ട്രാം ​ഡ്രൈ​വ​ർ​മാ​രെ നി​രീ​ക്ഷി​ക്കാ​ൻ ആ​ധു​നി​ക സാ​​ങ്കേ​തി​ക​വി​ദ്യ

ദു​ബൈ: ട്രാം ​ഡ്രൈ​വ​ർ​മാ​രെ നി​രീ​ക്ഷി​ക്കാ​നും യാ​ത്ര​ക്കാ​രു​ടെ സു​ര​ക്ഷ ഉ​റ​പ്പു​വ​രു​ത്താ​നും നി​ർ​മി​ത​ബു​ദ്ധി ഉ​പ​യോ​ഗി​ക്കു​ന്നു. ലോ​ക​ത്ത്​ ആ​ദ്യ​മാ​യാ​ണ്​ ട്രാം​ ​ഡ്രൈ​വ​ർ​മാ​രെ നി​രീ​ക്ഷി​ക്കാ​ൻ ഇ​ത്ത​ര​മൊ​രു സാ​​ങ്കേ​തി​ക​വി​ദ്യ ഉ​പ​യോ​ഗി​ക്കു​ന്ന​ത്. ​കി​യോ​ലി​സ്​ എം.​എ​ച്ച്.​ഐ, വി​ർ​ച്യൂ തെ​റ​പ്പി ആ​ൻ​ഡ്​ റി​സ​ർ​ച്​ എ​ന്നി​വ​യു​ടെ സ​ഹാ​യ​ത്തോ​ടെ​യാ​ണ്​ പ​ദ്ധ​തി​യു​ടെ മൂ​ന്നാം​ഘ​ട്ട പ​രീ​ക്ഷ​ണം ആ​ർ.​ടി.​എ ന​ട​പ്പാ​ക്കു​ന്ന​ത്.

ട്രാ​മി​നാ​യി പ്ര​ത്യേ​ക ട്രാ​ക്കു​ണ്ടെ​ങ്കി​ലും ചി​ല സ്ഥ​ല​ങ്ങ​ളി​ൽ റോ​ഡി​ലൂ​ടെ​യാ​ണ്​ ട്രാം ​സ​ഞ്ച​രി​ക്കു​ന്ന​ത്. റെ​യി​ൽ​വേ ക്രോ​സി​ന്​ സ​മാ​ന​മാ​യ റോ​ഡി​ലൂ​ടെ ട്രാം ​ക​ട​ന്നു​പോ​കു​മ്പോ​ൾ ഡ്രൈ​വ​റു​ടെ അ​ശ്ര​ദ്ധ അ​പ​ക​ട​മു​ണ്ടാ​ക്കാ​ൻ സാ​ധ്യ​ത​യു​ണ്ട്. ഇ​ത്ത​രം അ​പ​ക​ട​ങ്ങ​ൾ ഒ​ഴി​വാ​ക്കാ​നാ​ണ്​ ഡ്രൈ​വ​ർ​മാ​രെ നി​രീ​ക്ഷി​ക്കു​ന്ന​ത്. ഡ്രൈ​വ​റു​ടെ ച​ല​നം, ശൈ​ലി, സു​ര​ക്ഷി​ത​മ​ല്ലാ​ത്ത രീ​തി​ക​ൾ, ഹൃ​ദ​യ​മി​ടി​പ്പ്, സം​ഭാ​ഷ​ണം തു​ട​ങ്ങി​യ​വ​യെ​ല്ലാം സ്മാ​ർ​ട്ട്​ ഉ​പ​ക​ര​ണം വ​ഴി നി​രീ​ക്ഷി​ച്ചു​കൊ​ണ്ടി​രി​ക്കും. ഡ്രൈ​വ​റു​ടെ ആ​രോ​ഗ്യ​നി​ല​പോ​ലും ഉ​റ​പ്പാ​ക്കു​ന്ന​താ​ണ്​ പു​തി​യ സം​വി​ധാ​നം. സു​ര​ക്ഷ​ക്ക്​ ഭീ​ഷ​ണി​യാ​കു​ന്ന ത​ര​ത്തി​ലു​ള്ള പെ​രു​മാ​റ്റ​ങ്ങ​ൾ മു​ൻ​കൂ​ട്ടി കാ​ണു​ന്ന​തി​ലൂ​ടെ അ​പ​ക​ട​ങ്ങ​ൾ ത​ട​യാ​നും പ​രി​ഹാ​രം ക​ണ്ടെ​ത്താ​നും ക​ഴി​യും. ഡ്രൈ​വ​ർ​മാ​രു​​ടെ ഓ​രോ സം​സാ​ര​വും കൃ​ത്യ​മാ​യി ക​ൺ​ട്രോ​ൾ റൂ​മി​ൽ കേ​ൾ​ക്കാ​ൻ ക​ഴി​യും. അ​വ​രു​ടെ ആം​ഗ്യ​ങ്ങ​ളും ച​ല​ന​ങ്ങ​ളും കൃ​ത്യ​മാ​യി അ​റി​യാ​ൻ ക​ഴി​യും. യാ​ത്ര​ക്കാ​രു​ടെ സു​ര​ക്ഷ​ക്കാ​ണ്​ മു​ൻ​ഗ​ണ​ന​യെ​ന്നും ആ​ധു​നി​ക സാ​​ങ്കേ​തി​ക​വി​ദ്യ​യു​ടെ കാ​ല​ത്ത്​ അ​ത്​ പ​ര​മാ​വ​ധി പ്ര​യോ​ജ​ന​പ്പെ​ടു​ത്തു​ക​യാ​ണെ​ന്നും പ​രീ​ക്ഷ​ണ​ഘ​ട്ടം വി​ജ​യി​ച്ചാ​ൽ ദു​ബൈ​യി​ലെ എ​ല്ലാ ട്രാ​മു​ക​ളി​ലും ന​ട​പ്പാ​ക്കു​മെ​ന്നും റെ​യി​ൽ ഏ​ജ​ൻ​സി ഓ​പ​റേ​ഷ​ൻ​സ്​ ഡ​യ​റ​ക്ട​ർ ഹ​സ​ൻ അ​ൽ മു​ത​വ പ​റ​ഞ്ഞു.