ഹാൾമാർക്കിങ്​ നിർബന്ധമാക്കൽ: സംരക്ഷിക്കപ്പെടുന്നത് ഉപഭോക്താവി​െൻറ അവകാശം –എം.പി. അഹമ്മദ്

ദുബൈ: ഹാൾമാർക്കിങ്​ നിർബന്ധമാക്കുന്നതിലൂടെ സംരക്ഷിക്കപ്പെടുന്നത് ഉപഭോക്താവി​െൻറ അവകാശമാണെന്ന്​ മലബാർ ഗോൾഡ് ആൻഡ്​​ ഡയമണ്ട്സ്​ -ചെയർമാനും സി.ഇ.ഒയുമായ എം.പി. അഹമ്മദ് പറഞ്ഞു. ചെലവഴിക്കുന്ന പണത്തിന് നൂറു ശതമാനം മൂല്യം ലഭിക്കുകയെന്നത് ഉപഭോകതാവി​െൻറ അവകാശമാണ്.

ഇന്ത്യൻ പാർലമ​െൻറ് പാസാക്കിയ ഉപഭോക്​തൃ സംരക്ഷണ നിയമം അവകാശങ്ങൾ നിയമപരമായി സംരക്ഷിക്കാൻ കെൽപ്പുള്ളതാണ്. സ്വർണാഭരണങ്ങൾക്ക് ജൂൺ 16 മുതൽ ഹാൾ മാർക്കിങ്​ നിർബന്ധമാക്കിയ തീരുമാനം സ്വാഗതാർഹമാണ്​. ഉയർന്ന വിലയുള്ള സ്വർണം വാങ്ങുമ്പോൾ പലപ്പോഴും ഉപഭോക്താക്കൾ വഞ്ചിക്കപ്പെടുന്നു. ഈ പ്രതിസന്ധി പരിഹരിക്കുന്നതിനായാണ് ഹാൾ മാർക്കിങ്​ ഇന്ത്യയിൽ നിർബന്ധമാക്കാൻ സർക്കാർ തീരുമാനിച്ചത്. ഇതു സ്വർണത്തി​െൻറ പേരിലുള്ള തട്ടിപ്പ് കുറക്കുന്നതിന്​ സഹായിക്കും.

ബ്യൂറോ ഓഫ് ഇന്ത്യൻ സ്​ റ്റാൻഡേഡ്സ്​ നിശ്ചയിച്ച പരിശുദ്ധി സ്വർണാഭരണങ്ങൾക്ക് ഉറപ്പാക്കുന്നതിനുവേണ്ടിയാണ് ബി.ഐ.എസ്​ ഹാൾമാർക്കിങ്​ നടത്തുന്നത്. ഹാൾ മാർക്കിങ്​ നടത്തിയ ആഭരണത്തിൽ ബി.ഐ.എസ്​ മുദ്ര, സ്വർണത്തി​െൻറ പരിശുദ്ധി, ഹാൾമാർക്കിങ്​ ഏജൻസിയുടെ മുദ്ര, ജ്വല്ലറിയുടെ മുദ്ര എന്നിവ രേഖപ്പെടുത്തിയിരിക്കും. തട്ടിപ്പ് നടത്തിയാൽ ഇതിലൂടെ കണ്ടെത്താൻ കഴിയും.

ഭാവിയിൽ ബി.ഐ.എസ്​ മുദ്ര, സ്വർണത്തി​െൻറ പരിശുദ്ധി എന്നിവക്ക് പുറമെ, ആറക്ക ഹാൾമാർക്കിങ്​ യുനീക് ഐഡിയായിരിക്കും സ്വർണാഭരണത്തിൽ രേഖപ്പെടുത്തുക. ഹാൾമാർക്കിങ്​ നിർബന്ധമാക്കുന്നതിലൂടെ മൂന്ന് തരത്തിലുള്ള നേട്ടങ്ങളാണ് ഉപഭോക്താവിന് ലഭിക്കുക. താൻ വാങ്ങുന്ന സ്വർണാഭരണം പരിശുദ്ധിയുള്ളതാണെന്ന് ഉറപ്പിക്കാം, വാങ്ങിയ സ്വർണം എപ്പോൾ വിൽക്കേണ്ടി വന്നാലും തേയ്മാനവും മറ്റും ഒഴികെ മൂല്യത്തിൽ കുറവ് വരുന്നില്ല, സ്വർണത്തിന് നിയമപരമായ പരിരക്ഷ ലഭിക്കും എന്നിവയാണ്​ നേട്ടം. ഉപഭോക്താക്കളെ വഞ്ചിക്കരുതെന്ന നിലപാടി​െൻറ അടിസ്ഥാനത്തിൽ 21 വർഷമായി 100 ശതമാനം ഹാൾമാർക്കിങ്​ നടത്തിയ ആഭരണങ്ങൾ മാത്രമാണ് മലബാർ ഗോൾഡ് വിൽക്കുന്നത്.

രാജ്യത്ത് ഇപ്പോഴും 30 ശതമാനത്തോളം സ്വർണ വ്യാപാരികൾ മാത്രമേ ഹാൾമാർക്കിങ്​ നടത്തിയ സ്വർണാഭരണങ്ങൾ വിൽക്കുന്നുള്ളൂ. വ്യാജ ഹാൾമാർക്കിങ്​ നടത്തി ഉപഭോക്​താക്കളെ വഞ്ചിക്കുന്നുമുണ്ട്. ഇതിനായി നിരവധി വ്യാജ ഹാൾമാർക്കിങ്​ സെൻററുകൾ പ്രവർത്തിക്കുന്നു. ഹാൾമാർക്കിങ്​ നിർബന്ധമാക്കുമ്പോൾ അത് നടത്തുന്നതിനു വേണ്ടത്ര കേന്ദ്രങ്ങൾ ഇല്ലെന്ന പരാതി വാസ്​തവവിരുദ്ധമാണ്. രാജ്യത്ത് നിലവിൽ 965 ഹാൾമാർക്കിങ്​ സെൻററുകളുണ്ട്​. ഇതിൽ നല്ലൊരു ഭാഗം സെൻററുകളുടെയും സേവനം ഉപയോഗിക്കുന്നില്ല. സർക്കാർ തീരുമാനത്തെ മുഴുവൻ സ്വർണ വ്യാപാരികളും പിന്തുണക്കണമെന്നും എം.പി. അഹമ്മദ്​ പറഞ്ഞു.