മാനി​െൻറ മറുപിള്ളയിൽനിന്ന്​ ‘മരുന്ന്​’; മുന്നറിയിപ്പുമായി ആരോഗ്യ മന്ത്രാലയം

അബൂദബി: മാനി​​​െൻറ മറുപിള്ളയിൽനിന്ന്​ ഉൽപാദിപ്പിക്കുന്ന ഒൗഷധമെന്ന പേരിൽ സമൂഹ മാധ്യമങ്ങളിലൂടെ പ്രചരിപ്പിച്ചുകൊണ്ടിരിക്കുന്ന ‘പഥ്യാഹാര’ത്തിനെതിരെ യു.എ.ഇ ആരോഗ്യ-രോഗപ്രതിരോധ മന്ത്രാലയം മുന്നറിയിപ്പ്​ നൽകി. അമിത രക്​തസമ്മർദം, പ്രമേഹം, ലൈംഗിക പ്രശ്​നങ്ങൾ എന്നിവ സുഖപ്പെടുമെന്ന്​ അവകാശപ്പെട്ടാണ്​ ഇൗ ഉൽപന്നം പ്രചരിപ്പിക്കുന്നത്​. 1395 ദിർഹത്തിന്​ വിൽക്കപ്പെടുന്ന ഇൗ ന്യൂസിലൻഡ്​ ഉൽപന്നം ആരോഗ്യ മന്ത്രാലയത്തിൽ രജിസ്​റ്റർ ചെയ്​തിട്ടില്ലെന്നും റിപ്പോർട്ടുകൾ പ്രകാരം ഇതി​​​െൻറ ചേരുവകൾ അശാസ്​ത്രീയമാണെന്നും മന്ത്രാലയത്തിലെ ചികിത്സ-ലൈസൻസ്​ മേഖല അസിസ്​റ്റൻറ്​ അണ്ടർ സെക്രട്ടറി ഡോ. അമീൻ ഹുസൈൻ ആൽ അമീരി പറഞ്ഞു. മനുഷ്യ ചികിത്സക്ക്​ മൃഗങ്ങളുടെ മറുപിള്ള ഉപയോഗിക്കുന്നത്​ അധാർമികമാണ്​. ഇത്​ മനുഷ്യോപയോഗത്തിന്​ യോജിച്ചതാണോ എന്നറിയാൻ കൂടുതൽ പഠനം ആവശ്യമാണ്​. തെറ്റിദ്ധരിപ്പിക്കുന്ന ഇത്തരം സന്ദേശങ്ങൾ പ്രചരിപ്പിക്കുന്നത്​ വലിയ പ്രത്യാഘാതങ്ങളുണ്ടാക്കും. സ്​ഥിരീകരണമില്ലാ​ത്ത വിവരങ്ങൾ ഫോറങ്ങളിലും ഗ്രൂപ്പുകളിൽ പങ്കുവെക്കുന്നത്​ ലജ്ജാകരമാണെന്നും അദ്ദേഹം കൂട്ടിച്ചേർത്തു.