രാഷ്​ട്ര നേതാക്കൾക്ക്​  നിറങ്ങളിൽ പ്രണാമം

അബൂദബി: യു.എ.ഇ ദേശീയദിനത്തോടനുബന്ധിച്ച്​ രാഷ്​ട്ര നേതാക്കളുടെ ചിത്രങ്ങൾ പൂർത്തിയാക്കാൻ സാധിച്ച സന്തോഷത്തിലാണ്​ തൃശൂർ ഏങ്ങണ്ടിയൂർ സ്വദേശി ഷാജു ആരി. രാഷ്​ട്രപിതാവ്​ ശൈഖ്​ സായിദ്​, യു.എ.ഇ പ്രസിഡൻറ് ശൈഖ് ഖലീഫ ബിൻ സായിദ് ആൽ നഹ്​യാൻ, അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ എന്നിവരുടെ ചിത്രങ്ങളാണ്​ ഷാജു വരച്ചിരിക്കുന്നത്​.

മുസഫയിലെ അൽ മസൂദ്​ കമ്പനിയിൽ ജോലി ചെയ്യുന്ന ഷാജു ഒഴിവ്​ സമയം ഉപയോഗപ്പെടുത്തിയാണ്​ എണ്ണച്ചായത്തിൽ ചിത്രം വരച്ചെടുത്തത്​. ഒരാഴ്​ച മുമ്പാണ്​ ചിത്രം പൂർത്തീകരിക്കാൻ സാധിച്ചതെന്ന്​ ഷാജു പറഞ്ഞു.

ഷാജു ആരി

 

പത്ത്​ വർഷത്തോളമായി യു.എ.ഇയിലുള്ള ഷാജു ശിൽപനിർമാണം, മാജിക്​, വെജിറ്റബ്​ൾ കാർവിങ്​ എന്നിവയിലും കഴിവ്​ തെളിയിച്ചിട്ടുണ്ട്​. 2015ൽ അബൂദബി കേരള സോഷ്യൽ സ​െൻററിൽ പെയിൻറിങ്ങുകളുടെയും ശിൽപങ്ങളുടെയും പ്രദർശനം നടത്തിയിരുന്നു. രാഷ്​ട്ര നേതാക്കൾക്ക് ഇൗ ചിത്രങ്ങൾ നേരിൽ സമർപ്പിക്കണമെന്നതാണ്​ ഇൗ കലാകാര​​െൻറ ആഗ്രഹം.