കോവിഡ് സംശയം; ചികിത്സയിലായിരുന്ന ഇരിങ്ങണ്ണൂർ സ്വദേശി ദുബൈയിൽ മരിച്ചു

ദുബൈ: കോവിഡ് സംശയിച്ച്  ചികിത്സ തേടിയ ഇരിങ്ങണ്ണൂർ സ്വദേശി ദുബൈയിൽ മരിച്ചു. ഇരിങ്ങണ്ണൂർ മംഗലശേരി ഹൗസിൽ താമസിക്കുന്ന എട​േച്ചരി കുന്നത്ത് ഫൈസൽ (46) ആണ് മരിച്ചത്. ന്യുമോണിയ ബാധിച്ച് അത്യാഹിത വിഭാഗത്തിൽ ആശുപത്രിയിൽ ചികിത്സയിലായിരിക്കെ ഞായറാഴ്​ച പുലർച്ചെയാണ് മരിച്ചത്.

ദുബൈയിൽ പാർക്കോ ഗ്രൂപ്പ് ജീവനക്കാരനാണ്. എടച്ചേരി കുന്നത്ത് അമ്മദ് - നബീസു ദമ്പതികളുടെ മകനാണ്. ഭാര്യ: നസീമ. മക്കൾ: നാസിഫ്, ആസിഫ്. സഹോദരങ്ങൾ: നാസർ (ബഹ്റൈൻ), ജാഫർ (ദുബൈ), സുലൈഖ. ഖബറടക്കം പിന്നീട്​.