മ: ഇ​ന്ത്യ​യു​ടെ 77ാമ​ത് സ്വാ​ത​ന്ത്ര്യ ദി​നം ആ​ഘോ​ഷി​ച്ച് റാ​സ​ല്‍ഖൈ​മ ഇ​ന്ത്യ​ന്‍ റി​ലീ​ഫ് ക​മ്മി​റ്റി (ഐ.​ആ​ര്‍.​സി). ഐ.​ആ​ര്‍.​സി അ​ങ്ക​ണ​ത്തി​ല്‍ ന​ട​ന്ന ച​ട​ങ്ങി​ല്‍ ഇ​ന്ത്യ​ന്‍ കോ​ണ്‍സ​ല്‍ സു​നി​ല്‍കു​മാ​ര്‍ ദേ​ശീ​യ പ​താ​ക ഉ​യ​ര്‍ത്തി.

ഐ.​ആ​ര്‍.​സി പ്ര​സി​ഡ​ന്‍റ് നി​ഷാം നൂ​റു​ദ്ദീ​ന്‍ അ​ധ്യ​ക്ഷ​ത വ​ഹി​ച്ചു. ഡോ. ​ജോ​ര്‍ജ് ജേ​ക്ക​ബ്, ഡോ. ​നി​ഗം, ഡോ. ​സ​വി​ത, ഹ​ബീ​ബ് മു​ണ്ടോ​ള്‍, ജെ.​ആ​ര്‍.​സി ബാ​ബു, അ​ന്‍സാ​ര്‍ കൊ​യി​ലാ​ണ്ടി, രാ​ജീ​വ് ര​ഞ്ജ​ന്‍, അ​നി​ല്‍ വി​ദ്യാ​ധ​ര​ന്‍, സു​ഭാ​ഷ്, ഷാ​ജി മ​ണ​ക്കാ​ട​ന്‍, എം.​ബി. അ​നീ​സു​ദ്ദീ​ന്‍ എ​ന്നി​വ​ര്‍ സം​സാ​രി​ച്ചു. ഡോ. ​കെ.​എം. മാ​ത്യു സ്വാ​ഗ​ത​മാ​ശം​സി​ച്ചു. സ്ത്രീ​ക​ളും കു​ട്ടി​ക​ളു​മു​ള്‍പ്പെ​ടെ വി​വി​ധ കൂ​ട്ടാ​യ്മ​ക​ളു​ടെ ഭാ​ര​വാ​ഹി​ക​ളും പ്ര​വ​ര്‍ത്ത​ക​രും പ​ങ്കെ​ടു​ത്തു. പ​ത്മ​രാ​ജ്, മോ​ഹ​ന്‍ പ​ങ്ക​ത്ത് തു​ട​ങ്ങി​യ​വ​ര്‍ നേ​തൃ​ത്വം ന​ല്‍കി.

ദു​ബൈ: കേ​ര​ള​ത്തി​ൽ നി​ന്നു​ള്ള പ്ര​വാ​സി സാ​ഹ​സി​ക യാ​ത്രി​ക​രു​ടെ കൂ​ട്ടാ​യ്മ​യാ​യ എ4 ​അ​ഡ്വ​ഞ്ച​റി​ന്‍റെ നേ​തൃ​ത്വ​ത്തി​ൽ ഇ​ന്ത്യ​ൻ സ്വാ​ത​ന്ത്ര്യ​ദി​നം റാ​സ​ൽ​ഖൈ​മ മ​ല നി​ര​ക​ളി​ൽ വി​പു​ല​മാ​യി ആ​ഘോ​ഷി​ച്ചു.

