അമ്പിളിയുടെ ‘ഒളിച്ചുകളി’ ഇന്ന്​; ക​ൺപാർക്കാം ദൃശ്യവിസ്​മയം

അബൂദബി: നൂറ്റാണ്ടിലെ ഏറ്റവും ദൈർഘ്യമേറിയ സമ്പൂർണ ചന്ദ്രഗ്രഹണം നിരീക്ഷിക്കാൻ മികച്ച സൗകര്യങ്ങളൊരുക്കി യു.എ.ഇ ബഹിരാകാശ ഏജൻസി. യു.എ.ഇയിലെ വിവിധ ജ്യോതിശാസ്​ത്ര കേ​ന്ദ്രങ്ങളിലെ നിരീക്ഷണ സൗകര്യങ്ങൾ രാജ്യത്തെ ജനങ്ങൾക്കായി സ്​പോൺസർ ചെയ്​താണ്​ ബഹിരാകാശ ഏജൻസി രംഗത്തെത്തിയത്​. സവിശേഷ ബഹിരാകാശ പ്രതിഭാസമായ സമ്പൂർണ ചന്ദ്രഗ്രഹണം ദർശിക്കാൻ രാജ്യത്തെ ജ്യോതിശാസ്​ത്ര കേന്ദ്രങ്ങൾ ജനങ്ങളെ സ്വാഗതം ചെയ്​തു. 

അബൂദബിയിലെ ഇൻറർനാഷനൽ അസ്​ട്രോണമി സ​​െൻറർ (​െഎ.എ.സി), എമിറേറ്റ്​സ്​ മൊബൈൽ ഒബ്​സർവേറ്ററി, അൽ സദീം അസ്​ട്രോണമി, ഷാർജ സ​​െൻറർ ഫോർ അസ്​ട്രോണമി ആൻഡ്​ സ്​പേസ്​ സയൻസസ്​, ദുബൈ അസ്​ട്രോണമി ഗ്രൂപ്പ്​ എന്നിവയുടെ ആഭിമുഖ്യത്തിൽ അത്യാധുനിക ദൂരദർശിനികളിലൂടെ ചന്ദ്രഗ്രഹണം വ്യക്​തമായി വീക്ഷിക്കാനുള്ള സൗകര്യമൊരുക്കിയിട്ടുണ്ട്​. ഇതിൽ ദുബൈ അസ്​ട്രോണമി ഗ്രൂപ്പ് ദുബൈ മുഷ്​രിഫ്​ പാർക്കിലെ അൽ തുറായ അസ്​േ​ട്രാണമി സ​​െൻററിൽ ഒരുക്കുന്ന നിരീക്ഷണ പരിപാടിയിലൊഴിച്ച്​ മറ്റുള്ളതിലെല്ലാം സൗജന്യമായി പ​െങ്കടുക്കാം.

അൽ തുറായ അസ്​േ​ട്രാണമി സ​​െൻററിൽ മുതിർന്നവർക്ക്​ 200 ദിർഹവും 15 വയസ്സിന്​ താഴെയുള്ളവർക്ക്​ 125 ദിർഹവുമാണ്​ ടിക്കറ്റ്​ നിരക്കെന്ന്​ ദുബൈ അസ്​ട്രോണമി ഗ്രൂപ്പി​​​െൻറ വെബ്​സൈറ്റിൽ വ്യക്​തമാക്കുന്നു.  https://www.q-tickets.com/uae/events/Total_Lunar_Eclipse ലിങ്കിൽ ക്ലിക്ക്​ ചെയ്​ത്​ ടിക്കറ്റ്​ ബുക്ക്​ ചെയ്യാം. െഎ.എ.സി സംഘടിപ്പിക്കുന്ന നിരീക്ഷണ പരിപാടി അബൂദബി നാഷനൽ ഒായിൽ കമ്പനി​ (അഡ്​നോക്​) കെട്ടിടത്തിന്​ എതിർവശത്ത്​ കോർണിഷിലായിരിക്കും നടക്കുക. രാത്രി എട്ടിന്​ ഗ്രഹണങ്ങളെ കുറിച്ചും ഗ്രഹങ്ങളെ കുറിച്ചുമുള്ള ക്ലാസുകളോടെ പരിപാടി ആരംഭിക്കും. 
എമിറേറ്റ്​സ്​ മൊബൈൽ ഒബ്​സർവേറ്ററി അബൂദബി മറീന മാളിന്​ മുന്നിലായിരിക്കും നിരവധി അത്യാധുനിക ദൂരദർശിനികൾ ഉപ​േയാഗിച്ചുള്ള നിരീക്ഷണവും വലിയ സ്​ക്രീനിലെ പ്രദർശനവും സംഘടിപ്പിക്കുക.

