യു.എ.ഇയെ പ്രകീർത്തിച്ച്​ സംഗീതാർച്ചന

അബൂദബി: യു.എ.ഇയെ വാഴ്​ത്തുന്ന ഇൗരടികളിൽ ഇമ്പമുള്ള ഇൗണം ചേർത്തെത്തിയ നിരവധി മലയാളം പാട്ടുകളാണ്​ ഇത്തവണത്തെ ദേശീയ ദിനത്തിനും പുറത്തിറങ്ങിയിരിക്കുന്നത്​. നടനും സാഹിത്യ പ്രവർത്തകനുമായി കെ.കെ. മൊയ്​തീൻ കോയയുടെ വരികൾക്ക്​ എടപ്പാൾ ബാപ്പു സംഗീതം നൽകിയ രണ്ട്​ ഗാനങ്ങൾ പുറത്തിറങ്ങിയിട്ടുണ്ട്​. മാപ്പിളപ്പാട്ട്​ ശൈലിയിലാണ്​ ഇൗ പാട്ടുകൾ ചിട്ടപ്പെടുത്തിയിരിക്കുന്നത്​. എടപ്പാൾ ബാപ്പുവിന്​ പുറമെ ഫസീല ബാനു, റബിത രാജ്​ എന്നിവരാണ്​ ഗാനങ്ങൾ ആലപിച്ചിരിക്കുന്നത്​.

ജോയ്​ മാധവനാണ്​ സംഗീത മിശ്രണം.സംഗീത കൂട്ടായ്മയായ സോങ്​ ലവ് ഗ്രൂപ്പ് സംഗീത ശിൽപം നിർമിച്ച്​ സമൂഹ മാധ്യമങ്ങളിൽ പ്രകാശനം ചെയ്​തിട്ടുണ്ട്​. സുബൈർ തളിപ്പറമ്പി​​െൻറ വരികളെ ആസ്​പദമാക്കി കമറുദ്ധീൻ കീച്ചേരിയാണ്​ ‘നിറച്ചാർത്ത്​’ എന്ന പേരിൽ സംഗീത ശില്പം ഒരുക്കിയത്​. സിദ്ധീഖ് ചേറ്റുവ നിർമിച്ച ‘നിറച്ചാർത്തി’ലെ ഗാനം ആലപിച്ചത് വി.വി. രാജേഷ്, അംബികാ വൈശാഖ് എന്നിവരാണ്​.