ഉറങ്ങികിടന്ന യുവാവ്‌ ദുബൈയിൽ ഹൃദയാഘാതം മൂലം മരിച്ചു

ദുബൈ: ഉറങ്ങികിടന്ന യുവാവ്‌ ദുബൈയിൽ ഹൃദയാഘാതം മൂലം മരിച്ചു. കൊല്ലം കയ്യാലക്കൽ ഇരവിപുരം സ്വദേശി റാഹില മൻസിൽ അബ് ദുൽ മുഹമ്മദ്‌ നവാബി​​െൻറ മകൻ നബീൽ മുഹമ്മദ്‌(32) ആണ്​ കറാമയിലുള്ള താമസ സ്ഥലത്ത്‌ വെച്ച്​ മരിച്ചത്​. മെഡോർ 24x7 ആശുപത ്രിയിൽ പർച്ചേസ്​ വിഭാഗത്തിൽ ജോലി ചെയ്തുവരുകയായിരുന്നു.

ഞായറാഴ്ച രാവിലെ ഉറക്കം ഉണരാതിരുന്നതിനെ തുടർന്ന്​ കൂടെയുള്ളവർ വിളിച്ചു നോക്കുകയായിരുന്നു. പല തവണ വിളിച്ചിട്ടും ഉണരാതായതോടെ ആശുപത്രിയിലെത്തിക്കാൻ ആംബുലൻസ്‌ വിളിച്ചു. എന്നാൽ അപ്പോഴേക്കും മരണം സംഭവിച്ചിരുന്നു. മിൻഷയാണ് ഭാര്യ. മാതാവ്‌: അസി നവാബ്‌.

ദുബൈ പൊലീസ്‌ ഹെഡ്‌ ക്വാർട്ടേഴിൽ സൂക്ഷിച്ച മൃതദേഹം ഇന്ന് രാത്രി 12 മണിക്കുള്ള ഷാർജ-തിരുവനന്തപുരം വിമാനത്തിൽ നാട്ടിലേക്കു കൊണ്ടുപോവുമെന്ന് സാമൂഹ്യ പ്രവർത്തകൻ നസീർ വാടാനപ്പള്ളി അറിയിച്ചു. ഞായറാഴ്ച വൈകുന്നേരം അഞ്ച്‌ മണിക്ക്‌ ദുബൈ സോനപൂർ എംബാമിങ്​ സ​െൻററിൽ മയ്യത്ത്‌ നമസ്കാരത്തിന്​ ശേഷം പൊതുദർശനത്തിന്​ വെക്കും.