മൊബൈൽ നിരീക്ഷണ വാഹനങ്ങളും ജനങ്ങൾക്ക്​ ലഭ്യമാക്കുമെന്ന്​ അധികൃതർ അറിയിച്ചു. അബൂദബി അൽ വത്​ബ സൗത്തിലെ അൽ സദീം അസ്​ട്രോണമിയിലും സൗജന്യ നിരീക്ഷണം നടത്താം. വെള്ളിയാഴ്​ച രാത്രി എട്ട്​ മുതൽ ശനിയാഴ്​ച പുലർച്ചെ മൂന്ന്​ വരെയാണ്​ ഇവിടെ ചന്ദ്രഗ്രഹണ നിരീക്ഷണത്തിനുള്ള സമയം. ഷാർജ സ​​െൻറർ ഫോർ അസ്​ട്രോണമി ആൻഡ്​ സ്​പേസ്​ സയൻസിൽ (എസ്​.സി.എ.എസ്​.എസ്​) വെള്ളിയാഴ്​ച രാത്രി പത്ത്​ മുതൽ ശനിയാഴ്​ച പുലർച്ചെ രണ്ട്​ വരെയാണ്​ നിരീക്ഷണ സൗകര്യം. 

വെള്ളിയാഴ്​ചയിലെ ഗ്രഹണം ദർശിക്കുന്നതിന്​ ലോകത്തെ മികച്ച പ്രദേശങ്ങളിലൊന്നായി കണക്കാക്കപ്പെടുന്നത്​ ഗൾഫ്​ മേഖലയാണെന്നതും യു.എ.ഇയിലുള്ളവർക്ക്​ സന്തോഷം നൽകുന്ന കാര്യമാണ്​. വെള്ളിയാഴ്​ച വാരാന്ത്യ അവധിയാണെന്നതും രാജ്യത്തെ ജനങ്ങൾക്ക്​ അനുഗ്രഹമാകും. ദേശീയ ബഹിരാകാശ മേഖലയെയും രാജ്യത്ത്​ സമൃദ്ധമായ അത്യാധുനിക ജ്യോതി​ശാസ്​ത്ര കേന്ദ്രങ്ങളെയും അവയുടെ ലോകോത്തര സംവിധാനങ്ങളെയും കുറിച്ച്​ ബോധവത്​കരണം നടത്തുക എന്ന ലക്ഷ്യത്തി​​​െൻറ അടിസ്​ഥാനത്തിലാണ്​ ഇത്തരം പ്രതിഭാസങ്ങൾ കാണാനുള്ള സൗകര്യം സ്​പോൺസർ ചെയ്യുന്നതെന്ന്​ യു.എ.ഇ ബഹിരാകാശ ഏജൻസി ഡയറക്​ടർ ജനറൽ ഡോ. മുഹമ്മദ്​ ആൽ അഹ്​ബാബി വ്യക്​തമാക്കി.

