ദേ​ശീ​യ ദി​നാ​ഘോ​ഷം: സ്വ​കാ​ര്യ​മേ​ഖ​ല​ക്ക്​ ര​ണ്ടു​ദി​വ​സം അ​വ​ധി

ദു​ബൈ: യു.​എ.​ഇ ദേ​ശീ​യ ദി​ന​ത്തോ​ട​നു​ബ​ന്ധി​ച്ച്​ സ്വ​കാ​ര്യ​മേ​ഖ​ല​ക്ക്​ ര​ണ്ടു​ദി​വ​സ​ത്തെ അ​വ​ധി പ്ര​ഖ്യാ​പി​ച്ചു. ഡിം​സം​ബ​ർ ര​ണ്ട്, മൂ​ന്ന് (ശ​നി, ഞാ​യ​ർ) തീ​യ​തി​ക​ളി​ലാ​ണ്​ അ​വ​ധി ല​ഭി​ക്കു​ക. ക​ഴി​ഞ്ഞ വ​ർ​ഷം സ്വ​കാ​ര്യ, പൊ​തു​മേ​ഖ​ല​യി​ലെ ജീ​വ​ന​ക്കാ​ർ​ക്ക് ഡി​സം​ബ​ർ ഒ​ന്നി​ന് അ​ധി​ക അ​വ​ധി അ​നു​വ​ദി​ച്ചി​രു​ന്നു. ര​ക്ത​സാ​ക്ഷി ദി​നം എ​ന്ന​റി​യ​പ്പെ​ട്ടി​രു​ന്ന അ​നു​സ്മ​ര​ണ ദി​ന​ത്തി​ന്‍റെ ഭാ​ഗ​മാ​യാ​ണ്​ ദേ​ശീ​യ​ദി​ന അ​വ​ധി മൂ​ന്ന്​ ദി​ന​ങ്ങ​ൾ ല​ഭി​ച്ച​ത്. എ​ന്നാ​ൽ ഈ ​വ​ർ​ഷം ഡി​സം​ബ​ർ ഒ​ന്ന് വെ​ള്ളി​യാ​ഴ്ച പ്ര​വൃ​ത്തി​ദി​ന​മാ​ണ്.

യു.​എ.​ഇ​യു​ടെ 52ാം ദേ​ശീ​യ​ദി​ന​ത്തി​ന്‍റെ ഔ​ദ്യോ​ഗി​ക ആ​ഘോ​ഷ ച​ട​ങ്ങു​ക​ൾ​ക്ക്​ ഇ​ത്ത​വ​ണ ദു​ബൈ എ​ക്സ്​​പോ സി​റ്റി​യാ​ണ്​ വേ​ദി​യാ​കു​ന്ന​ത്. സു​സ്ഥി​ര​വ​ർ​ഷാ​ച​ര​ണം, ആ​ഗോ​ള കാ​ലാ​വ​സ്ഥ ഉ​ച്ച​കോ​ടി എ​ന്നി​വ ക​ണ​ക്കി​ലെ​ടു​ത്താ​ണ് ആ​ഘോ​ഷ​ങ്ങ​ൾ എ​ക്സ്പോ സി​റ്റി​യി​ൽ സം​ഘ​ടി​പ്പി​ക്കു​ന്ന​ത്. യു.​എ.​ഇ​യു​ടെ പ​ര​മ്പ​രാ​ഗ​ത നെ​യ്ത്തു രീ​തി​യാ​യ അ​ൽ സ​ദു നെ​യ്ത്തി​നെ അ​ടി​സ്ഥാ​ന​മാ​ക്കി​യാ​ണ് ഡി​സം​ബ​ർ ര​ണ്ടി​ന് ന​ട​ക്കു​ന്ന ദേ​ശീ​യ​ദി​നാ​ഘോ​ഷ പ​രി​പാ​ടി​ക​ൾ ആ​സൂ​ത്ര​ണം ചെ​യ്യു​ന്ന​ത്.

1971ൽ ​ഐ​ക്യ എ​മി​റേ​റ്റു​ക​ൾ രൂ​പ​വ​ത്ക​രി​ച്ച​തു മു​ത​ൽ വ​ർ​ത്ത​മാ​ന കാ​ലം​വ​രെ​യു​ള്ള നേ​ട്ട​ങ്ങ​ൾ സ​ദു നെ​യ്ത്തി​ന്റെ വി​വി​ധ ത​ല​ങ്ങ​ളി​ലൂ​ടെ പ്ര​തീ​കാ​ത്മ​ക​മാ​യി വേ​ദി​യി​ൽ അ​വ​ത​രി​പ്പി​ക്കും. ഔ​ദ്യോ​ഗി​ക ച​ട​ങ്ങ് എ​ല്ലാ പ്രാ​ദേ​ശി​ക ടി.​വി ചാ​ന​ലു​ക​ളി​ലും ഔ​ദ്യോ​ഗി​ക വെ​ബ്‌​സൈ​റ്റി​ലും ത​ത്സ​മ​യം സം​പ്രേ​ഷ​ണം ചെ​യ്യും.