ഗോൾഡൻ വിസ സ്വീകരിക്കാൻ മമ്മൂട്ടിക്ക്​ പിന്നാലെ മോഹൻലാലും ദുബൈയിലെത്തി VIDEO

ദുബൈ: യു.എ.ഇ സർക്കാരി​െൻറ ഗോൾഡൻ വിസ സ്വീകരിക്കുന്നതിനായി മമ്മൂട്ടിക്ക്​ പിന്നാലെ മോഹൻലാലും ദുബൈയിലെത്തി. വിസ നടപടികളുടെ ഭാഗമായി വെള്ളിയാഴ്​ച അദ്ദേഹം മെഡിക്കൽ പൂർത്തിയാക്കും. ദുബൈ അൽ നഹ്​ദ മെഡിക്കൽ സെൻററിലാണ്​ മെഡിക്കൽ പരിശോധന. തിങ്കളാഴ്​ച അബൂദബിയിലെത്തി ഇരുവരും ഗോൾഡൻ വിസ സ്വീകരിക്കും.

കലാരംഗത്തെ സംഭാവന പരിഗണിച്ചാണ്​ യു.എ.ഇ സർക്കാർ പത്ത്​ വർഷത്തെ ഗോൾഡൻ വിസ ഇരുവർക്കും അനുവദിച്ചത്​. മലയാളത്തിൽ നിന്ന്​ ആദ്യമായാണ്​ സിനിമ താരങ്ങൾക്ക്​ ഗോൾഡൻ വിസ ലഭിക്കുന്നത്​. ആദരം ഏറ്റുവാങ്ങുന്നതിനായി മമ്മൂട്ടി വ്യാഴാഴ്​ച തന്നെ ദുബൈയിൽ എത്തിയിരുന്നു.