ഇ​​ന്നെന്‍റെ താ​മ​സം പു​ഷ്​​പേ​ട്ടന്‍റെ കൂ​ടെ​യാ​ണ്

ദു​ബൈ: 1978ൽ ​ഉ​മ്മ​ൻ ചാ​ണ്ടി കേ​ര​ള തൊ​ഴി​ൽ വ​കു​പ്പ്​ മ​​ന്ത്രി​യാ​യി​രു​ന്ന കാ​ലം. ജോ​ലി ത​ട്ടി​പ്പി​ൽ വ​ഞ്ചി​ത​രാ​യി പ്ര​വാ​സ​ലോ​ക​ത്ത്​ അ​ക​പ്പെ​ട്ടു​പോ​യ 100ഓ​ളം പ്ര​വാ​സി​ക​ളു​ടെ വാ​ർ​ത്ത​യ​റി​ഞ്ഞാ​ണ്​ അ​ദ്ദേ​ഹം യു.​എ.​ഇ​യി​ലെ​ത്തു​ന്ന​ത്. ദു​ബൈ വി​മാ​ന​ത്താ​വ​ള​ത്തി​ൽ വ​ന്നി​റ​ങ്ങു​ന്ന തൊ​ഴി​ൽ​വ​കു​പ്പ്​ മ​ന്ത്രി​യെ സ്വീ​ക​രി​ക്കാ​ൻ പ്ര​മു​ഖ​രു​ടെ ഒ​രു നീ​ണ്ട നി​ര ത​ന്നെ​യു​ണ്ടാ​യി​രു​ന്നു. പ​ല മോ​ഡ​ൽ ആ​ഡം​ബ​ര കാ​റു​ക​ളും പാ​ർ​ക്കി​ങ്​ ഏ​രി​യ​യി​ൽ അ​ക​മ്പ​ടി പോ​കാ​ൻ കാ​ത്തു​കി​ട​പ്പു​ണ്ട്​​. ഏ​റെ നേ​ര​ത്തെ കാ​ത്തി​രി​പ്പി​നൊ​ടു​വി​ൽ ചു​ളി​വു​ക​ൾ നി​വ​രാ​ത്ത ഖ​ദ​റി​നു​ള്ളി​ൽ​നി​ന്ന്​ സൗ​മ്യ​മാ​യ ആ ​മു​ഖം വി​മാ​ന​ത്താ​വ​ള​ത്തി​ന്‍റെ ഒ​ന്നാം ടെ​ർ​മി​ന​ലി​ൽ​നി​ന്ന്​ പു​റ​ത്തേ​ക്കു​വ​ന്ന​തും​ മ​ന്ത്രി​യെ സ്വീ​ക​രി​ക്കാ​ൻ പ്ര​വാ​സി പ്ര​മു​ഖ​ർ ഓ​ടി​യെ​ത്തി. എ​ന്നാ​ൽ, പ്രോ​ട്ടോ​കോ​ളി​ന്‍റെ ക​ണി​ശ​ത കാ​ര​ണം കോ​ട്ട​യ​ത്തു​കാ​ര​നാ​യ എം.​ജി. പു​ഷ്പാ​ക​ര​ന്​ ഉ​മ്മ​ൻ ചാ​ണ്ടി​യു​ടെ അ​ടു​ത്തെ​ത്താ​നാ​യി​രു​ന്നി​ല്ല. പ​ക്ഷേ, ചു​റ്റും കൂ​ടി​നി​ന്ന​വ​രെ ഞെ​ട്ടി​ച്ചു​കൊ​ണ്ട്, എ​ല്ലാ ആ​ഡം​ബ​ര സ്വീ​ക​ര​ണ​ങ്ങ​ളെ​യും വ​ക​ഞ്ഞു മാ​റ്റി ഉ​മ്മ​ൻ ചാ​ണ്ടി ഉ​റ​ക്കെ വി​ളി​ച്ചു​പ​റ​ഞ്ഞു. ‘ഇ​ന്നെ​ന്‍റെ താ​മ​സം പു​ഷ്​​പേ​ട്ട​ന്‍റെ കൂ​ടെ​യാ​ണ്... ഇ​തു കേ​ട്ട​തോ​ടെ പ്ര​മു​ഖ​രു​ടെ മു​ഖ​ത്ത്​ അ​ത്ഭു​ത​വും അ​ൽ​പം നീ​ര​സ​വും നി​റ​ഞ്ഞെ​ങ്കി​ലും എം.