നക്ഷത്രപ്പൂക്കളായി പ്രവാസിയുടെ ക്രിസ്​മസ് ഗാനം

ഷാർജ: മഞ്ഞിൽ മറയുന്ന രാവിൽ തിളങ്ങിനിൽക്കുന്ന നക്ഷത്ര വിളക്കുകൾ ഡിസംബറി​െൻറ പുണ്യമാണ്. പുലരിവെട്ടത്തിൽ മഞ്ഞുനീങ്ങി തെളിഞ്ഞുവരുന്ന പൂക്കളുടെ ചന്തമുള്ള പാട്ടുകൊണ്ട് ക്രിസ്​മസിന് ആശംസ അർപ്പിക്കുകയാണ് രണ്ടു പ്രവാസികൾ. ആലപ്പുഴ ഹരിപ്പാട് സ്വദേശിയും ഷാർജയിൽ പ്രവാസിയുമായ സുമോദ് ചെറിയാ​െൻറ വരികൾ ഷാർജയിൽ പ്രവർത്തിക്കുന്ന കോട്ടയം ചെമ്മലമറ്റം സ്വദേശിയായ സൽജിൻ കളപ്പുരയാണ് ചിട്ടപ്പെടുത്തിയിരിക്കുന്നത്. മൃദുല വാര്യരാണ് ആലാപനം. റിലീസ് ചെയ്​ത്​ ദിവസങ്ങൾക്കുള്ളിൽതന്നെ ആൽബം ഒരു ലക്ഷത്തിലേറെ പേർ യൂട്യൂബിൽ കേട്ടിട്ടുണ്ട്​. പ്രശസ്​ത സംഗീത സംവിധായകൻ സ്​റ്റീഫൻ ദേവസിയാണ് പ്രകാശനം നിർവഹിച്ചത്.