ലഹരിവിരുദ്ധ കാമ്പയിനാക്കി മാമോക് അലുമ്നി
text_fieldsമാമോക് അലുമ്നി നടത്തിയ ഇഫ്താർ സംഗമം
ദുബൈ: ‘ഡ്രഗ്സ് കിൽസ് ഡ്രീംസ്; സൈലന്റ് നോ മോർ’ എന്ന കാമ്പയിനിലൂടെ ലഹരിക്കെതിരെയുള്ള പോരാട്ടത്തിൽ കണ്ണിചേർന്ന് മുക്കം എം.എ.എം.ഒ കോളജ് യു.എ.ഇ അലുമ്നി (മാമോക്). കലാ, കായിക, ജീവകാരുണ്യ പ്രവർത്തനങ്ങളിൽ സജീവമായി ഇടപെടൽ നടത്തുന്ന കൂട്ടായ്മ വർഷന്തോറും നടത്തിവരാറുള്ള ഇഫ്താർ മീറ്റ് ഇത്തവണ ലഹരിക്കെതിരെയുള്ള പോരാട്ട പ്രഖ്യാപനമായി മാറ്റുകയായിരുന്നു.
മാമോക് യു.എ.ഇയുടെ പ്രവർത്തനങ്ങൾ ഇത്തരം സാമൂഹിക വിപത്തിനെതിരെ പ്രതികരിക്കാൻ മറ്റുള്ളവർക്ക് പ്രചോദനം നൽകട്ടെയെന്ന് സെക്രട്ടറി ഡാനിഷ് ഹുസൈൻ, ചെയർമാൻ ഫിറോസ് എന്നിവർ ആശംസിച്ചു. ചടങ്ങിൽ പ്രസിഡന്റ് അജ്മൽ ഹാദി മുഖ്യ പ്രഭാഷണം നടത്തി. റിട്ട. വിജിലൻസ് ഓഫിസർ ബി.കെ. ഹംസ മുഖ്യാതിഥിയായിരുന്നു.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.