എന്ന്​ ചെയ്യാനാവും എ​െൻറ പഞ്ചായത്ത്​ വോട്ട്​

നാട്ടിൽ തെരഞ്ഞെടുപ്പ്​ അടുക്കുമ്പോൾ പ്രവാസലോകത്തുനിന്നും നോക്കിക്കാണാൻ മാത്രം വിധിക്ക​െപ്പട്ട അനേകം പ്രവാസികളിൽ ഒരുവനാണ്​ ഞാൻ. പ്രവാസിയായിട്ട് 11 വർഷം കഴിഞ്ഞെങ്കിലും പഞ്ചായത്ത്​ തെരഞ്ഞെടുപ്പിൽ ഒരുവോട്ട്​ പോലും ചെയ്യാൻ കഴിഞ്ഞിട്ടില്ല. ഓരോ തെരഞ്ഞെടുപ്പ്​ വരു​േമ്പാഴും സമൂഹ മാധ്യമങ്ങളിൽ നോക്കി ആവേശംകൊള്ളാൻ മാത്രമേ കഴിഞ്ഞിട്ടുള്ളൂ. അതുകൊണ്ട്​, പ്രവാസിവോട്ട്​ നടപ്പാക്കാനുള്ള നീക്കങ്ങൾ ആവേശത്തോടെയാണ്​ ഏറ്റെടുക്കുന്നത്​.

വിദേശത്തേക്ക് വരുന്നതിന് മുമ്പ്​ ലോക്​സഭ, നിയമസഭ തെരഞ്ഞെടുപ്പടുക്കുമ്പോൾ നാട്ടിലെ ആരവങ്ങളിൽ ലയിച്ച്​ സ്ഥാനാർഥികൾക്കുവേണ്ടി ജാഥ സംഘടിപ്പിക്കാനും പോസ്​റ്റർ ഒട്ടിക്കാനും അലങ്കരിക്കാനും വോട്ടുതേടാനും പോകുമായിരുന്നു. കോഴിക്കോട് നാദാപുരം മണ്ഡലത്തിലെ കായക്കൊടി പഞ്ചായത്തിൽ ചങ്ങരംകുളം എന്ന ഗ്രമത്തിലാണ്‌ ഞങ്ങൾ താമസിക്കുന്നത്​. ബാപ്പ മുസ്​ലിം ലീഗി​െൻറ പ്രാദേശിക നേതാവ് ആയിരുന്നതുകൊണ്ട് ഓരോ തെരഞ്ഞെടുപ്പ് അടുക്കുമ്പോഴും വീടുനിറയെ ആളുണ്ടാവുമായിരുന്നു. ബാപ്പ പിരിഞ്ഞിട്ട് 10 വർഷം കഴിഞ്ഞെങ്കിലും ഞങ്ങളുടെ സിരകളിൽ ഇപ്പോഴും അതേ ആവേശം ഒഴുകി നടക്കുന്നു.

അതുകൊണ്ടാണ്​ ഈ കാലത്തും വിദേശത്തിരുന്ന്​ സോഷ്യൽ മീഡിയ വഴി തെരഞ്ഞെടുപ്പി​െൻറ ഭാഗമാകുന്നത്​. സ്വന്തം സ്ഥാനാർഥിയുടെയും മുന്നണിയുടെയും നന്മകൾ സൈബറിടങ്ങളിലേക്ക് എത്തിച്ചു തൃപ്തിയടയുകയാണ്​. എങ്കിലും, എതിർസ്​ഥാനാർഥിയെ ആക്ഷേപിക്കരുതെന്ന്​ ബാപ്പ പഠിപ്പിച്ച പാഠങ്ങൾ ഉൾക്കൊണ്ടാണ്​ ഓരോ പോസ്​റ്റും തയാറാക്കുന്നത്​. ഈ തെരഞ്ഞെടുപ്പിനെങ്കിലും നാട്ടിൽ പോകണമെന്ന ആഗ്രഹമുണ്ടായിരുന്നെങ്കിലും കോവിഡ്​ എല്ലാം തച്ചുടച്ചു. പഞ്ചായത്ത് ഇലക്​ഷനിലെ കന്നിവോട്ട്​ സ്വപ്നവുമായി ഞാനെന്ന പ്രവാസി ഇനിയുമെത്ര കാത്തിരിക്കണം !