മ​സാ​ഫി​യി​ൽ ചെ​റു ഭൂ​ച​ല​നം; പ്ര​ക​മ്പ​നം അ​നു​ഭ​വ​പ്പെ​ട്ടു

ദു​ബൈ: രാ​ജ്യ​ത്തി​ന്‍റെ വ​ട​ക്ക​ൻ മേ​ഖ​ല​യി​ലെ മ​സാ​ഫി​യി​ൽ ചെ​റു ഭൂ​ച​ല​നം രേ​ഖ​പ്പെ​ടു​ത്തി. ഞാ​യ​റാ​ഴ്ച രാ​വി​ലെ 7.53നാ​ണ്​ ദേ​ശീ​യ കാ​ലാ​വ​സ്ഥാ, ഭൂ​ക​മ്പ നി​രീ​ക്ഷ​ണ കേ​ന്ദ്രം 2.3 തീ​വ്ര​ത​യു​ള്ള കു​ലു​ക്കം രേ​ഖ​പ്പെ​ടു​ത്തി​യ​ത്. 1.6 കി.​മീ​റ്റ​ർ ആ​ഴ​ത്തി​ൽ അ​നു​ഭ​വ​പ്പെ​ട്ട ഭൂ​ച​ല​ന​ത്തെ​തു​ട​ർ​ന്ന്​ ചി​ല​യി​ട​ങ്ങ​ളി​ൽ നേ​രി​യ പ്ര​ക​മ്പ​ന​മു​ണ്ടാ​യി. അ​തേ​സ​മ​യം യു.​എ.​ഇ​യി​ൽ ഭൂ​ച​ല​നം പ്ര​ത്യാ​ഘാ​ത​ങ്ങ​ളൊ​ന്നു​മു​ണ്ടാ​ക്കി​യി​ല്ലെ​ന്ന്​ എ​ൻ.​സി.​എം സ്ഥി​രീ​ക​രി​ച്ചി​ട്ടു​ണ്ട്.

ആ​ഗ​സ്റ്റ്​ 18ന്​ ​യു.​എ.​ഇ​യി​ലെ ദി​ബ്ബ​ക്ക്​ സ​മീ​പം ഒ​മാ​ൻ ക​ട​ലി​ൽ ഭൂ​ച​ല​നം രേ​ഖ​പ്പെ​ടു​ത്തി​യി​രു​ന്നു. റി​ക്ട​ർ സ്‌​കെ​യി​ലി​ൽ 3.0 തീ​വ്ര​ത രേ​ഖ​പ്പെ​ടു​ത്തി​യ ഭൂ​ച​ല​നം അ​ഞ്ചു കി.​മീ​റ്റ​ർ പ​രി​ധി​യി​ലാ​ണു​ണ്ടാ​യ​ത്. ഭൂ​ച​ല​ന​ത്തെ​തു​ട​ർ​ന്ന്​ താ​മ​സ​ക്കാ​ർ ചെ​റു പ്ര​ക​മ്പ​നം അ​നു​ഭ​വ​പ്പെ​ട്ടി​രു​ന്നു.

ചെ​റു​ഭൂ​ച​ല​ന​ങ്ങ​ൾ പ​ല​പ്പോ​ഴും ഈ ​മേ​ഖ​ല​യി​ൽ റി​പ്പോ​ർ​ട്ട്​ ചെ​യ്യ​പ്പെ​ടാ​റു​ണ്ട്. എ​ന്നാ​ൽ, ഇ​ത്​ അ​പ​ക​ട​ങ്ങ​ൾ​ക്ക്​ കാ​ര​ണ​മാ​കാ​റി​ല്ല. റി​ക്ട​ർ സ്കെ​യി​ലി​ൽ 2.8 തീ​വ്ര​ത രേ​ഖ​പ്പെ​ടു​ത്തി​യ ചെ​റി​യ ഭൂ​ച​ല​നം ജൂ​ൺ 8ന് ​രാ​ത്രി 11.01ന് ​മ​സാ​ഫി​യി​ൽ​ത​ന്നെ രേ​ഖ​പ്പെ​ടു​ത്തി​രു​ന്നു.

അ​തി​ന്​ മു​മ്പ്, മേ​യ് 29ന് ​ഒ​മാ​ൻ ക​ട​ലി​ൽ ഉ​ണ്ടാ​യ ചെ​റി​യ ഭൂ​ച​ല​ന​ത്തി​ൽ താ​മ​സ​ക്കാ​ർ​ക്ക്​ പ്ര​ക​മ്പ​നം അ​നു​ഭ​വ​പ്പെ​ടു​ക​യു​ണ്ടാ​യി. ചെ​റു ഭൂ​ച​ല​ന​ങ്ങ​ളി​ൽ ഭ​യ​പ്പെ​ടാ​നി​ല്ലെ​ന്നും മേ​ഖ​ല​യി​ൽ ഭൂ​ക​മ്പ സാ​ധ്യ​ത​യി​ല്ലെ​ന്നു​മാ​ണ്​ ഭൗ​മ​ശാ​സ്ത്ര വി​ദ​ഗ്​​ധ​ർ അ​ഭി​പ്രാ​യ​പ്പെ​ടു​ന്ന​ത്.