മീഡിയവൺ ‘മബ്റൂക്ക് ഗൾഫ് ടോപ്പേഴ്സ്’: 400 കുട്ടികൾക്ക് ആദരം
text_fieldsദുബൈയിൽ നടന്ന മീഡിയവൺ ‘മബ്റൂക്ക് ഗൾഫ് ടോപ്പേഴ്സ്’ രണ്ടാംഘട്ട പുരസ്കാരവിതരണ ചടങ്ങിൽ
അമീർ സവാദ്, സലീം അമ്പലൻ, ഡോ. അഹമ്മദ് തൊട്ടിയിൽ, കോമൺവെൽത്ത് എന്റർപ്രണേഴ്സ് ക്ലബ്
പ്രസിഡന്റ് അബ്ദുൽ അസീസ് അഹമ്മദ്, ലൈല റഹാൽ അൽ അത്ഫാനി, ഡോ. ആസാദ് മൂപ്പൻ, മീഡിയവൺ സി.ഇ.ഒ റോഷൻ കക്കാട്ട്, സിനിമാതാരം മിഥുൻ രമേശ്, ഡോ. അബ്ദുസ്സലാം ഒലയാട്ട് എന്നിവർ
ദുബൈ: മീഡിയവൺ ‘മബ്റൂക്ക് ഗൾഫ് ടോപ്പേഴ്സിന്റെ’ രണ്ടാംഘട്ട പുരസ്കാരവിതരണം നടന്നു. ദുബൈ അക്കാദമിക് സിറ്റിയിലെ ഡി മോണ്ട്ഫോർഡ് യൂനിവേഴ്സിറ്റിയിൽ നടന്ന ചടങ്ങിൽ നാനൂറിലേറെ വിദ്യാർഥികൾ ആദരം ഏറ്റുവാങ്ങി. ലോക ദീർഘദൂര കുതിരയോട്ട മത്സരത്തിൽ ഇന്ത്യയുടെ അഭിമാനമായി മാറിയ പ്രവാസി വിദ്യാർഥി നിദ അൻജുമിനെയും ചടങ്ങിൽ ആദരിച്ചു.
ബിസിനസ് പഠനകേന്ദ്രമായ ബിസിനസ് ഗേറ്റിന്റെ സ്ഥാപക പ്രസിഡന്റ് ലൈല റഹാൽ അൽ അത്ഫാനി ചടങ്ങ് ഉദ്ഘാടനം ചെയ്തു. കോമൺവെൽത്ത് എന്റർപ്രണേഴ്സ് ക്ലബ് പ്രസിഡന്റ് അബ്ദുൽ അസീസ് അഹമ്മദ്, നോർക്ക റൂട്ട്സ് ഡയറക്ടറും ആസ്റ്റർ ഗ്രൂപ് ചെയർമാനുമായ ഡോ. ആസാദ് മൂപ്പൻ, സ്റ്റഡിവേൾഡ് എജുക്കേഷൻ സി.ഒ.ഒ കേറ്റ് ജെറാർഡ്, സിനിമതാരം മിഥുൻ രമേശ്, മീഡിയവൺ സി.ഇ.ഒ റോഷൻ കക്കാട്ട്, മീഡിയവൺ ഡയറക്ടർ ഡോ. അഹമ്മദ് തൊട്ടിയിൽ, മീഡിയവൺ-ഗൾഫ് മാധ്യമം ജി.സി.സി ഡയറക്ടർ സലീം അമ്പലൻ, ഹാബിറ്റാറ്റ് സ്കൂൾ പ്രതിനിധികളായ സുരേഷ് കുമാർ, ഹംസ കൊല്ലത്ത്, അറക്കൽ ഗോൾഡ് ആൻഡ് ഡയമണ്ട്സ് ചെയർമാൻ അഫ്സൽ, മീഡിയവൺ കോഓഡിനേഷൻ സമിതി കൺവീനർ അബ്ദുസ്സലാം ഒലയാട്ട് തുടങ്ങിയവർ മികച്ച വിജയം നേടിയ വിദ്യാർഥികൾക്കുള്ള പുരസ്കാരങ്ങൾ വിതരണം ചെയ്തു. വിവിധ സിലബസുകളിൽ പത്താം ക്ലാസിലും പ്ലസ് ടുവിലും 90 ശതമാനത്തിലേറെ മാർക്ക് കരസ്ഥമാക്കിയ വിദ്യാർഥികളെയാണ് ആദരിച്ചത്. ലോക ദീർഘദൂര കുതിരയോട്ട മത്സരം വിജയകരമായ പൂർത്തിയാക്കുന്ന ആദ്യ ഇന്ത്യക്കാരിയായി മാറിയ മലപ്പുറം തിരൂർ സ്വദേശി നിദ അൻജുമിനുള്ള മീഡിയവണിന്റെ ആദരം ഡോ. ആസാദ് മൂപ്പൻ കൈമാറി.
സ്മാർട്ട് സെറ്റ് അക്കാദമിയുടെ ലോഞ്ചിങ്ങും ചടങ്ങിൽ നടന്നു. ലൈല റഹാൽ അൽ അത്ഫാനി, അബ്ദുൽ അസീസ് അഹമ്മദ് എന്നിവർ സ്വിച്ച്ഓൺ കർമം നിർവഹിച്ചായിരുന്നു സ്മാർട്ട് സെറ്റ് അക്കാദമിയുടെ ഉദ്ഘാടനം. സ്മാർട്ട് ട്രാവൽ ആൻഡ് സ്മാർട്ട് സെറ്റ് എം.ഡി അഫി അഹ്മദ് സന്നിഹിതനായിരുന്നു. സമ്മാനദാന ചടങ്ങിൽ പങ്കെടുത്ത വിദ്യാർഥികളിൽനിന്ന് നെയ്സാൻ മാത്യു അബ്രഹാമിന് പത്തുവർഷത്തെ യു.എ.ഇ ഗോൾഡൻ വിസക്കുള്ള അവസരം ലഭിച്ചു. കരിയൻ കൺസൾട്ടൻറ് ക്ലാസിന് ഷാരോൺ ജോസ് നേതൃത്വം നൽകി. ഹാബിറ്റാറ്റ് സ്കൂൾസ്, അറക്കൽ ഗോൾഡ് ആൻഡ് ഡയമണ്ട്സ്, സ്മാർട്ട്സെറ്റ് അക്കാദമി, ഇ.സി.എച്ച് ഡിജിറ്റൽ എന്നിവയുടെ പിന്തുണയോടെയാണ് മീഡിയവൺ മബ്റൂഖ് ഗൾഫ് ടോപ്പേഴ്സ് ഒരുക്കുന്നത്. പുരസ്കാരദാനത്തിന്റെ മൂന്നാംഘട്ടം ഈ മാസം 29ന് അജ്മാൻ അൽതല്ലയിലെ ഹാബിറ്റാറ്റ് സ്കൂളിൽ നടക്കും.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.