ഐ.സിയുവിൽ നിന്നുയർത്തെഴുന്നേറ്റ്​ റിസ്​വാൻ; ചികിത്സിച്ചത്​ മലയാളി ഡോക്​ടർ

ദുബൈ: ആസ്​ട്രേലിയക്കെതിരായ ലോകകപ്പ്​ സെമി ഫൈനലിൽ പാകിസ്​താ​െൻറ ടോപ്​ സ്​കോററായ മുഹമ്മദ്​ റിസ്​വാൻ ​കളിക്കാനെത്തിയത്​ 35 മണിക്കൂറത്തെ ഐ.സി.യു വാസത്തിന്​ ശേഷം. നെഞ്ചുവേദനയെ തുടർന്ന് ആശുപത്രിയിൽ അഡ്​മിറ്റ്​ ചെയ്​ത റിസ്​വാൻ ബുധനാഴ്​ച ഉച്ചക്കാണ്​ ആശുപത്രി വിട്ടത്​. വ്യാഴാഴ്​ച വൈകുന്നേരം കളിക്കാനിറങ്ങുകയും ചെയ്​തു. ദുബൈ മെഡിയോർ ആശുപത്രിയിലെ തിരുവനന്തപുരം സ്വദേശിയായ ഡോക്​ടർ സഹീർ സൈനുൽ ആബിദീ​െൻറ നേതൃത്വത്തിലാണ്​ റിസ്​വാന്​ ചികിത്സ ഒരുക്കിയത്​. സ്വന്തം പേരെ​ഴുതിയ ജഴ്​സി സമ്മാനിച്ചാണ്​ റിസ്​വാൻ നന്ദി പ്രകടിപ്പിച്ചത്​.

ചൊവ്വാഴ്ച പുലർച്ച 2.30നാണ്​ റിസ്​വാനെ ആശുപത്രിയിൽ പ്രവേശിപ്പിച്ചത്​. ശ്വാസ തടസവും കടുത്ത നെഞ്ചു വേദനയുമായിരുന്നു പ്രശ്​നം. അണുബാധയുടെ അളവ് വർധിച്ചതിനെ തുടർന്ന് റിസ്​വാ​െൻറ ഉമിനീരിൽ അടക്കം രക്തമായിരുന്നു. വേദനകണക്കാക്കുന്ന പെയിൻ സ്‌കോർ 10/10 ആയിരുന്നു. റിസ്​വാൻ പ്രകടിപ്പിക്കുന്നത് ഹൃദയാഘാതത്തി​െൻറ ലക്ഷണങ്ങളാണോ എന്ന സംശയം പലരും പങ്കുവച്ചെങ്കിലും അണുബാധ ശ്വാസനാളത്തെയും അന്നനാളത്തെയും ബാധിച്ചതാണ് കടുത്ത നെഞ്ചുവേദനയ്ക്കും ശ്വാസതടസ്സത്തിനും കാരണമായതെന്ന് ഡോക്ടർമാർ കണ്ടെത്തി. നില മെച്ചപ്പെട്ടുവരുന്നെങ്കിലും തുടർ പരിചരണത്തിനായി അദ്ദേഹത്തെ ഐ.സി.യുവിലേക്ക് മാറ്റി. വ്യാഴാഴ്ച നടക്കുന്ന സെമിഫൈനലിൽ റിസ്​വാന് കളിക്കാൻ ആകുമോ എന്നതിലും ആശങ്ക ഉടലെടുത്തു. ബുധനാഴ്ച രാവിലെ നില മെച്ചപ്പെട്ടു. പരിശോധനയിൽ നെഞ്ചിലെ അണുബാധ മാറിയതായി വ്യക്തമായി. സെമിയിൽ കളിച്ചേ മതിയാകൂവെന്ന വാശിയിലായിരുന്നു താരമെന്ന്​ ഡോ. സഹീർ പറയുന്നു. 'എനിക്ക് കളിക്കണം, ടീമിനൊപ്പം നിൽക്കണം' എന്ന്​ റിസ്​വാൻ പറഞ്ഞുകൊണ്ടേയിരുന്നു. ഗുരുതര അണുബാധയേറ്റാൽ സാധാരണ അഞ്ചു മുതൽ ഏഴു വരെ ദിവസമെടുക്കും ആരോഗ്യം വീണ്ടെടുക്കാൻ. എന്നാൽ, റിസ്​വാ​െൻറ കാര്യത്തിൽ അനുകൂലമായത് അദ്ദേഹത്തി​െൻറ ആരോഗ്യക്ഷമതയും ആത്​മവിശ്വാസവുമാണെന്ന്​ ഡോക്​ടർമാർ പറയുന്നു.

വ്യാഴാഴ്ച കളത്തിലിറങ്ങിയ റിസ്​വാൻ ആസ്​ട്രേലിയക്കെതിരെ 52 പന്തിൽ 67 റൺസെടുത്ത്​ ടോപ്​ സ്​കോററായി. ട്വൻറി 20യിൽ ഒരു കലണ്ടർ വർഷം 1000 റൺസ്​ തികക്കുന്ന ആദ്യ താരമെന്ന റെക്കോഡും റിസ്​വാൻ സ്വന്തമാക്കി. അവിശ്വസിനീയമായിരുന്നു റിസ്​വാ​െൻറ തിരിച്ചുവരവ്​ എന്ന്​ ഡോ. സഹീർ പറഞ്ഞു. മത്സരത്തിന്​ രണ്ട്​ മണിക്കൂർ മുൻപ്​ പോലും റിസ്​വാന്​ മരുന്ന്​ കഴിക്കാനുണ്ടായിരുന്നു. വി.വി.എസ്​. ലക്ഷ്​മൺ, ഷൊഐബ്​ അക്​തർ, കമ​േൻററ്റർമാർ അടക്കമുള്ളവർ റിസ്​വാന്​ അഭിനന്ദനവുമായി എത്തി. മെഡിയോർ ആശുപത്രി ഐ.സി.യുവിൽ കഴിയുന്ന റിസ്​വാ​െൻറ ചിത്രവും വൈറലാണ്. മത്സര ശേഷം പാക് ടീം ഡോക്ടറാണ് ഡോ. സഹീറിനെ വിളിച്ച് റിസ്​വാൻ ഏൽപ്പിച്ച സമ്മാനത്തി​െൻറ കാര്യം അറിയിച്ചത്. വെള്ളിയാഴ്ച ജഴ്​സി ആശുപത്രിയിൽ എത്തിച്ച്​ നൽകി