മുഹമ്മദ്​ ബിൻ സായിദ്​ ഓസ്​ട്രിയയിൽ

ദുബൈ: അബൂദബി കിരീടാവകാശിയും യു.എ.ഇ സായുധസേന ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാൻ ഔദ്യോഗിക സന്ദർശനത്തിന്​ ഓസ്​ട്രിയൻ തലസ്​ഥാനമായ വിയനയിലെത്തി.

ചാൻസലർ സെബാസ്​റ്റ്യൻ കുർസ്,​ ശൈഖ്​ മുഹമ്മദിനെ വിയന അന്തരാഷ്​ട്ര വിമാനത്താവളത്തിൽ നേരി​ട്ടെത്തി സ്വീകരിച്ചു. ഇരുനേതാക്കളും പിന്നീട്​ നടത്തിയ കൂടിക്കാഴ്​ചയിൽ ഉഭയകക്ഷി ബന്ധവും വിവിധ മേഖലകളിൽ തങ്ങളുടെ രാജ്യങ്ങൾ തമ്മിലുള്ള തന്ത്രപരമായ പങ്കാളിത്തവും വർധിപ്പിക്കാനും തീരുമാനിച്ചു.

ഇരുരാജ്യങ്ങളെയും ബാധിക്കുന്ന വിവിധ അന്താരാഷ്​ട്ര, പ്രാദേശിക വിഷയങ്ങളും ചർച്ചയിൽ വന്നു. ശൈഖ്​ മുഹമ്മദി​െൻറ സന്ദർശനം ബന്ധം മെച്ചപ്പെടുത്താനും സഹകരണം വർധിപ്പിക്കാനും സഹായിക്കുമെന്ന്​ ചാൻസലർ പറഞ്ഞു.

ശൈഖ്​ ഹംദാൻ ബിൻ മുഹമ്മദ്​ ബിൻ സായിദ്​ ആൽ നെഹ്​യാൻ, ശൈഖ്​ മുഹമ്മദ്​ ബിൻ ഹമദ്​ ബിൻതഹ്​നൂൻ ആൽ നെഹ്​യാൻ, അബൂദബി എയർപോർട്ട്​ ചെയർമാൻ ഡോ. സുൽത്താൻ ബിൻ അഹമ്മദ്​ അൽ ജബർ, ഓസ്​ട്രിയയിലെ യു.എ.ഇ അംബാസഡർ ഇബ്രാഹിം സാലിം അൽ മുഷാറഖ് തുടങ്ങിയവർ ശൈഖ്​ മുഹമ്മദിനെ അനുഗമിക്കുന്നുണ്ട്​.