നമ്മുടെ സജീവമായ ദേശീയ ബഹിരാകാശ മേഖലയിലേക്ക്​ വെളിച്ചം വീശാനുള്ള പ്രധാനപ്പെട്ട അവസരമാണ്​ ഇൗ ആഗോള പ്രതിഭാസം. മുൻ കാലങ്ങളിൽ ഇത്തരം നിരീക്ഷണ പരിപാടികൾ സംഘടിപ്പിച്ച​േപ്പാൾ ജനങ്ങളിൽ പൊതുവെയും യുവജനങ്ങളിൽ സവി​േ​ശഷമായും കണ്ട ജനകീയത ഇൗ പ്രത്യേക അവസരത്തിൽ ജനങ്ങൾക്ക്​ സൗകര്യങ്ങളൊരുക്കുന്നതിന്​ ഏജൻസിയെ പ്രോത്സാഹിപ്പിക്കുന്നു. ബഹിരാകാശ മേഖലയിൽ ചേരുന്നതിനും ശാസ്​ത്രം, എൻജിനീയറിങ്​ തുടങ്ങിയവ പഠിക്കുന്നതിനും നമ്മുടെ യുവജനങ്ങളെ പ്രോത്സാഹിപ്പിക്കുന്നതിൽ ഇത്തരം പരിപാടികൾ സ്​പോൺസർ ചെയ്യുന്നത്​ മുഖ്യ പങ്ക്​ വഹിക്കുന്നുവെന്നും ഡോ. മുഹമ്മദ്​ ആൽ അഹ്​ബാബി പറഞ്ഞു. 

ചന്ദ്രഗ്രഹണ സമയത്ത്​ മറ്റു നിരവധി ഗ്രഹങ്ങളെയും കാണാൻ സാധിക്കുമെന്ന്​ ഇൻറർനാഷനൽ അസ്​ട്രോണമികൽ സ​​െൻറർ ഡയറക്​ടർ മുഹമ്മദ്​ ശൗക്കത്ത്​ ഒൗദ്​ പറഞ്ഞു. സൗരയൂഥത്തിലെ വിവിധ ഗ്രഹങ്ങളെ കാണാനുള്ള ഇൗ വർഷത്തെ ഏറ്റവും മികച്ച സമയമാണിത്​. സൂര്യാസ്​തമയത്തിന്​ ശേഷം തിളങ്ങുന്ന വെളുത്ത നിറത്തിൽ പടിഞ്ഞാറ്​ ഭാഗത്ത്​ ശുക്രൻ പ്രത്യക്ഷമാകും. തെക്കുപടിഞ്ഞാറൻ ഭാഗത്ത്​ വ്യാഴത്തെ കാണാം. ദൂരദർശിനിയിലൂടെ വ്യാഴത്തി​​​െൻറ നാല്​ ഉപഗ്രഹങ്ങളും സവിശേഷമായ ചുവന്ന കലയും ഇക്വിറ്റോറിയൽ ബെൽറ്റുകളും കാണാൻ സാധിക്കുമെന്നും അദ്ദേഹം പറഞ്ഞു.

ശനിയെ തെക്കു ഭാഗത്ത്​ കാണാൻ കഴിയും. ദൂരദർശിനിയിലൂടെ ഇതി​​​െൻറ വലയങ്ങളും പട്ടകളും ദൃശ്യമാകും. ചന്ദ്രഗ്രഹണ സമയത്ത്​ ചൊവ്വാഗ്രഹത്തെ നഗ്​നനേത്രങ്ങൾ കൊണ്ട്​ വീക്ഷിക്കാം. തിളങ്ങുന്ന ഒാറഞ്ച്​ നിറത്തിൽ കിഴക്ക്​ ഭാഗത്തായിരിക്കും ചൊവ്വ പ്രത്യക്ഷമാകുന്നതെന്ന്​ മുഹമ്മദ്​ ശൗക്കത്ത്​ ഒൗദ്​ വിശദീകരിച്ചു. വെള്ളിയാഴ്​ച നടക്കുന്ന ചന്ദ്രഗ്രഹണ സമയത്ത്​ ചൊവ്വ നിരീക്ഷണത്തിന്​ ഏറ്റവും അനുയോജ്യമായ സ്​ഥാനത്തായിരിക്കുമെന്ന്​ എമിറേറ്റ്​സ്​ മൊബൈൽ ഒബ്​സർവേറ്ററി പ്രസിഡൻറ്​ നിസാർ സല്ലം അഭിപ്രായപ്പെട്ടു. സമ്പൂർണ ചന്ദ്രഗ്രഹണം വീക്ഷിക്കാൻ അബൂദബി പൊലീസും ജനങ്ങളെ ആഹ്വാനം ചെയ്​തു.