മെഡിക്കല്‍ ക്യാമ്പ് സംഘടിപ്പിച്ചു

അബൂദബി: പ്രവാസി ഇന്ത്യ മുസഫ ഘടകം എല്‍.എല്‍.എച്ച്. ഹോസ്പിറ്റലുമായി സഹകരിച്ച് മെഡിക്കല്‍ ക്യാമ്പ് സംഘടിപ്പിച്ചു. ജി.പി, കാര്‍ഡിയോളജി, യൂറോളജി, ഇന്റേണല്‍ മെഡിസിന്‍ തുടങ്ങിയ വിഭാഗങ്ങളിലെ പ്രഗത്ഭ ഡോക്ടര്‍മാരുടെ സേവനം ലഭ്യമായിരുന്നു. ക്യാമ്പിലെ സേവനങ്ങള്‍ നിരവധി ആളുകള്‍ പ്രയോജനപ്പെടുത്തി.

പ്രവാസി ഇന്ത്യ മുസഫ മേഖല പ്രസിഡന്റ് ഷഫീഖ് വെട്ടം, ജനറല്‍ സെക്രട്ടറി ജാബിര്‍ മുസ്തഫ, ജനസേവന വകുപ്പിന്റെ ചുമതല വഹിക്കുന്ന ഷബീര്‍ അലി മണ്ണാര്‍ക്കാട്, നജ്മുദ്ധീന്‍, വൈസ് പ്രസിഡന്റുമാരായ മുഹമ്മദ് റാഫി, ഡോക്ടര്‍ ബല്‍ക്കീസ് എന്നിവര്‍ നേതൃത്വം നല്‍കി.