പ്രവാസത്തിന്‍റെ അരനൂറ്റാണ്ടിലേക്ക്​ നഫീസുമ്മ

ദു​ബൈ: യു.​എ.​ഇ​യു​ടെ പി​റ​വി​ക്ക്​ പി​ന്നാ​ലെ അ​റ​ബ്​ നാ​ട്ടി​ൽ കാ​ലു​കു​ത്തി​യ പൊ​ന്നാ​നി സ്വ​ദേ​ശി​നി ന​ഫീ​സ കി​ൽ​ട്ട​ൻ പ്ര​വാ​സ​ത്തി​ന്‍റെ അ​ര​നൂ​റ്റാ​ണ്ടി​ലേ​ക്ക്. രാ​ജ്യ​ത്തെ ദീ​ർ​ഘ​കാ​ല താ​മ​സ​ക്കാ​രി​യാ​യ വി​ദേ​ശ വ​നി​ത​ക​ളി​ൽ ഒ​രാ​ളാ​യ ന​ഫീ​സ 1974 ജൂ​ലൈ 24നാ​ണ്​ യു.​എ.​ഇ​യി​ൽ എ​ത്തി​യ​ത്. യു.​എ.​ഇ ഡി​ഫ​ൻ​സി​ലെ ഉ​ദ്യോ​ഗ​സ്ഥ​നാ​യി​രു​ന്ന ഭ​ർ​ത്താ​വ് അ​ബ്ദു​ൽ ഖാ​ദ​റി​നൊ​പ്പ​മാ​യി​രു​ന്നു യാ​ത്ര. മ​ണ​ൽ​ക്കാ​ടു​ക​ളി​ൽ​നി​ന്ന് മ​നോ​ഹാ​രി​ത​യി​ലേ​ക്ക് കു​തി​ച്ച രാ​ജ്യ​ത്തി​ന്‍റെ വ​ള​ർ​ച്ച ക​ൺ​കു​ളി​ർ​ക്കെ കാ​ണാ​ൻ അ​വ​സ​രം കൈ​വ​ന്ന അ​പൂ​ർ​വം മ​ല​യാ​ളി സ്ത്രീ​ക​ളി​ൽ ഒ​രാ​ളാ​ണ് ഇ​വ​ർ.

പൊ​ന്നാ​നി​യി​ലെ പൗ​ര​പ്ര​മു​ഖ​നും സെ​ൻ​ട്ര​ൽ എ​ക്സൈ​സ് സീ​നി​യ​ർ ഇ​ൻ​സ്‌​പെ​ക്ട​റു​മാ​യി​രു​ന്ന സൂ​പ്ര​ണ്ട് മ​മ്മാ​ല​ന്‍റെ മ​ക​ളാ​ണ് ന​ഫീ​സ കി​ൽ​ട്ട​ൻ. കെ.​എം.​സി.​സി​യു​ടെ ആ​ദ്യ​കാ​ല രൂ​പ​മാ​യ ച​ന്ദ്രി​ക റീ​ഡേ​ഴ്സ് ഫോ​റ​ത്തി​ന്‍റെ ഷാ​ർ​ജ പ്ര​സി​ഡ​ന്‍റാ​യി​രു​ന്നു ഭ​ർ​ത്താ​വ് അ​ബ്ദു​ൽ ഖാ​ദ​ർ. അ​ദ്ദേ​ഹം 13ാം വ​യ​സ്സി​ൽ യു.​എ.​ഇ​യി​ൽ താ​മ​സ​ക്കാ​ര​നാ​യ​താ​ണ്. 50 വ​ർ​ഷ​ക്കാ​ല​ത്തി​നി​ട​ക്ക് നി​ര​വ​ധി ത​വ​ണ പാ​സ്പോ​ർ​ട്ടി​ൽ യു.​എ.​ഇ വി​സ സ്റ്റാ​മ്പ് പ​തി​ഞ്ഞി​ട്ടു​ണ്ട്. ഇ​പ്പോ​ൾ ഇ​മാ​റാ​ത്തി​ന്‍റെ ഗോ​ൾ​ഡ​ൻ വി​സ​യും ന​ൽ​കി ആ​ദ​രി​ച്ചി​രി​ക്കു​ക​യാ​ണ്. ദു​ബൈ താ​മ​സ-​കു​ടി​യേ​റ്റ വ​കു​പ്പാ​ണ് അ​ര​നൂ​റ്റാ​ണ്ടി​ലേ​ക്ക് ക​ട​ക്കു​ന്ന പ്ര​വാ​സ ജീ​വി​ത​ത്തി​ന് ആ​ദ​ര​വാ​യി ഗോ​ൾ​ഡ​ൻ റെ​സി​ഡ​ൻ​സി സ​മ്മാ​നി​ച്ച​ത്. ഇ​തി​ൽ ദു​ബൈ ഭ​ര​ണാ​ധി​കാ​രി​ക​ളോ​ട് ന​ന്ദി അ​റി​യി​ക്കു​ക​യാ​ണ്​ ന​ഫീ​സ. മ​ക​നും സാ​മൂ​ഹി​ക പ്ര​വ​ർ​ത്ത​ക​നു​മാ​യ റി​യാ​സ് കി​ൽ​ട്ട​നോ​ടൊ​പ്പ​മാ​ണ് താ​മ​സം. മു​നീ​റ, താ​ഹി​റ, റ​ഈ​ഫ, ഫാ​ത്തി​മ എ​ന്നി​വ​രാ​ണ് മ​റ്റു​മ​ക്ക​ൾ. അ​ബ്ദു​ൽ ഖ​യ്യൂം, ഫ​സ​ൽ, ഫെ​ബീ​ഷ്, ഹു​സ്നു എ​ന്നി​വ​ർ മ​രു​മ​ക്ക​ളാ​ണ്.