സ്വാ​ത​ന്ത്ര്യ​ദി​ന​ത്തി​ന്‍റെ പ്രാ​ധാ​ന്യ​ത്തെ​ക്കു​റി​ച്ചും സ്വാ​ത​ന്ത്ര്യ സ​മ​ര നാ​യ​ക​രാ​യ ധീ​ര​ദേ​ശാ​ഭി​മാ​നി​ക​ളു​ടെ ത്യാ​ഗോ​ജ്ജ്വ​ല​മാ​യ സം​ഭ​വ​ന​ക​ളെ​ക്കു​റി​ച്ചും യു.​എ.​ഇ പോ​ലു​ള്ള രാ​ജ്യം ന​മ്മു​ടെ രാ​ജ്യ​ത്തി​നും പൗ​ര​ന്മാ​ർ​ക്കും ന​ൽ​കു​ന്ന പ​രി​ഗ​ണ​ന​യെ​ക്കു​റി​ച്ചും സ്വാ​ത​ന്ത്ര്യ​ദി​ന സ​ന്ദേ​ശ​ത്തി​ൽ എ4 ​അ​ഡ്വ​ഞ്ച​ർ സ്ഥാ​പ​ക​ൻ ഹ​രി നോ​ർ​ത്ത് കോ​ട്ട​ച്ചേ​രി സം​സാ​രി​ച്ചു. യു.​എ.​ഇ​യു​ടെ​യും ഇ​ന്ത്യ​യു​ടെ​യും ദേ​ശീ​യ​ഗാ​ന​ത്തോ​ടെ ആ​രം​ഭി​ച്ച പ്രോ​ഗ്രാ​മി​ൽ മ​ല​യാ​ത്ര​യും മ​ധു​ര വി​ത​ര​ണ​വും ന​ട​ന്നു. റ​സീ​ൻ റ​ഷി​ദ്, ബി​ൻ​സി തോ​മ​സ്, അ​ജാ​സ് ബീ​രാ​ൻ, അ​ദ്നാ​ൻ കാ​ല​ടി, അ​ബ്ദു​ൽ റൗ​ഫ്, വി​നീ​ത് മോ​ഹ​ൻ, ഷാ​നു കോ​ഴി​ക്കോ​ട്, സൂ​ര്യ അ​രു​ൺ എ​ന്നി​വ​ർ പ​രി​പാ​ടി​ക്ക് നേ​തൃ​ത്വം കൊ​ടു​ത്തു.

ദു​ബൈ: വേ​ൾ​ഡ് മ​ല​യാ​ളി കൗ​ൺ​സി​ൽ മി​ഡി​ലീ​സ്റ്റ് റീ​ജ്യ​ന്‍റെ ആ​ഭി​മു​ഖ്യ​ത്തി​ൽ ഇ​ന്ത്യ​ൻ സ്വാ​ത​ന്ത്ര്യ​ദി​നം ആ​ഘോ​ഷി​ച്ചു. ആ​ഗ​സ്റ്റ് 15ന്​ ​മി​ഡി​ലീ​സ്റ്റ് പ്ര​സി​ഡ​ന്‍റ്​ വി​നേ​ഷ് മോ​ഹ​ൻ പ​താ​ക ഉ​യ​ർ​ത്തി. വേ​ൾ​ഡ് മ​ല​യാ​ളി കൗ​ൺ​സി​ൽ ഗ്ലോ​ബ​ൽ വൈ​സ് പ്ര​സി​ഡ​ന്‍റു​മാ​രാ​യ ചാ​ൾ​സ് പോ​ൾ, ഷാ​ഹു​ൽ ഹ​മീ​ദ്, സെ​ക്ര​ട്ട​റി സി.​എ. ബി​ജു എ​ന്നി​വ​ർ ആ​ശം​സ​ക​ൾ അ​റി​യി​ച്ചു. യു.​എ.​ഇ​യി​ലെ ആ​ദ്യ ന്യൂ​റോ ഡെ​വ​ല​പ്മെ​ന്‍റ്​ തെ​റ​പ്പി സെ​ന്‍റ​റി​ൽ ന​ട​ന്ന ച​ട​ങ്ങി​ൽ മി​ഡി​ലീ​സ്റ്റ് ചെ​യ​ർ​മാ​ൻ സ​ന്തോ​ഷ്‌ കേ​ട്ട​ത്ത്, സെ​ക്ര​ട്ട​റി രാ​ജീ​വ്‌ കു​മാ​ർ എ​ന്നി​വ​ർ പ​രി​പാ​ടി​ക​ൾ​ക്ക് നേ​തൃ​ത്വം ന​ൽ​കി. ഇ​ഗ്നെ​ഷ്യാ​സ്, അ​ജി​ത് കു​മാ​ർ, ജോ​ൺ ഷാ​രി, രേ​ഷ്മ റെ​ജി, അ​നി​താ സ​ന്തോ​ഷ്‌, സൗ​മ്യ, ടെ​സ്സി, മി​ലാ​ന അ​ജി​ത്, കെ.​പി. വി​ജ​യ​ൻ, ജോ​ഫി തു​ട​ങ്ങി​യ​വ​ർ പ​ങ്കെ​ടു​ത്തു. നാ​ൽ​പ​തോ​ളം നി​ശ്ച​യ​ദാ​ർ​ഢ്യ​മു​ള്ള കു​ട്ടി​ക​ളു​മൊ​ത്ത് ദേ​ശീ​യ​ഗാ​നം ആ​ല​പി​ക്കു​ക​യും ചെ​യ്ത​താ​യി മി​ഡി​ലീ​സ്റ്റ് മീ​ഡി​യ ചെ​യ​ർ​മാ​ൻ വി. ​എ​സ്‌. ബി​ജു​കു​മാ​ർ അ​റി​യി​ച്ചു.