ഐ.പി.എൽ: ഉത്തേജക മരുന്ന്​ പരിശോധനക്ക്​ ഇന്ത്യ - യു.എ.ഇ സംയുക്​ത സംഘം

ദുബൈ: ഇന്ത്യൻ പ്രീമിയർ ലീഗിൽ പ​ങ്കെടുക്കുന്ന താരങ്ങളിൽ ഉത്തേജക മരുന്ന്​ പരിശോധന നടത്താൻ ഇന്ത്യ- യു.എ.ഇ സംയുക്​ത സംഘം. ഇന്ത്യയുടെ നാഷനൽ ആൻഡി ഡോപിങ്​ ഏജൻസിയും (നാഡ) യു.എ.ഇയുടെ നാഷനൽ ആൻഡി ഡോപിങ്​ ഓർഗനൈസേഷനും (നാഡോ) ചേർന്നാണ്​ മരുന്നടി വിരുതന്മാരെ കണ്ടെത്തുന്നത്​. നാഡോയുടെ നിയമാവലികൾ അനുസരിച്ചായിരിക്കും പ്രവർത്തനം.

കോവിഡ്​ പ്രോ​ട്ടോ​േകാൾ ഉള്ളതിനാൽ താരങ്ങളുമായി നേരിട്ട്​ സമ്പർക്കം വരാത്ത രീതിയിൽ പരിശോധന നടത്താനും തീരുമാനമുണ്ട്​. യൂറിൻ സാമ്പ്​ൾ പരിശോധനയാണ്​ ഇതിനായി നടത്തുന്നത്​. നാഡയുടെ ഉദ്യോഗസ്​ഥ സംഘം അടുത്ത മാസം യു.എ.ഇയിൽ എത്തും.

ഏഴ്​ ദിവസത്തെ ക്വാറൻറീന്​ ശേഷം നോഡയുമായി ചേരും. ഇവർക്ക്​ താമസ സൗകര്യമുൾപ്പെടെ ഒരുക്കുന്നത്​ നോഡയായിരിക്കും.