മഴക്കാടുകൾ നിറഞ്ഞ മലേഷ്യൻ പവലിയൻ

ദുബൈ: എക്​സ​്​പോ വേദിയിൽ ആദ്യം തന്നെ പൂർത്തിയായ പവലിയനുകളിൽ ഒന്നാണ്​ മലേഷ്യയുടേത്​. പ്രകൃതി മനോഹാരിത മാത്രമല്ല, മഴക്കാടുകളും ഒരുക്കിയെടുത്തിരിക്കുകയാണ്​ മലേഷ്യക്കാർ 'റെയിൻ ഫോറസ്​റ്റ്​ ​കനോപ്പി' പവലിയനിലൂടെ. എക്​സ്​പോയിലെ ആദ്യ സീറോ കാർബൺ സംരംഭമാണിത്​.

നിർമാണത്തിനായി ഉപയോഗിച്ചിരിക്കുന്ന എല്ലാ ഉൽപന്നങ്ങളും പുനരുപയോഗിക്കാൻ കഴിയുന്നവയാണ്​. 1234 ചതുര​ശ്ര അടിയിൽ സുസ്​ഥിര വികസനം എന്ന ആശയം മുൻനിർത്തിയാണ്​ പവലിയൻ ഒരുങ്ങിയിരിക്കുന്നത്​. മലേഷ്യയുടെ വികസനത്തിൽ മുഖ്യപങ്ക്​ വഹിക്കുന്ന കാർഷിക മേഖലക്ക്​ ചെറുതല്ലാത്ത പ്രാധാന്യം ഈ പവലിയനിൽ നൽകുന്നുണ്ട്​. ​മലേഷ്യയിൽ നിന്നുള്ള ഒരുകൂട്ടം സ​ന്ദർകരെ കഴിഞ്ഞ ദിവസം ഇവിടെ അനുവദിച്ചിരുന്നു. വെള്ളച്ചാട്ടം നേരിട്ട്​ അനുഭവിച്ചറിയാൻ ഇവിടെ കഴിയും. ചെറിയ കൃത്രിമ വെള്ളച്ചാട്ടങ്ങൾ ഇവിടെ ഒരുക്കിയിട്ടുണ്ട്​. മെരന്തിരി മരം ഉപയോഗിച്ചാണ്​ പ്രവേശന കവാടം നിർമിച്ചിരിക്കുന്നത്​. 15 മീറ്റർ ഉയരത്തിൽ നിർമിച്ചിരിക്കുന്ന തൂണുകൾ കാറ്റിനൊപ്പം ആടുകയും ചെയ്യും. രാത്രിയിൽ നൂറുകണക്കിന്​ എൽ.ഇ.ഡി ബൾബുകൾ ഉ​പയോഗിച്ച്​ വർണവിസ്​മയം തീർക്കും.

മലേഷ്യൻ പവലിയ​െൻറ പ്രധാന സവിശേഷത ജലമാണ്​. അരുവിയെ പോലെ രൂപകൽപന ചെയ്​ത വളഞ്ഞ പാതയിലൂടെ വേണം പവലിയനിലേക്ക്​ പ്രവേശിക്കാൻ. പവലിയ​െൻറ മുകൾ ഭാഗത്തുനിന്നും വെള്ളം വരുന്നുണ്ട്​. തൂക്കുപാലങ്ങളും ഇവിടെ നിർമിച്ചിട്ടുണ്ട്​. 25.7 ശതമാനം കാർബൺ ബഹിർഗമനം കറുക്കുന്ന രീതിയിലാണ്​ നിർമാണം. സോളാർ ഉപയോഗിച്ചാണ്​ മേൽക്കൂര നിർമിച്ചിരിക്കുന്നത്​. മഴക്കാടുകൾ നിറഞ്ഞുനിൽക്കുന്ന പവലിയനിലൂടെ സസ്യജാലങ്ങളെക്കണ്ട്​ യാത്ര ചെയ്യാം.

വനസമ്പത്തും ജലവും സംരക്ഷിക്കേണ്ടതി​െൻറ ആവശ്യകത ജനങ്ങൾക്ക്​ മനസ്സിലാക്കിക്കൊടുക്കാനാണ്​ മലേഷ്യൻ പവലിയ​െൻറ തീരുമാനം. 40 സൗരോർജ പാനലുകളാണ്​ ഇവിടെയുള്ളത്​. വെള്ളം പുനരുപയോഗിക്കാവുന്ന രീതിയിലാണ്​ സജ്ജീകരിച്ചിരിക്കുന്നത്​.

22 മന്ത്രാലയങ്ങളുടെയും 40 ഏജൻസികളുടെയും അഞ്ച്​ സ്​റ്റേറ്റ്​ ഗവൺമെൻറുകളുടെയും സാന്നിധ്യം പവലിയനിലുണ്ടാകും. ​എല്ലാ ആഴ്​ചയും 26 പരിപാടികൾ മലേഷ്യക്കാർ ആസൂത്രണം ചെയ്യും.

200 വ്യാപാര പ്രതിനിധികളും എക്​ക്​പോയുടെ ഭാഗമാകും. യു.എ.ഇയുമായുള്ള വാണിജ്യ ബന്ധം ശക്​തിപ്പെടുത്താനും എക്​സ്​പോ ഉപകരിക്കുമെന്നാണ്​ അധികൃതരുടെ പ്രതീക്ഷ.

സൗദി കഴിഞ്ഞാൽ മലേഷ്യ ഏറ്റവും കൂടുതൽ സാധനങ്ങൾ ഇറക്കുമതി ചെയ്യുന്നത്​ യു.എ.ഇയിൽനിന്നാണ്​.