​ജി. പു​ഷ്പാ​ക​ര​ന്‍റെ മ​ന​സ്സി​ൽ മാ​ത്രം അ​ങ്ക​ലാ​പ്പാ​യി​രു​ന്നു. രാ​ഷ്ട്രീ​യ, സാ​മൂ​ഹി​ക മ​ണ്ഡ​ല​ങ്ങ​ളി​ൽ താ​ൻ ഒ​ന്നു​മ​ല്ലെ​ന്ന്​ സ്വ​യം ​വി​ശ്വ​സി​ച്ചി​രു​ന്ന പു​ഷ്​​പേ​ട്ട​നൊ​പ്പം കേ​ര​ള​ത്തി​ന്‍റെ തൊ​ഴി​ൽ വ​കു​പ്പു​മ​ന്ത്രി താ​മ​സി​ക്കാ​നെ​ത്തു​ന്നു! നാ​ലു​പേ​ർ താ​മ​സി​ക്കു​ന്ന ദേ​ര​യി​ലെ ഒ​റ്റ​മു​റി ഫ്ലാ​റ്റി​ൽ അ​ദ്ദേ​ഹം എ​ങ്ങ​നെ ത​ങ്ങും? അ​വി​ടെ ആ​കെ​യു​ള്ള​ത്​ ര​ണ്ട്​ ക​ട്ടി​ലു​ക​ൾ മാ​ത്ര​മാ​യി​രു​ന്നു. സൗ​ക​ര്യ​ങ്ങ​ളും ന​ന്നേ കു​റ​വ്. എ​ന്തു ചെ​യ്യു​മെ​ന്ന​റി​യാ​തെ അ​ന്ധാ​ളി​ച്ചു​നി​ന്ന പു​ഷ്​​പേ​ട്ട​ന്‍റെ തോ​ളി​ൽ ത​ട്ടി ഉ​മ്മ​ൻ ചാ​ണ്ടി പ​റ​ഞ്ഞു; ‘‘വാ ​പോ​കാം.’’ അ​ങ്ങ​നെ ഉ​ദ്യോ​ഗ​സ്ഥ​രെ ​ഹോ​ട്ട​ലു​ക​ളി​ലേ​ക്ക്​ പ​റ​ഞ്ഞു​വി​ട്ട്​ അ​ദ്ദേ​ഹം പു​ഷ്​​പേ​ട്ട​നൊ​പ്പം ദേ​ര​യി​ലെ ഫ്ലാ​റ്റി​ലേ​ക്ക് പോ​യി. വി​ശി​ഷ്ടാ​തി​ഥി​യു​ടെ വ​ര​വ​റി​ഞ്ഞ്​​ മു​റി​യി​ലെ സു​ഹൃ​ത്തു​ക്ക​ൾ ക​ട്ടി​ലു​ക​ൾ ഒ​ഴി​ച്ചി​ട്ടി​രു​ന്നു. എ​ന്നാ​ൽ, അ​​തെ​ല്ലാം നി​ര​സി​ച്ച അ​ദ്ദേ​ഹം താ​ഴെ പാ​യ വി​രി​ച്ചാ​യി​രു​ന്നു കി​ട​ന്ന​ത്. പി​റ്റേ ദി​വ​സം പ്ര​വാ​സി​ക​ളു​ടെ വി​ഷ​യ​ങ്ങ​ളി​ൽ പ​രി​ഹാ​രം കാ​ണാ​ൻ യാ​ത്ര​യി​ലു​ട​നീ​ളം പു​ഷ്പാ​ക​ര​ന്‍റെ നി​റ​സാ​ന്നി​ധ്യ​വും ഉ​മ്മ​ൻ ചാ​ണ്ടി ഉ​റ​പ്പി​ച്ചി​രു​ന്നു. അ​ന്ന്​ ജോ​ലി ത​ട്ടി​പ്പി​ൽ കു​ടു​ങ്ങി​യ​വ​രെ അ​ദ്ദേ​ഹം ര​ക്ഷ​പ്പെ​ടു​ത്തി.

പ​ല​ർ​ക്കും ജോ​ലി ത​ര​പ്പെ​ടു​ത്തി. അ​വ​രി​ൽ പ​ല​രും ഇ​ന്ന്​ പ്ര​വാ​സ​ലോ​ക​ത്തെ കോ​ടീ​ശ്വ​ര​ന്മാ​രും പൗ​ര​പ്ര​മു​ഖ​രു​മാ​ണ്. പി​ന്നീ​ട്​ പ​ല​ത​വ​ണ അ​ദ്ദേ​ഹ​ത്തെ അ​ടു​ത്ത​റി​യാ​ൻ ഓ​വ​ർ​സീ​സ്​ ഇ​ന്ത്യ​ൻ ക​ൾ​ച​റ​ൽ കോ​ൺ​ഗ്ര​സി​ന്‍റെ മു​ൻ പ്ര​സി​ഡ​ന്‍റു​കൂ​ടി​യാ​യ എം.​ജി. പു​ഷ്പാ​ക​ര​ന്​ ഭാ​ഗ്യം ല​ഭി​ച്ചു. സാ​മൂ​ഹി​ക, രാ​ഷ്ട്രീ​യ രം​ഗ​ങ്ങ​ളി​ൽ അ​ന​വ​ധി നേ​താ​ക്ക​ൾ പി​ന്നീ​ട്​ പ്ര​വാ​സ​ലോ​ക​ത്ത്​ വ​ന്നു​പോ​യി. എ​ങ്കി​ലും, അ​ന്ന്​ വി​മാ​ന​ത്താ​വ​ള​ത്തി​ലെ ഉ​മ്മ​ൻ ചാ​ണ്ടി​യു​ടെ ആ ​പ്ര​ഖ്യാ​പ​നം നാ​ല​ര പ​തി​റ്റാ​ണ്ടി​നി​പ്പു​റ​വും പു​ഷ്പാ​ക​ര​ന്‍റെ ചെ​വി​ക​ളി​ൽ അ​ല​യ​ടി​ക്കു​ന്നു​ണ്ട്.