സിനിമാ ശാലകൾ അടച്ചിടണം: കർശന നിർദേശവുമായി അബൂദബി

ദുബൈ: കോവിഡ്​ പ്രതിരോധ പ്രവർത്തനങ്ങളുടെ ഭാഗമായി തലസ്​ഥാന നഗരയിലെ സിനിമാ ശാലകളുടെ പ്രവർത്തനം നിർത്തിവെക്ക ുവാൻ നിർദേശം. അബൂദബി ഡിപാർട്​മ​െൻറ്​ ഒാഫ്​ ഇക്കണോമിക്​ ഡവലപ്​മ​െൻറ്​ ആണ്​ അടിയന്തിരമായി നിർദേശം നടപ്പാക്കണ മെന്ന്​ ആവശ്യപ്പെട്ട്​ സിനിമാ ഹാൾ ഉടമകൾക്ക്​ കത്ത്​ നൽകിയത്​. വൈറസ്​ വ്യാപനത്തിന്​ ഇടയാവുന്ന സാഹചര്യങ്ങൾക്ക്​ ഒന്നും ഇട നൽകാതിരിക്കുവാനുള്ള പഴുതടച്ച മുൻകരുതലുകളുടെ ഭാഗമാണ്​ ഇൗ നടപടി. മാർച്ച്​ അവസാനം വരെ പ്രവർത്തനങ്ങൾ നിർത്തിവെക്കുവാനാണ്​ ആവശ്യപ്പെട്ടിരിക്കുന്നത്​.

നിർദേശം നടപ്പാക്കുന്നുണ്ട്​ എന്ന്​ ഉറപ്പുവരുത്തുവാൻ സാമ്പത്തിക വിഭാഗം കർശന പരിശോധനകളും ആരംഭിക്കുന്നുണ്ട്​. നിയമം ലംഘിക്കുന്നവർക്കെതിരെ കർശന നടപടികൾ സ്വീകരിക്കുമെന്നും അധികൃതർ മുന്നറിയിപ്പ്​ നൽകുന്നു.കുട്ടികളുടെ അവധിക്കാലം നേരത്തേ ആവുകയും ജോലി സമയങ്ങളിൽ ഇളവ്​ ലഭിക്കുകയും ചെയ്യുന്ന സാഹചര്യത്തിൽ കുടുംബങ്ങൾ കൂട്ടമായി സിനിമാ തീയറ്ററുകളിലേക്ക്​ എത്തുന്ന സമയമായിരുന്നു ഇതെന്ന്​ അബൂദബിയിലെ ഏറ്റവും വലിയ മൾട്ടിപ്ലക്​സ്​ സിനിമാ എക്​സിബിറ്റർമാരായ സിനി​ റോയൽ സിനിമാ ഗ്രൂപ്പ്​ ചീഫ്​ ഡവലപ്​മ​െൻറ്​ ഒാഫീസർ എസ്​.എൽ.പി മുഹമ്മദ്​ റഫീഖ്​ പറഞ്ഞു.

വലിയ വരുമാന നഷ്​ടം ഇതുമൂലം ഉണ്ടാവും. എന്നാൽ രാജ്യ താൽപര്യത്തിനും ജനങ്ങളുടെ ആരോഗ്യത്തിനുമാണ്​ പ്രഥമ പരിഗണന നൽകേണ്ടത്. അൻപതോളം സ്​ക്രീനുകളിലായി നടത്തി വരുന്ന പ്രദർശനങ്ങൾ ഇന്ന്​ മുതൽ നിർത്തിവെക്കുമെന്ന്​ റഫീഖ്​ പറഞ്ഞു.