ഒരു മാസത്തിനിടെ ദുബൈ എക്​സ്​പോയിലെത്തിയത്​ 23.5 ലക്ഷം സന്ദർശകർ

ദുബൈ: ലോകം ഏറ്റെടുത്ത മഹാമേള ഒരു മാസം പിന്നിടു​േമ്പാൾ മേള സന്ദർശിക്കാനെത്തിയത്​ 23.5 ലക്ഷം പേർ. സംഘാടകർ പുറത്തുവിട്ട ഏറ്റവും പുതിയ കണക്കിലാണ്​ ഇക്കാര്യം വ്യക്​തമാക്കുന്നത്​. സന്ദർശകരിൽ 17 ശതമാനവും വിദേശത്തുനിന്ന്​ എത്തിയവരാണ്​.

28 ശതമാനവും 18 വയസിൽ താഴെയുള്ളവരായിരുന്നു. കൂടുതൽ വിദ്യാർഥികൾ ഇവിടേക്ക്​ എത്തി എന്നതി​െൻറ തെളിവാണിത്​. വരും ദിവസങ്ങളിൽ എക്​സ്​പോ സ്​കൂൾ ​േ​പ്രാഗ്രാം സജീവമാകുന്നതോടെ വിദ്യാർഥികളുടെ എണ്ണം ഇനിയും വർധിക്കുമെന്നാണ്​ പ്രതീക്ഷ. ഇന്ത്യ, ജർമനി, ഫ്രാൻസ്​, സൗദി, യു.കെ എന്നിവിടങ്ങളിലെ സന്ദർശകരാണ്​ ഏറെയും. ഒന്നിൽ കൂടുതൽ തവണ സന്ദർശിച്ചവർ നിരവധിയാണ്​. 53 ശതമാനവും സീസൺ പാസാണ്​ സ്വന്തമാക്കിയിരിക്കുന്നത്​. 20 ശതമാനം പേരാണ്​ വൺ ഡേ ടിക്കറ്റിൽ എത്തിയത്​. 27 ശതമാനം പേരും ഒന്നിൽ കൂടുതൽ തവണ എക്​സ​്​പോയിലെത്തി.

ആർ.ടി.എയുടെ ​പൊതുഗതാഗത സൗകര്യവും നിരവധി പേരാണ്​ ഉപയോഗിച്ചത്​. 1938 സർക്കാർ പ്രതിനിധികൾ എത്തി. പ്രസിഡൻറുമാർ, പ്രധാനമന്ത്രിമാർ, മന്ത്രിമാർ, സർക്കാർ പ്രധിനിധികൾ, സംസ്​ഥാനങ്ങളുടെ തലവൻമാർ തുടങ്ങിയവർ ഇതിൽ ഉൾപെടുന്നു. 192 രാജ്യങ്ങളുടെയും പവലിയനുകൾ ഉള്ള ആദ്യ എക്​സ്​പോയാണിത്​. അതിനാൽ, എല്ലാ രാജ്യങ്ങളിൽ നിന്നുമുള്ളവർ എത്തിയിട്ടുണ്ടെന്നാണ്​ വിലയിരുത്തൽ. സൗദി പവലിയനിൽ മാത്രം അഞ്ച്​ ലക്ഷം പേർ എത്തി. 5610 ഔദ്യോഗിക പരിപാടികൾ ഇതിനകം നടന്നു. അതേസമയം, വിർച്വലായി എക്​സ്​പോ സന്ദർശിച്ചത്​ 1.28 കോടി ജനങ്ങളാ​ണ്​. ആദ്യ മാസം വിറ്റഴിഞ്ഞത്​ 6.96 ലക്ഷം എക്​സ്​പോ പാസ്​പോർട്ടാണ്​. അമർ ദിയാബ്​, ഖദിം അൽ സാഹിർ, സമി യൂസുഫ്​ തുടങ്ങിയവരുടെ പരിപാടി വീക്ഷിക്കാൻ നിരവധി ​േപർ എത്തി.

നവംബർ -ഡിസംബർ മാസങ്ങളിൽ കൂടുതൽ പേർ എത്തുമെന്ന്​ പ്രതീക്ഷിക്കുന്നു. യു.എ.ഇ ദേശീയ ദിനവും നിരവധി അവധി ദിവസങ്ങളും എത്തു​േമ്പാൾ സന്ദർശകരുടെ എണ്ണം കുതിച്ചുയരും. ചൂട്​ കുറയുന്നതും തണുപ്പ്​ തുടങ്ങുന്നതും സന്ദർശകരു​െട എണ്ണം വർധിപ്പിക്കാൻ ഇടയാക്കും.