50,000 ദിർഹമോ കുറഞ്ഞതോ മൂല്യമുള്ള തർക്കങ്ങൾ പരിഹരിക്കാൻ മന്ത്രാലയം

ദു​ബൈ: സ്വ​കാ​ര്യ​മേ​ഖ​ല​യി​ലെ ക​മ്പ​നി​ക​ളും തൊ​ഴി​ലാ​ളി​ക​ളും ത​മ്മി​ലു​ള്ള​തോ ഗാ​ർ​ഹി​ക തൊ​ഴി​ലാ​ളി​ക​ളും റി​ക്രൂ​ട്ട്‌​മെ​ന്റ് ഏ​ജ​ൻ​സി​ക​ളും ത​മ്മി​ലു​ള്ള​തോ ആ​യ 50,000 ദി​ർ​ഹ​മോ അ​തി​ൽ കു​റ​ഞ്ഞ​തോ മൂ​ല്യ​മു​ള്ള ത​ർ​ക്ക​ങ്ങ​ൾ പ​രി​ഹ​രി​ക്കു​മെ​ന്ന് മാ​ന​വ​വി​ഭ​വ​ശേ​ഷി, എ​മി​റ​റ്റൈ​സേ​ഷ​ൻ മ​ന്ത്രാ​ല​യം അ​റി​യി​ച്ചു. 2024 ജ​നു​വ​രി ഒ​ന്ന് മു​ത​ലാ​ണ്​ സം​വി​ധാ​നം നി​ല​വി​ൽ​വ​രു​ന്ന​ത്.

ഉ​പ​ഭോ​ക്താ​ക്ക​ളു​ടെ സ​മ​യ​വും അ​ധ്വാ​ന​വും ലാ​ഭി​ക്കാ​നും ന​ട​പ​ടി​ക്ര​മ​ങ്ങ​ൾ കാ​ര്യ​ക്ഷ​മ​മാ​ക്കാ​നും നി​യ​മ​പ​ര​മാ​യ അ​വ​കാ​ശ​ങ്ങ​ൾ ല​ഭ്യ​മാ​ക്കു​ന്ന​തു​മാ​ണ്​ ന​ട​പ​ടി​യെ​ന്നും മ​ന്ത്രാ​ല​യം അ​റി​യി​ച്ചു.

ഫെ​ഡ​റ​ൽ നി​യ​മ​ത്തി​ലെ പു​തി​യ ഭേ​ദ​ഗ​തി പ്ര​കാ​ര​മാ​ണ്​ സം​വി​ധാ​നം ഒ​രു​ങ്ങു​ന്ന​ത്. മ​ന്ത്രാ​ല​യ​ത്തി​ന്റെ തീ​രു​മാ​നം അ​റി​യി​ച്ച് 15 പ്ര​വൃ​ത്തി ദി​വ​സ​ത്തി​ന​കം അ​പ്പീ​ൽ കോ​ട​തി​യെ സ​മീ​പി​ക്കാ​ൻ ക​ക്ഷി​ക​ളെ പു​തി​യ ഭേ​ദ​ഗ​തി അ​നു​വ​ദി​ക്കു​ന്നു​ണ്ട്.

ഇ​ത്ത​രം കേ​സു​ക​ളി​ൽ അ​പ്പീ​ൽ കോ​ട​തി മൂ​ന്ന് പ്ര​വൃ​ത്തി ദി​വ​സ​ത്തി​ന​കം വാ​ദം കേ​ൾ​ക്കും. 50,000 ദി​ർ​ഹ​ത്തി​ൽ കൂ​ടു​ത​ലു​ള്ള ത​ർ​ക്ക​ങ്ങ​ളി​ൽ ര​മ്യ​മാ​യ ഒ​ത്തു​തീ​ർ​പ്പി​നാ​യി മ​ന്ത്രാ​ല​യം പ​തി​വ് ന​ട​പ​ടി​ക്ര​മ​ങ്ങ​ൾ തു​ട​രും.

റ​ഫ​റ​ൽ തീ​യ​തി​മു​ത​ൽ പ​ര​മാ​വ​ധി 15 പ്ര​വൃ​ത്തി ദി​വ​സ​ങ്ങ​ൾ​ക്കു​ള്ളി​ൽ ര​മ്യ​മാ​യ ഒ​ത്തു​തീ​ർ​പ്പി​ലെ​ത്താ​ൻ ക​ഴി​യാ​ത്ത കേ​സു​ക​ൾ ബ​ന്ധ​പ്പെ​ട്ട കോ​ട​തി​ക​ളി​ലേ​ക്ക്​ റ​ഫ​ർ ചെ​യ്യു​ക​യാ​ണ്​ രീ​തി.