അബൂദബി നാഷനൽ ഓയിൽ കമ്പനിക്ക്​ ഹൈഡ്രജൻ കൗൺസിലിൽ അംഗത്വം

അബൂദബി: അന്താരാഷ്​ട്ര സംഘടനയായ ഹൈഡ്രജൻ കൗൺസിലിൽ അബൂദബി നാഷനൽ ഓയിൽ കമ്പനി (അഡ്‌നോക്) അംഗമായി.ഊർജ, ഗതാഗത മേഖലകളിലെ ലോകത്തെ ഏറ്റവും വലിയ ആഗോള കമ്പനികളെ 2017ൽ ആരംഭിച്ച കൗൺസിലിൽ ഉൾപ്പെടുത്തുന്നതി​െൻറ ഭാഗമായാണ് അഡ്‌നോക് അംഗത്വം എടുത്തത്. 2050 ഓടെ ആഗോള ഊർജ ആവശ്യകതയുടെ 18 ശതമാനത്തോളം ഹൈഡ്രജൻ വാതകമാവുമെന്നാണ് പ്രതീക്ഷ. 30 രാജ്യങ്ങളിൽ 228 ലധികം വൻകിട പദ്ധതികൾ നിലവിൽ നടക്കുന്നുണ്ട്​.

ആഗോള ജനസംഖ്യ വർധനവും സാമ്പത്തിക വികസനം ത്വരിതപ്പെടുന്നതിനുമനുസരിച്ച് ഊർജ ആവശ്യകത ലോകമെമ്പാടും വർധിക്കുന്നതായി യു.എ.ഇ വ്യവസായ നൂതന സാങ്കേതികമന്ത്രിയും അഡ്‌നോക് ഗ്രൂപ്​ മാനേജിങ് ഡയറക്​ടറും സി.ഇ.ഒയുമായ ഡോ. സുൽത്താൻ അഹമ്മദ് അൽ ജാബർ പറഞ്ഞു.

ഹൈഡ്രജ​െൻറയും വാഹക ഇന്ധനങ്ങളായ നീല അമോണിയയുടെയും വിപണിയിലെ ആദ്യകാല വഴികാട്ടിയാണ് അഡ്‌നോക്കെന്നും ഹൈഡ്രജൻ പരിസ്ഥിതി വ്യവസ്ഥ ഉറപ്പാക്കുന്നതി​െൻറ ഭാഗമായാണ് ഹൈഡ്രജൻ കൗൺസിലിൽ അംഗമായതെന്നും അദ്ദേഹം വെളിപ്പെടുത്തി.

പശ്ചിമേഷ്യ മേഖലയിലെ പ്രഥമ വാണിജ്യ കാർബൺ ക്യാപ്​ചർ സൗകര്യവും ഇരുമ്പ്, ഉരുക്ക് വ്യവസായത്തിൽ നിന്നുള്ള കാർബൺ​ൈഡഓക്‌സൈഡ് പിടിച്ചെടുക്കാവുന്ന ലോകത്തിലെ ആദ്യത്തെ വാണിജ്യ സൗകര്യവുമാണ് അഡ്‌നോക്കി​െൻറ അൽ റിയാദ പ്ലാൻറിലേത്.

അബൂദബിയിലും യു.എ.ഇയിലും ഹൈഡ്രജൻ പ്രവർത്തനങ്ങളെ നയിക്കാൻ നിലവിലുള്ള ഹൈഡ്രജൻ ഉൽപാദനം, അടിസ്ഥാന സൗകര്യങ്ങൾ, പങ്കാളിത്ത അടിത്തറ, പ്രകൃതിവാതകത്തി​െൻറ വിശാലമായ കരുതൽ എന്നിവ പ്രയോജനപ്പെടുത്താനും അഡ്‌നോക് ലക്ഷ്യമിടുന്നു.

വളർന്നുവരുന്ന അന്താരാഷ്​ട്ര വിപണികളിൽ കുറഞ്ഞ കാർബൺ, പച്ച-നീല ഹൈഡ്രജൻ എന്നിവ ലക്ഷ്യമാക്കി യു.എ.ഇ ഊർജ അടിസ്ഥാന സൗകര്യ മന്ത്രാലയം, മുബാദല ഇൻവെസ്​റ്റ്​മെൻറ്​ കമ്പനി, അബൂദബി ഹൈഡ്രജൻ അലയൻസ്, എ.ഡി.ക്യു എന്നിവയുമായി ചേർന്നും അഡ്നോക്ക് പ്രവർത്തിക്കുന്നുണ്ട്​.